أفضل عربية فى حدود 50.000 - 60.000 ؟
السلام عليكم ورحمة الله
انا بتعلم سواقه من حوالي 4 شهور الحمد لله وصلت لمستوي جيد جدا جدا
بسوق في اصعب الطرق واتعامل مع المشاكل بشكل تلقائي الحمد لله
لكن الحمد لله انا اتعلمت كتير اوي اوي عن هندسة السيارات وفهمت اغلبها نظري
بس عاوز احكي حاجه مهمه في فترة تعلمي القيادة
انا بدأت اول حصه علي عربية لادا 1500 كانت مرار طافح بس علي ما يبدو انا كنت مش ملاحظ لاني كنت مشغول بالقيادة لاول مرة
المهم: قررت بعدها اني اغير العربية الي افيو كانت احسن بس ساعتها انا مكنتش افهم في تقييم العربيات
اتعلمت شويه مبادئ علي الافيو - بس علاقتي بالمدرب بقت مش ظريفة - فقررت اغير
روحت الي ماروتي كنت ساعتها بسوق مش وحش عجبتني اوي اوي وسهله وصغنونه والتحكم فيها عالي
طلعت بعد كدا علي رينو كليو اتعلمت فيها الركنة والسير علي الغيار التالت
وبعدين رجعت للادا 2107 اتعلمت عمل اس وقيادة في الطرق الرئيسية
وطلعت الرخصة ----- كوسة طبعا بس انا كنت بعرف اسوق - بس الجنية غلب الكرنية وعمار يا مصر المحظوظة
المهم بعدها انحرفت بقي مانا معايا رخصة
اخدت فيرنا كسر زيرو مع مدرب وكمان نيسان موديل 2011 تقريبا
بصراحه كنت وصلت لمرحلة النضج في التجربة والقيادة لدرجه اني طول مانا سايق بجرب مرة الموتور ومرة العفشة ومرة الات الجر ومرة الفرامل
بصراحه الفيرنا حلوة بس كنت خايف اوي من فراملها
النيساااااااااااان اسطورة في كل حاجه بس صوت الموتور عالي شوية "انا بحرق علي الغيار كتير اوي"
فراملها خلتني اخد ثقة في العربية وبجري وانا مطمن
المهم قررت اشتري عربية وقعدت الف وادوووووووووووووووور
اجيب ايه وبكام
انتهي الامر علي لوجان 2014 50% كاش والباقي تقسيط
المهم ولاد الحلال وقفولي قالولي حرااااااااااااااااااااام زيرو دلوقتي
المهم قولت اجيب مستعمل بـ45 الف
قالولي هات فيرنا
وبعدين انا قررت انزل شويه واجيب ماروتي اتعلم فيها الاول
روحت امبارح اشوف ماروتي - يا خرااااااااااااااااااااااا ااااااااااااااااااااااااا ااااااااااااااااااااااااا بي
الحمد لله اني اتعلم اقييم العربية
العربية لعبه فعلا
دلوقتي انا رجعت في كلامي عاوز اجيب عربية مرضية زي النيسان
تكون في حدود 50 او 60 الف
الحقوني يا رجااااااااااااااله انا بضيع
تم تعديل العنوان ونقلة لقسم المقارنات .
