الله يبارك فيك...طبعاً السعر عالى و لكن للأمانة مقارنة بأسعار قطع غيار التوكيل و بالنسبة لحجم و مكونات هذه القطعة فده لازم يكون تمنها.....
عرض للطباعة
معقولة....أنا كنت فاكر عندى فقط!!!!!
انا الناحية الشمال عندى مفهاش اى صوت خالص......سواء قبل او بعد التغيير
أنا محصلش معايا موضوع الطقطقه ده فى الشمال خالص على اى وضع للفتيس و لما كان صوت الطقة عندى كنت لما بركن فى الجراج بجيب ال p و اقعد الف الدريكسيون يمين و شمال علشان احدد مصدر الصوت و عمر ما الموضوع كان مرتبط بنوع الغيار عندى و لكن للتأكد، بكره ان شاء الله هجيب ال p و اجرب و اقولك....لاحظ برده الصوت كان طقه واحدة فقط عاملة بالظبط كأنك ضارب اشارة و بتلف الدريكسيون ناحيتها...هو ده بالظبط وصف الصوت
بالنسبة للسؤال التانى: لو فرضنا ان الدريكسيون بيلف ٣ لفات كاملة شمال و زيهم يمين، الصوت التكة كان بيظهر فى اللفة التانية يمين فقط......و بيظهر اكتر كلما كانت الأرض خشنة و غير متساوية، أو بمعنى اخر مقاومة الأرض للعجل جامدة، اما فى حالة لو الارض ملساء او فيه ميه او طين يعنى مفيش مقاومة عالية على العجل فاستحالة يظهر الصوت....طبعاً مع الاخذ فى الاعتبار ان و انا ماشى مفيش الهوا، يظهر الصوت فقط أثناء الركن و مكنش دايماً كمان...يعنى بمزاجه
الله يبارك فيك مصطفى بيه.....
طبعاً انا بأكد مع حضرتك أنك و أنت بتنقل من ال p لل r بتبقى دايس فرامل و دايس زرار الفتيس فى نفس الوقت و انت بتنقل......لو كنت بتعمل كده ولسه فيه عصلجة فى النقل يبقى يجب زيارة التوكيل فى أقرب فرصة......
أن شاء الله يكون الموضوع بسيط و تطمنا عليك
الف مبروك ياكبير
[QUOTE=bassem.naguib;3875468389]طبعاً توكيل محترم وأنه مأنكرش المشكلة وغيرها في الضمان .. بس اللي يوقع القلب في الرجلين هو السعر .. ولكن أعتقد أنه علشان العربية لسه جديدة ومع الوقت الاسعار حتنزل .
بس هل القطمة وعمود الدركسيون هما نفس الشكل السابق ولا تختلف .
باسم باشا.....
فعلاً الحلو فى الموضوع أنه مقعدتش يحور عليا و يقولى تلاقيك اخدت مطب جامد و مفيش صوت و ده طبيعى و كل الكلام اللى حضرتك فاهمه ده و خاصة ان الصوت عذبنى عندهم على ما سمعتهلهم نتيجة الدوشة فى الورشة....
اللى بسطنى اكتر كمان هو سرعة التشخيص لأن حضرتك عارف أصعب موضوع عند أى توكيل هو موضوع الصوت....يعنى لما بتروح بعيب ميكانيكى واضح او حاجة مكسورة او حاجة بتجيب زيت او عيب كهربى ظاهر على الكمبيوتر....كل ده سهل يشوفه و يصلحه.....انما لما تروح تقوله فى صوت ساعات بيظهر و انا بركن و كمان فى ناحية واحدة و يكون تمن حل هذه المشكلة قرب ال20 الف جنيه....فانا اكاد اجزم ان مفيش اى توكيل فى مصر كان ممكن يعمل الموضوع ده معايا
حضرتك اكيد عارف اجابات التوكيلات المعتادة فى هذه الحالات
اللى عجبنى اكتر الفنى اللى حدد العطل....انا كنت شاكك فى airbag coil بس مفكرتش خالص فى عامود دريكسيون و هو كمان فكر فى ال airbag coil الاول لانه الحل الاقل تكلفة....علشان يحدد العيب راح حالل الايرباج كويل و قعدنا مع بعض نلف الطارة لقينا الصوت لسه موجود فتأكدنا انه العامود
وجود قطعة غيار بهذا السعر و هذا الحجم و توفيرها من القاهرة تانى يوم خدمة رائعة لا تتوافر بكثرة هذه الأيام
بالنسبة لسؤال حضرتك فهو فعلاً نفس عامود الشكل القديم بالظبط
على فكرة السعر مش هينزل لانه بتاع الشكل القديم....و لو حضرتك كنت شفت شكل القطعة من حيث الحجم و كمية الاجزاء اللى راكبة فيها و الموتور الكهربا و كمية الكنترول يونتس و الأسلاك كنت قدرتها بأعلى من ١٤ الف جنيه
مثال بسيط لما تيل الفرامل ب ٦٠٠ جنيه
قاعدة موتور كاوتش ٧٥٠ جنيه
يبقى ١٤ الف على هذه المجموعة المعقدة و الحساسة فى نفس الوقت ...بالمقارنة مع القطع المستهلكة زى التيل و قاعدة الموتور مش غالية
استاذ هاني
اتعرضت للموضوع ده يوم الثلاثاء الماضي بالليل
بعد غسيل السيارة من أسفل ورفعها في محطة بنزين وده بسبب كنت بلاقي العربية بتخبط والعفشة نشفت شوية
غسلت السيارة من اسفل بسبب الطين وألامطار
والدنيا اتظبطت شوية
وبعد كده جيت اركن بالليل لقيت صوت دربكة أو طقطقة وانا بركن وبلف الدركسيون على اخره جاي كإنه تخبيط من الخلف وجاي برضه لما كنت بكسر الدركسيون يمين
مع اني مستلم يوم 20/2/2014
كلمت التوكيل عشان احجز معاد وحجزت الخميس
جيت تاني يوم اركن فالعصر لم أجد الصوت
قولت ياواد ياخالد جايز عشان النويز وانا مش سامع كويس
المهم كان معادي الخميس في التوكيل الساعه ال 10.30
قولت انزل بدري عشان لو احتمال الصوت ظهر انزل التوكيل
لقيت الصوت موجود
ذهبت للتوكيل فوراااا فرع العبور
جه المهندس جرب معايا لم أجد صوت إطلاقا
قاللي اتفضل اختبر انت لقيت الصوت غير موجود
المهم هو دخل العربية صيانه وقاللي ربطنا العفشة بالكامل والعربية مافيهاش أصوات
وفعلا الصوت مظهرش معايا لما جيت اخر اليوم من الخارج
فكده انت لفت نظري ان الصوت ممكن مكنش موجود فالتوكيل لنعومة الارضية
وإني أجرب أركن في أرضية غير ممهدة وأحاول أشوف الصوت هيتكرر تاني ولا لا
بس للأمانة انا مستريحتش لفرع العبور
مافيش اهتمام بالعملاء كما يجب
يعني معادي الساعه 10.30 وجاي قبل معادي ب 15 دقيقة
والاقي بيستلم مني العربية الساعه 11
غير كده طريقة انه ينده على الناس بأولوية الحجز مستفزة حبتين
مقارنة توكيل نيسان السبع او اوتو إيجيبت فهو أأقل من وجهه نظري
السبع كنت اول ماوصل التوكيل ادخل على الكيو سيتسيم واسحب الريسيت
وليا أولوية وصول
انما أقعد 45 دقيقة عشان ينده عليا ده مش معقول
غير ان الاستقبال مهندس واحد هو اللي بيستلم العربيات ؟؟؟؟؟؟؟
السبع كانو 4 مهندسين داخلين خارجين ووشهم بشوش ومبتسمين للعملاء ويحببك فالتوكيل والعربية
انا عاوز أنقل صيانتي لأي مركز خدمة تاني
ألف مبروك عليك و إن شاء الله تكن أتحلت.
أنا بصراحة ليا تجارب كتير كتبتها هنا مع التوكيل و فيها الكويس و فيها الوحش......بس الكويس أكتر بكتير بصراحة............يكفي أنهم غيرولي ترس الديفازر فى الميجان على 90 الف كيلو يعني بعد ما العربية طلعت من الضمان بسنة أو أكتر بدون ما أدفع ولا مليم.
جرب يا باشا ترفع فرامل اليد و أنت دايس فرامل قبل ما تجيب ال p......ده و أنت بتركن طبعاً
و أنت خارج دوس فرامل الأول و بعد كده حرك عصاية الفتيس و بعد كده نزل فرامل اليد.
لو مبقتش تلاقي العصلجة دي يبقى سببها أنك بتركن على أرض مش مستوية و أول حاجة بتعملها أنك بتجيب عصاية الفتيس على ال p ( بتعشق العربية) و حمل العربية كله بيبقى على الفتيس.
يارب تيبقى كل التوكيلات كدة
و موضوع مميز من حضرتك
بالتوفيق ان شاء الله