عرض للطباعة
السلام عليكم ..
كنت عايز اعرف آرائكم في انهي احسن تويوتا يارس هاتشباك ولا كيا ريو هاتشباك ..
اليارس الفئه الاولى اوتوماتيك ب 140 ألف
والريو الفئه التانيه ب 140 الف برده
كنت عايز اعرف انهي احسن من كل النواحي كعربيه و قطع غيار واعادة بيع ..
هي هتكون استعمال حريمي وهي عايزه واحده من دول بس ..
شكرا ..
تعديل صغير الياريس هاتش باك الفئة الاولي ب 132 الف مش 140 الف و بصراحة تسحق الريو الفئة التانية اللي ب140 الف في كل شئ و ارخص 8000 جنيه و بتزيد عن الريو:اقتباس:
المشاركة الأصلية كتبت بواسطة amr-osama
1.ABS مفيش في الريو
2.EBD مفيش في الريو
3. عدد 4 ايرباج ايوة 4 مش 2 مفيش في الريو ايرباجز خالص
4. BAS مفيش في الريو
5. فتيس CVT بعدد لانهائى من النقلات
6. فوج لايت مفيش في الريو
7. نظام HAC مساعدة في المرتفعات مفيش في الريو
8. كاسيت تاتش. مفيش في الريو
9.ضبط ارتفاع الفوانيس الامامية. مفيش في الريو
10. نقلات فتيس في الدركسيون
طب والياريس الفئة اللي ب 138 بتزيد ايه عن الكلام ده:
1.تكيف هواء تاتش ديوال زون
2.ثلاجة بالدرج الامامي بالانارة
3.تعديل مقعد الراكب الامامي اللي جنب السواق
طب و الياريس اللي ب 145 الف بتزيد ايه عن الكلام ده :
1.جنوط سبور
2. ريموت سمارت
3. الزجاج الخلفي و الجانبي ملون
4. حساسات مطر
5.مثبت سرعة
6. كاميرا خلفية
اتمني اكون لخصتلك المفيد بس سيبك من كل الاوبشنز الكتير و الدلع اللي موجود في الياريس عن الريو و بسعر اقل , هل مواصفات الامان اللي مش موجودة في الريو خالص متهمكش ؟
ABS
EBD
BAS
4 Airbags
انا مع الريو جدا نفسيا وعقليا
بميل للريو اكتر
اشتري الريو هاي لاين علشان تاخد وسائل امان abs - ebd - 2 airbags
عربية متجربة ومن غير مشاكل ومع ناس كتير غير اليارس لسه منعرفش حاجات عنها لانها جديدة الا لو عايز تجرب في نفسك العربية يبقى حاجة تاني !!!!!!!!!!!!
رايي لا ريو ولا ياريس 140 ممكن يجيبوا شارك زيرو كفاية المكنه 1600 العفشه مالتى لينك
Sent from my GT-S5282 using Forum Runner
الياريس ولكن لو الريو هتشباك الفئة الاخيرة
كده يبقي الوضع مختلف
الياريس هاتش بصراحة تسحق الريو
المشكلة ان الواحد عينيه اتعودت على الريو...و انتشرها أكبر بكتير في الشارع...الياريس تكاد تكون مش موجودة..
لكن...الياريس للأسف تضرب الريو بكل المقاييس...سواء وسع داخلي أو أوبشنز أو وسائل أمان أو إعتمادية أو متانة...السوق المصري للأسف متركب شمال
كفاية الموتور 1300 سي سي بيطلع 99 حصان يعني قوة و توفير بنزين غريب و بالإضافة انه كاتينة جنزير يعني مش محتاج صيانة كبيرة غير عند ال 80000 او 100000!
الياريس من جوه أوسع بكتير من الريو و خصوصاً من ورا...يمكن أوسع من الاوبل أسترا كمان! هي ممن بره تبان صغيرة لكن من جوه جبارة
الياريس فرنساوي و موجهة لأوروبا و هي نفس النسخة اللي بتنزل هناك بدون أي لعب أو قص و لزق...
كل دي حاجات تخليني أثق و أطمن للياريس أكتر من الريو و عربيات تانية كتير في الفئة السعرية دي
تحياتي لحضرتكاقتباس:
المشاركة الأصلية كتبت بواسطة nadernabil
انا داخل اسجل اعجابي بمعلوماتك العميقة لأن الناس بتحكم و تتكلم من غير متجرب و تشوف .