مشكلة في مساحات الفيرنا

**ayman_abollo** · 13-03-2014 11:39 PM

السلام عليكم و رحمة الله
انا اشتريت عربية فيرنا مانيوال موديل 2007 و عاملة 112 الف كيلو. و بحاول اليومين دول اظبط فيها شوية حاجات بس قابلتني مشكلة غريبة شوية محتاج مساعدتكم فيها. المشكلة في المساحات و هي ان المساحات مبترجعش مكانها يعني لو انا مشغلها مثلا على السرعة البطيئة و بعد شوية رجعت الدراع لمكانه الاصلي المساحات بتقف بعد شوية صغيرين بشكل عشوائي في اي مكان و مبترجعش في مكانها تحت خالص.

يا ريت لو حد عندو فكرة عن الموضوع ده و يقدر يساعدني يبقى شكرا جزيلا

بالمناسبة برضو انا كنت سألت واحد زميلي عن الموضوع و قاللي ممكن يكون فيوز المساحات عايز يتغير بس الكهربائي لما رحتلو مقدرش يلتقي الفيوز ده وقاللى كده ممكن تكون المشكلة في الموتور نفسه بس مش عارف ازاي في الموتور و هو ييشتغل كويس اقصد حركته كويسه يعني

**loshabih** · 14-03-2014 01:24 AM

اعتقد فعلا انها المكنه عايزه تتغير

**moe gawad** · 14-03-2014 02:44 AM

يافندم جرب حضرتك انك اولا تشوف الفبوس من على المانيوال اللى مرسوم هلى الغطاء الخاث بعلبة الفيوزات. بس هو مالهوش علاقه . يا اما شغال ياقاطع خالص
نصيحه اولا روح لواحد فاهم اوى يفك الماكينه وينظفها ببنزين و اسبراى انجكشن او wd40 علشان لو محمل املاح من الاتربه و المياه. وخليه يزيتلك تروس الحركه بالمساحه .
وانشتء الله هاتنتهى المشكله
انا بعمل الموضوع ده مع معظم العملاء اللى بيدخلولى المركز فى المساحات وفى الاريال الكهرباء سواءا عاملين مشاكل ولا كويسين
الصيانات الدائمه للحجات ديه بتديها عمر هايل
انشاء الله لو عملت التجربه ديه هاتتحل..

ممكن حضرتك تكلمنى لو تحب ﻻساعدك لاى استفسار

**ahm_eng2004** · 17-03-2014 09:38 AM

حصلت معايا بص انت تشغل المساحات و تخليها تجيب اخرها لتحت و تطفي زراع المساحات و تنزل من العربية تجيب مفتاح 17 و تفك الصامولتين اللي على دراع المساحات اللي عند الكابوت و تشد دراع المساحة لفوق من غير ماتخلعه و تحركه لتحت للمكان المناسب لك و بعدين تربط الصامولتين تاني لو المشكلة دي ماتحلتش بالطريقة دي يبقى عيب موتور او كهربا