السلام عليكم
أنا بصدد شراء عربية جديده
بقارن بين الاسترا والكورولا ٢٠١٤
مش عارف اختار ايه ومحتار ياريت حد يفيدني
وهل يا تري الاسترا فيها مشاكل
وممكن أعرف أسعار الأسترا من الوكيل كام دلوقت
وهل فيه تأخير في التسليم ؟
والألوان اللي متوفرة ايه ، وشكرا
عرض للطباعة
السلام عليكم
أنا بصدد شراء عربية جديده
بقارن بين الاسترا والكورولا ٢٠١٤
مش عارف اختار ايه ومحتار ياريت حد يفيدني
وهل يا تري الاسترا فيها مشاكل
وممكن أعرف أسعار الأسترا من الوكيل كام دلوقت
وهل فيه تأخير في التسليم ؟
والألوان اللي متوفرة ايه ، وشكرا
لو بتخيرنى بجد رغم حبى الشديد وتعلقى العجيب بالعربيات الالمانى بس بجد التويوتا كرولا الجديده جميله اوى وعجبانى جدا خصوصا ان الاسترا الجديده مش عجبانى شكلا غير هاتشباك وحاسسها ضيقه ده بالنسبه للشكل انا بالنسبه للاعتماديه فالموضوع عايز حد مجرب العربيتين ودى معلش بره عنى خالص .... هذا وبالله التوفيق
حضرتك واقع في نفس حيرتي من 5 شهور, كورولا 2014 ولا استرا 2014 .
هقولك العيوب لانهم مليانين مميزات :
عيوب الكورولا
انخفاض العربية,وده تم تعديله في التوكيل و مبقاش فيه قلق بما لايضر الثبات
صوت الكلاكس مش عالي لكن مش وحش
انوار الفوج مش بالقوة المطلوبة لكن جيدة (ده مقارنة بموديل 2013)
قطع الغيار غالية شوية عشان لسة منتشرتش و مجابوش ستوك كافي
عيوب الاسترا
الضيق النسبي وخصوصا في الكنبة الخلفية والشنطة مقارنة بالكورولا
استهلاك البنزين عالي بالنسبة للكورولا
التوكيل و سمعته المعروفة
الطلعة الاولي للعربية مش بالقوة المطلوبة للي بيحبوا الجري مقارنة بالكورولا
اعادة البيع اقل شوية من الكورولا
اما الثبات و عوامل الامان فمتقاربين جدا لوجود انظمة الثبات الالكتروني في العربيتين ووجود 4 ايرباج في الاسترا و 7 في الكورولا
طبعا الشكل ده نسبي ,بس من الداخل الاسترا افخم من الكورولا نسبيا زدي طبعا ازواق
ولو حضرتك عاوز مقارنة بالتفصيل الممل :
http://www.nilemotors.net/Nile/406085-2014-2014-a.html
انا رحت اوتوماك امبارح وجربت الكورولا والاسترا
لفت نظري امرين
النور الاحمر اللي تحت الفتيس واخد شكل حرف U بصراحة فكرني الليت سيستم اللي كنا بنحطه في ١٢٨ زمان
وحاجه تانية في الاسترا خاصة بموضوع الفخامة:
التابلوه مليااااااااان ازرار في المنطقة اللي في المنتصف .. كل حاجه لها زرار مستقل في التابلوه حتى فتح الشنطة والكاسيت كل option بزرار!!
وده كتييييير .. كتيييييييير :)
التويوتا فيها نفس الكماليات واكتر بس قايمة على نظام الازرار المدمجه
انا رأيي ان التويوتا تكسب بس الفرش يبقى الداكن لان البيج الفاتح مش حلو عليها .. اللون الداكن ح يديها قيمه
وربنا يملاهم بركة لاصحابهم ^_^
هى مقارنه صعبه والله ربنا معاك وتختار اللى العربيه اللى تناسبك كويس
الاسترا جميله جدااااااا و الكورولا أجمل
انا من رأيى تخليك فى اليابانى احسن علشان قطع الغيار بعد كده تبقى موجوده و فى نفس الوقت هيبقى سعرها اقل من القطع الالمانى ده غير اعادة بيع بعد كده لو حبيت تبيع سوق الالمانى بيبقى صعب شويه لكن اليابانى بيبقى زى ماتقول كده صفقه رابحه فى اعادة البيع فى اى وقت
طبعا مشكلة الكورولا 2014 المعروفه انها واطيه بس اتحلت المشكله دى ومفيش مشاكل تانيه تذكر بصراحه
الأسترا معنديش معلومات عنها كفايه للأسف ممكن تسأل عليها فى قسم الاوبل لو اتشدتلها اكتر من الكورولا
وبالتوفيق ان شاء الله :)
العربيتين محترمين وشوف ايه اللى يناسبك اكتر
الكورولا
انا بس عايز اضيف ان اﻻسترا علشان تشتغل كويس والموتور ما يحصلوش مشكله ﻻزم تحط بنزين 95 وسيبك من كلام التوكيل.. كل الي عنده للعربيه بيسمع صوت كركره من البنزين 92 والتوكيل بيضحك عليه ويرفع ال rbm علشان يحل المشكله ولكن كل ده مؤثر علي عمر الموتور.... الله يوفقك
الموتور والاوبشنز والوسع واستهلاك البنزين والتوكيل لصالح الكورولا