الموضوع: بالنسبه للسفر الي دول الاتحاد السوفيتي السابق

المشاركة الأصلية كتبت بواسطة باسم يوسف

يعني روسيا \ اوكرانيا \ بيلاروسيا \ جورجيا \ ارمينيا او حتي جورجيا

الحمد لله معايا قرشين و ان شاء الله ناوي افتح ستوديو تصوير و اتجوز عشان العضمه كبرت

كل اللي اعرفه ان روسيا اغلاهم و جورجيا و ارمينيا ارخصهم من حيث مستوي المعيشه

هو الموضوع كله دعوه و بتروح تجيب التأشيره من السفاره و نطير علي هناك

بس انا معرفش حد ثقه عاش في دوله من الدول دي عشان اعرف منه البهاريز

فاللي عنده اي معلومه موثوقه يقولها مع الشكر

بص يا باشا انا اقدر افيدك فى موسكو و سانبترس بورج دول ممكن تروح سياحه عادى العمله عندهم روبليه ال 35 روبليه بواحد دولار اسعار الشقق تبتدى من 250 دولار انا حولتلك لدولار علشان تفهم اكتر و الروس بيحبو المصريين اسعار الاكل والشرب زود الضعف عن عندنا ولو مبتكلمش روسي هتعرف تتعامل معاهم بالاشاره هيفهمو وتتعلم بعد كده هما اكتر حاجه مقرفه فيهم انهم معندهم سيفون فى الحمام افهم انتا الباقى واحلا حاجه فيهم كل واحد فى حالو بس خلى بالك من الفتن هناك.

نسيت اقولك على الخمرا هناك زي المياه عندنا حاول تتجنب كل ده وربنا هوا الرازق

المشاركة الأصلية كتبت بواسطة mtak

اكيد بالازاحه الجديد يزق القديم

اعتقد هو قاصد مافيش لامؤخده يعني (شطاف)
و انت مسافر لو هتأجر مكان فتره و تقعد فيه تعمل حسابك في واحد معاك

المشاركة الأصلية كتبت بواسطة nazar muharram

بص يا باشا انا اقدر افيدك فى موسكو و سانبترس بورج دول ممكن تروح سياحه عادى العمله عندهم روبليه ال 35 روبليه بواحد دولار اسعار الشقق تبتدى من 250 دولار انا حولتلك لدولار علشان تفهم اكتر و الروس بيحبو المصريين اسعار الاكل والشرب زود الضعف عن عندنا ولو مبتكلمش روسي هتعرف تتعامل معاهم بالاشاره هيفهمو وتتعلم بعد كده هما اكتر حاجه مقرفه فيهم انهم معندهم سيفون فى الحمام افهم انتا الباقى :0002014a: واحلا حاجه فيهم كل واحد فى حالو بس خلى بالك من الفتن هناك.

لو عندك فكره كامله عن الحياه هناك و بالاخص الاقامه و الشغل و المصاريف يبقي تمام
انا عايز اسافر اي حته و خلاص تكون انضف من هنا

المشاركة الأصلية كتبت بواسطة أحمد عبدالله

سماحة الوالد العلامة عبدالعزيز بن عبدالله بن باز رحمه الله

السؤال : ما حـكم السفـر لبلاد المشـركين ؟

الجواب : نصيحتي لكل مسلم ومسلمة عدم السفر إلى بلاد المشركين لا للدراسة ولا للسياحة لما في ذلك من الخطر العظيم على دينهم وأخلاقهم . وعلى كل واحد من الطلبة والطالبات الاكتفاء بالدراسة ببلده أو في بلد إسلامي يأمن فيه على دينه وأخلاقه ، وقد صح عن رسول الله صلى الله عليه وسلم أنه قال : أنا بريء من كل مسلم يقيم بين أظهر المشركين وقد أخبر الله سبحانه عمن لم يهاجر من بلاد الشرك إلى بلاد الإسلام بأنه قد ظلم نفسه ، وتوعده بعذاب جهنم في قوله سبحانه : - ( إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُولَئِكَ مَأْوَاهُمْ جَهَنَّمُ وَسَاءَتْ مَصِيرًا إِلَّا الْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ لَا يَسْتَطِيعُونَ حِيلَةً وَلَا يَهْتَدُونَ سَبِيلًا فَأُولَئِكَ عَسَى اللَّهُ أَنْ يَعْفُوَ عَنْهُمْ وَكَانَ اللَّهُ عَفُوًّا غَفُورًا ).

فأخبر سبحانه في هذه الآية أن الملائكة تقول لمن توفي من المسلمين في بلاد الشرك ولم يهاجروا : ألم تكن أرض الله واسعة فتهاجروا فيها؟ بعدما أخبر سبحانه أنهم قد ظلموا أنفسهم بإقامتهم بين الكفار وهم قادرون على الهجرة ، فدل ذلك على تحريم السفر إلى بلاد المشركين ، وعلى تحريم الإقامة بين ظهرانيهم لمن استطاع الهجرة .

بصراحة انا مش عايز افتى فى الدين

بس بكل بساطة اللى عايز يحافظ على دينه فى اى بلد هيحافظ عليه و اللى مش عايز يحافظ عليه فى مصر هيعرف يعمل كل حاجة هو عايزها .. الموضوع مش بالشكل اللى احنا فاكرينه و زى ما الاجانب عندهم جوانب كتير غلط فى حياتهم عندهم جوانب كتير هما احسن مننا فيها و الدليل هو تقدم كل بلاد " الشرك " و انها اقتصاديا و اجتماعيا اعلى من كل بلاد المسلمين و دا بسبب تصرفات المسلمين الغلط و فهمهم الغلط للدين و ليس بسبب الدين فى حد ذاته

عامة ربنا يهدينا كلنا و يغفر لنا


بالنسبة لصاحب الموضوع

لازم و لابد انك تتكلم مع حد عاش هناك فترة مش اقل من 6 شهور و سيبك من رأى اللى رايح سياحة لأن السياحة تفرق كتير جدا عن الاقامة فى بلد ما .. و موضوع اللغة مش سهل ، لو مش فاهم اللغة و لا عارف تتكلم بيها هتبقى مشكلة مش سهلة لأنك ببساطة مش هتعرف تفهم الناس ولا تتواصل معاهم و ديه مش حاجة سهلة ـ تانى حاجة لازم تعرف برضو طباع الشعب اللى انت رايح بلده لأن فيه حاجات كتير مختلفة بين كل الشعوب و فيه حاجات ممكن تبقى صعبة علينا كمصريين ، تالت حاجة معظم الدول ديه الجو فيها برد و برد اوى يعنى مش موضوع انك تقول هتستحمل ، البرد و التلج هناك فى ساعات كتيرة بيوقف الحياة العادية و احنا نفسنا مش متعودين على الجو ده و طبيعى ان بعد فترة قليلة ممكن تتعب نفسيا من الجو و تحس انك زهقان على طول .. انا عارف طبعا ان الحال صعب فى مصر دلوقتى بس موضوع الهجرة و خصوصا لبلد مجهولة الى حد ما بالنسبة لك مش سهل و الدنيا برة مش جنة زى ما الفكرة ديه موجودة فى مصر .. كل بلد فيها عيوبها و فيها مميزاتها و مفيش بلد هتحس فيها براحة كاملة لأن ببساطة اى بلد انت هتروحوا هتبقى غريب فيه