اعطونا الراي المفيد والقول الفصل في تحسين الاضاءه

**ahm.mngm** · 12-03-2014 11:06 PM

السلام عليكم
عاوزين نهاية الكلام في تحسين اضاءة النور الامامي بعد ما قريت كذا موضوع اتكلم في المشكله دي .. موصلتش لحاجه
اول الكلام فيليبس رالي : اللمبه دي مش موجوده خالص ، كمان الانطباع اللي قريته عنها انها قويه لكن نورها مشتت وليس مركز للامام ياعني مش هيجيب مسافه
فيليبس اكستريم : دي موجوده في المنصوره ب 250 جنيه وفي القاهره ب 190 جنيه ، واحد صاحبي اشتراها وكان مركب نيرفا بولندي 200 علي كتاوت ، الفيليبس ادته نفس الاداء بسفرق فلوس كتير وان كنت شايف اضائتها مش قويه ياعني برضه تحس انها 55
اوسرام نايت بريكر : جربتها بس مش جوا اكشافات العربيه بره علي توصيله وحسيت ان الاكستريم توهجها اكتر ، بس الله اعلم في الكشافات عاملين ازاي
اخر حاجه الراجل عرض عليا زينون اسمه king apple وفاللي دا الوحيد اللي 20A output هوا بصراحه شكله نضيف بس ب 550 جنيه h4 لكن برضه هل علي الطريق الاداء العملي هل في حل للزبنون انه نوره يبقي مركز علي الارض وطبعا انا معنديش عدسات

**elpasha1** · 12-03-2014 11:16 PM

متابع

**M_OSMAN88** · 13-03-2014 10:40 AM

عموما موضوع الأضاءة فية كلام كتير لو انت عايز تعلى الأضاءة عندك وفى نفس الوقت متلعبش فى الضفيرة فعليك بلمبات فليبس او أوسرام مقابل ان التكلفة هتكون عالية.الحل التانى انك تركب لمبات عاديرة زى نيرفا اة اى ماركة تانية 200/220 بس هتحتاج كتاوت بس المشكلة هنا كمية الحرارة بتاع اللمبة بتقى عالية فبتالى ممكن تأثر على الفوانيس على المدى البعيد

**ahm.mngm** · 13-03-2014 09:33 PM

Up………………..

**ahm.mngm** · 13-03-2014 09:34 PM

المشاركة الأصلية كتبت بواسطة m_osman88

عموما موضوع الأضاءة فية كلام كتير لو انت عايز تعلى الأضاءة عندك وفى نفس الوقت متلعبش فى الضفيرة فعليك بلمبات فليبس او أوسرام مقابل ان التكلفة هتكون عالية.الحل التانى انك تركب لمبات عاديرة زى نيرفا اة اى ماركة تانية 200/220 بس هتحتاج كتاوت بس المشكلة هنا كمية الحرارة بتاع اللمبة بتقى عالية فبتالى ممكن تأثر على الفوانيس على المدى البعيد

طب انتا سمعت عن الزينون دا ؟

**broadband** · 13-03-2014 09:55 PM

متابع للاهمية القصوى

**EmadFox** · 16-03-2014 11:02 AM

متابع

**ahm.mngm** · 17-03-2014 12:19 AM

كلنا متابعين ، ومحدش نزل بالملخص

**strikebaby** · 13-04-2014 02:39 PM

المشاركة الأصلية كتبت بواسطة M_OSMAN88

عموما موضوع الأضاءة فية كلام كتير لو انت عايز تعلى الأضاءة عندك وفى نفس الوقت متلعبش فى الضفيرة فعليك بلمبات فليبس او أوسرام مقابل ان التكلفة هتكون عالية.الحل التانى انك تركب لمبات عاديرة زى نيرفا اة اى ماركة تانية 200/220 بس هتحتاج كتاوت بس المشكلة هنا كمية الحرارة بتاع اللمبة بتقى عالية فبتالى ممكن تأثر على الفوانيس على المدى البعيد

انا مركب كتاوت ولمض كورى مش فاكر اسمها بس مكتوب عليها 200/220 و 100/90 w
بس بصراحه مش فارشه نور قدامى وحاسس انى مش بشوف بيها حاجه ياترى ممكن اجيب حاجه اعلى من كدة ولا ديه اعلى حاجه

**ahm.mngm** · 14-04-2014 01:51 AM

بص ياباشا هوا صاحبي لما ركب الفيليبس حس انها بنفس قوة النيرفا بس بدون حراره وبتوزيع للنور العالي افضل علي الارض ، او بمعني انه متركز علي الارض افضل من النيرفا ال 200
بس التجربه دي كانت لمدة ساعه واحده بس وبعدين رجعها لانه كان مركب كتاوت من الاساس وكان عنده لمبه واحده محروقه نيرفا