محتاج دليل واضح للسفر حتى الحى العاشر

**amdd** · 13-03-2014 12:24 PM

عايز مساعده فى الطريق علشان عايز اسافر بالعربية وبصراحة خايف من الطريق جدا جوه القاهرة انا جاى من مطروح ومشكلتى من القرية الذكية تبدا وحتى الحى العاشر
انا عايز اعرف ازاى اروح من كارتة القرية الذكية لعمارات الفتح بالحى العاشر بمدينة نصر بالسيارة
بس حد يكون عارف علشان همشى على وصفه بالظبط
لانى دورت فى جوجل وبصراحة حاسس الموضوع معقد

تم نقلة لدليل الطرق الداخلية وطرق السفر .

**تامر.محمد** · 13-03-2014 12:40 PM

مبدئيا من بعد الكارتة هاتاخد المحور (شمال , يعني هاتنزل تحت المحور و بعدين تطلعه) لحد الدائري

الدائري , الاتجاهين يوصلوك , بس واحدة ابسط , مافيهاش يمين و شمال , بس ازحم شوية , اللي هي دائري المرج
و التانية اسلك و ممكن اقصر , اللي هي دائري المعادي , بس فيها حتة كده يا بتكمل في الدائري يا بتنزل في الهرم , مش هاعرف اوصفها لك دي

تطلع انهي فيهم ازاي , اليفط على المحور بتقول لك , او لما بتلاقي الدائري قدامك بالعرض , طلعت يمين , ده دائري المعادي , طلعت شمال , يعني دخلت تحته و طلعت , ده دائري المرج

المهم و الاساس انك بتاخد الدائري لحد اكاديمية الشرطة

لو جاي من دائري المعادي , بتفضل ماشي لحد ما تنزل اول نفق بتاع التجمع , تاني نفق بتاع اكاديمية الشرطة (الاكاديمية بتبقى على يمينك) ما بتنزلوش , بتسيب الدائري و تلف الصينية و تنزل زهراء مدينة نصر و الحي العاشر , بتمشي شوية لحد ما يقابلك حتة زحمة , دي الحي العاشر :)

لو جاي من دائري المرج , بعد ما تعدي اول نفق و بعده دخلة المطار و بعده طريق السويس , تلاقي اكاديمية الشرطة شمالك و النفق قدامك , تسيب الدائري و تاخد يمينك على طول على زهراء مدينة نصر , و تكمل زي ما قلت لك

**تامر.محمد** · 13-03-2014 02:55 PM

المشاركة الأصلية كتبت بواسطة mohamed_selim

الفكره بس ان عمارات الفتح مش فى العاشر دى فى السادس او السابع جنب انبى !
بص يا بيه .... ركز معايا ...
هتوصل للبوابات و تكمل طوالى .... هتعدى تحت المحور و تكمل طوالى ... هتلاقى نفق صغير تنزله و طوالى هتوصل الدائرى بالعرض فوقك ... تعدى من تحته و تطلع يمين هيلف بيك و تركب الدائرى .... تكمل شويه بس خلى بالك من فواصل الدائرى و انت ماشى خليك ورا العربيات .... و حاول تمسك يمين .... هتمشى بتاع 5-6 كيلو هتلاقى يفط بتاعة وصلة المريوطيه و نزلة المريوطيه انت هتخش يمين فى تانى مخرج (من ساعة ما تركب الدائرى مفيش ولا مخرج لحد ما هتلاقى اتنين ورا بعض مفيش بينهم 100 متر ... الاول عباره عن نزله للمريوطيه ملكش دعوه بيها هتاخد اللى بعدها و دى كانها تفريعه للدائرى يعنى هتخش يمين على نفس الارتفاع مش هتنزل) و طوالى هتلف بيك شمال و انت معاها و طوالى هتعدى النيل و انت طوالى ..... بعد كارفور هتلاقى يفط لمخرج القطاميه هتنزل المنزل ده هتلاقيه بيلف بيك كانك راجع و تمشى 100 متر هتلاقى يوترن تلفه و ترجع هتلاقى ميدان تخش عنده شمال هتعدى تحت الدائرى و تطلع على ميدان تانى تخش عنده شمال فى اتجاه مدينة نصر .... طوالى هتوصل عند كوبرى فوقك بالعرض و انت من تحته و طوالى هتلاقى بنزينة تعاون على يمينك على ناصيه تخش يمين معاها و هتمشى شويه تلاقى الشارع خلص تخش شمال و تمشى شويه صغيرين هتلاقى مطعم ارابياتا و موقف ميكروباصعلى ناصيه برضه تخش يمين و تمشى هتعدى تقاطع صغير و طوالى هتوصل تقاطع كبير تخش عنده يمين (على شمالك هتلاقى انبى و ممكن تخلى انبى هى العلامه المميزه اللى لو حبيت تسال اوصل انبى ازاى الناس هتساعدك) لما تخش يمين هتمشى هتلاقى بعد شويه فى عمارات فى الوش هى عمارات الفتح

طالما عند انبي يبقى الكلام ده اصح

**amdd** · 15-03-2014 10:46 AM

يا شباب والله مش عارف اشكركم ازاى وكتر الف خيركم وان شاء الله لما اسافر هبقى اقولكم ايه اللى حصل معايا بالظبط

-

الموضوع: محتاج دليل واضح للسفر حتى الحى العاشر

LinkBack

أدوات الموضوع

عرض

محتاج دليل واضح للسفر حتى الحى العاشر - انشر الموضوع فى :

-

-

المواضيع المتشابهه

للبيع شقه 90م سوبر لوكس بمدينه نصر عمارات صقر قريش الحى العاشر

أزاى أروح التوكيل اللى فى القطامية من الحى العاشر مدينة نصر

شقه بمدينة نصر بشارع زاكر حسين الحى العاشر 180م

افتتاح بنزينة وطنية فى اخر الحى العاشر

تنبية الى ساكنى الحى العاشر !!

الكلمات الدلالية لهذا الموضوع

المفضلات

المفضلات

ضوابط المشاركة