صوت غريب عند تشغيل محرك كورولا 2014 من 1000 كيلو ... ايه السبب؟؟

السلام عليكم
مهندس محمد من الاسكندرية
كورولا 2014 هاى لاين كحلى
ظهرت مشكلة غريبة معايا قبل صيانة 1000 كيلو و هى صوت ازيز او صرخة مع دوارة العربية من الوضع البارد الصبخ بدرى فقط و انا ريح شغلى و لا يظهر لما العربية تكون متسخنة المهم روحت صيانة الالف توكيل تويوتا الرزق الكيلو 25 مرغم طريق اسكندرية الفاهرة الصحراوي كشفوا على العربية و قالوا مافيش حاجة احنا ربطنا على السيور اصلها مرخية شوية
صدقتهم و خلصت و مشيت

المهم الصوت ظهر معايا تانى على فترات متقطعة .... فى نفس الظروف اللى قولت عليها و وصلت 5000 كيلو
روحت التوكيل و اشتكيت من نفس العيب .... و بعد الفحص قالى العربية مافيهاش اى حاجة و طلب منى اجرب امامه لكن ماظهرش اى صوت قالى طيب نسيبها ساعتين و كنا 11 الظهر و على 1 الظهر كدا جربنا تانى برده مافيش حاجة ...... المهم اتفقت معاهم انه لو الصوت ظهر معايا بعد كدا هجيب العربية و لازم تشوفوا حل و افقوا و طلبوا انها تتساب عندهم المرة اللى جاية عشان تتجرب من الوضع البارد ان تكرر الموضوع
دلوقت الصوت مازال بيظهر معايا بشكل متقطع .... يا ريت حد يقولى ده ايه و هل ده طبيعى ام عيب خطير عشان اروح التوكيل و اعمل فرح

انا اول مرة اسمع عن عيب زي ده , و غالبا هتبقي حاجة بسيطة متقلقش.
افضل حل تتفق معاهم تبيت العربية عندهم بالليل و تكون متواجد تاني يوم الصبح بدري عندهم و تدورها و انت هناك الصبح و هما فاتحين الكبوت هيبان المشكلة فين علي طول ان شاء الله.

الصوت ده عامة بيكون من سير الدينامو او من جلب/ طارة الدينامو......
الاول بيغيرولك السير، لو الصوت راح يبقى تمام...لو مرحش هتغير طارة الدينامو اللى السير لافف عليها لان الجلب بتاعتها ناشفة و بتحك لما الجو يبقى ساقعة
لاحظ ان طالما العربية سخنت مش ممكن هتسمع الصوت تانى....
لازم تسيبها طول الليل تبرد و درجة الحرارة تنزل علشان يظهر الصوت تانى....لو سبتها اى عدد من الساعات فى خلال اليوم مش هيظهر الصوت.....
لو الصيف دخل علينا و الجو سخن ممكن الصوت ميظهرش تانى الا الشتا اللى جاى فخد بالك من النقطة دى....

انت بتوصف بالظبظ بالظبط اللى بيحصل عندى فى كرولا 2013

صوت جعره كده الصبح بس انا شاكك فى كلتش الكمبريسور او بليه

لكن بلاحظ ان الصوت ده مسمعهووش الا فى الصبح بس مره واحده بس

ولاازم يكون الجو برد لو الجو عاادى ميحصلش اى صووت

ولو سيبت العربيه حتى عشر ساعات تبرد الصبح متسمعوووش لازم العربيه تبرد خالص بالليل ويكون الجو بارد


لو عرفت العيب قولى عليه من فضلك

متشكر جدا يا جماعة على اهتمامكم و نصيحتكم ..... انا رايح بكرة بأذن الله التوكيل و هبيت العربية هناك
انشاء الله سوف اوافيكم بالنتيجة قريبا

السلام عليكم
انا معايا ياريس 2008 وعندي نفس الصوت ده وبيظهر الصبح في الجوا البارد فقط فعلا
وانا بعمل صيانه ال 90 الف سألت وقالي ده سير المجموعه مرخي شويه وقالي انا هشده وجينا نجرب الصوت راح
تاني يوم الصبح لقيته زي ما هو .. صوت ونه بسيطه اول ما تدور وبتروح علطول .. بصراحه مش عارف السبب ونفسي ألاقي حل للموضوع ده من باب الفضول

معلش يا باشمهندس لو الصوت تحس انه زي رمان بلي فارت وبيظهر في اول الدوارة فقط ولمدة ثانية فهو عندي برده في كورولا 2014 هنا في السعودية وسيبت العربية عندهم في الوكالة يوم بسببه هو وكذا حاجة لأنهم كانوا بيقولوا طبيعي ، المهم انهم سلموني سيارة بديلة اليوم ده موديل 2012 وانا بدورها الصبح عملت نفس الصوت ، فرحت رايح واخد العربية وانا ساكت طبيعي طبيعي ، وواضح كده انه موجود عند ناس كتير ، وخلي بالك ان العربية اللي معي تقفيل تايواني فممكن يكون حاجة في تصميم العربية
ياريت تطمنا برده

اقتباس:

---

المشاركة الأصلية كتبت بواسطة rocketethan

متشكر جدا يا جماعة على اهتمامكم و نصيحتكم ..... انا رايح بكرة بأذن الله التوكيل و هبيت العربية هناك
إن شاء الله سوف اوافيكم بالنتيجة قريبا

---

باشا طمنا ايه الأخبار هل تم معرفة سبب الصوت وعلاجه

يا ريت صاحب الموضوع لو لقى حل او عرف المشكله فين بالظبط يقولنا حتى تعم الافاده


منتظرين الرد

الصوت ده ابتدى يظهر عندى تانى بعد ما كان اختفاله شهر تقريبا


يا ريت صاحب الموضوع يفيدنا لانه كان قايل انه رايح التوكيل

http://www.nilemotors.net/Nile/423491-a.html