سؤال لاهل الخبرة عن موتور BMW is
بسم الله الرحمن الرحيم
ازيكم يا شباب يارب دايما فى خير ومنورين المنتدى
انا هخش فى الموضوع انا من زمان متابع المنتدى وبتعلم منه كتير وكل الاقسام مش هنا بس المهم انا اشتريت عربية m40 وبعد ما جبتها وغيرت المكنة وعفشة وعملت شغل الحمدلله عملت حادثة:W_022: حتى قبل ما اجرب الموتور ومش انا اللى عملتها اخويا وانا فى الجيش:dontudear:
طبعا مقدرتش لا اصلح ولا حاجة انا كنت لسه مركب موتور is استيراد وكدا المهم ده اختيار ربنا الحمدلله وبعدين سمكرت والدنيا حلوة والعربية ماشية وفجاءة المكنة تلتيت من غير ما تسخن ولا حاجة
رحت لميكانيكى قالى البوجيهات غيرت بوجيهات قالى يبقى الرشاش طالعنا الرشاش ونضفنا المسطرة وكل الرشاشات بس برضه المكنة متلته على السلانسيه
بس لما تدوس تشتغل عادى والاربعة سلندر يشتغلوا مفيش مشكلة فهو قالى يبقى الصباب وهنفتح وبتاع وانا لسه مكنة مشتغلتش حاجة بس طبعا قعدت فترة كبيرة عقبال لما سمكرت لانى كنت مفلس ومش هروح اقول لراجل المكنة فيها حاجة بعد سنة
فقولت يمكن حد اتعرض لموقف ده يساعدنى