الموضوع: حل للفرامل الضعيفة؟؟

المشاركة الأصلية كتبت بواسطة eng.geo

هو ده أكيد مأثر جامد في الفرامل
بس انا شايف العيب الأساسي هو طول مشوار الدواسة

أنا معاك في النقطة دي .. هو في ناس كتير مش متعودة فعلا على طول مشوار الدواسة بتاعتها ..

بس أنا يمكن عشان معظم العربيات اللى كنت متعود أسوقها سواء بتاعة والدي أو العائلة وأنا صغير أو بتاعتي وأنا كبير كان أوروبي وبعد كدة ياباني مش فارق معايا الموضوع ده .. لأن الأوروبي والياباني معظم دواسات الفرامل بتاعتهم مشوارها طويل كدة

كنت بركب البيجو والبي إم والجولف .... الهوندا أكورد والانسر والتويوتا كريسيدا ... والسوزوكي ألتو اللى معايا حاليا ... كل الكلام ده الفرامل بتاعته أدائها كان متقارب جدا من ناحية طول مشوار الدواسة

حتى البلونيز والـ 128 والـ 127 والـ 132 والبونتو كلهم كدة

مع ملاحظة بقى الصايانات ونوع التيل وإذا كان فيه هواء في دورة زيت الفرامل ولا لأ ... وما إلى ذلك ... كل ده بيفرق فرق طفيف من عربية للتانية ... ولمدة من الزمن ومع إهمال الصيانة بيرجع تاني مشوار الدواسة يطول


لما بركب حاجة كوري بصراحة بتعذب وأنا بحاول ألمس الفرامل من بعيد قوي عشان ما أديش قوة غير متوقعة وأنا مش واخد بالي