ما هي السيارات الموجودة في مصر وليست تجميع مصري

**Hassan.Tofaha** · 14-03-2014 02:07 PM

السلام عليكم ورحمة الله وبركاته

لو سمحتم يا شباب انا محتار اجيب سيارة من السعودية وجمارك ووو ولا اجيب من مصر واريح دماغي
في ناس بتؤل ان التكيف بيختلف والتقفيل كمان
فا السؤل هل في في مصر سيارات تجميع بلادها او في بلد مشهود له بالجودة
ثانيا في هنا اكثر من زميل اشتروا سيارة دايهتسوا تيريوس (او الجراند 7 راكب ) ايه رأي حضرتكم فيهم موديل 2014 طبعا عشان الشروط الجمركية وهل التيريوس في مصر تجميع مصري؟

ودمتم في امان الله

**kazamodia** · 14-03-2014 03:04 PM

التيريوس مش تجميع مصري بس هي عربية سيئة جدا في الثبات والعفشة وقطع الغيار واعادة البيع
اي عربية تجميع مصري سعرها بينزل كتير عشان الجمارك بتبقى اقل
عموما لو هتجيب عربية جديدة هتبقى في مصر ارخص وهتريح دماغك كمان

**ahmedalaahosny** · 14-03-2014 03:04 PM

التيريوس كعربية حلوة بس شكلها قديم وكئيب اوي وعلي ماشفت ف كام موضوع ف المنتدي انها بتترقص علي مطبات الهوا وثباتها سئ ف السرعات العالية ياسلام لو تبص كده ع الميتسوبيشي شارك تقفيل ياباني مية ف المية وطبعا الياباني مش محتاج حد يتكلم عن جودته واعتماديته وخاصة ان الشارك رياضية وثابته جدا وعفشه مالتي لينك منتي الراحة مع الاحتفاظ بالاداء الرياضي

**S O P H O S** · 15-03-2014 06:09 PM

في عربيات كتير تقفيل بلدها
والتكيف تقصد ان بعض العربيات خليجي

**Hassan.Tofaha** · 16-03-2014 10:44 AM

جزاكم الله خير
طيب يا kazamodia هل التيريوس الي في مصر تقفيل يباني ولا ماليزي ؟

فعلا يا ahmedalaahosny الشارك رائعه هي هنا 2000 سي سي صعب اجيبها من السعوديه
فا لو الموجود في مصر يباني التقفيل اركز عليها ان اشاء الرحمن

**bassemali** · 16-03-2014 11:28 AM

المشاركة الأصلية كتبت بواسطة hassan.tofaha

جزاكم الله خير
طيب يا kazamodia هل التيريوس الي في مصر تقفيل يباني ولا ماليزي ؟

فعلا يا ahmedalaahosny الشارك رائعه هي هنا 2000 سي سي صعب اجيبها من السعوديه
فا لو الموجود في مصر يباني التقفيل اركز عليها ان اشاء الرحمن

أيوه يافندم التريوس اللي ف مصر ياباني ونفس وكيلها ف السعوديه (عبداللطيف جميل) والانسر الشارك ياباني برضه وموتورها هنا مايفيك 1600 وده موتور قوي ومتميز جدا ..ماأنصحكش تجيب عربيه من السعوديه وتنزلها لإنها هتقف عليك بأغلى من سعرها ف مصر بعد الجمرك وهتخسر الضمان .. لو عايز تجيب حاجه بمواصفات خليجي ممكن تجيب من معرض ف مصر هنا وتشتريلها ضمان .. ملحوظه : فكك من حتة أصل التقفيل والتكييف بتاع الخليجي أحسن .. انا عايش ف السعوديه اهو بقالي 8 سنين .. الكلام ده مش مضبوط .. وكمان مش كل التجميع المصري وحش .. انا جايب إسبرانزا 516 ف مصر .. تجميع مصري .. وماشاء الله عربيه ممتازه وتكييفها مش أقل أبدا من تكييف عربيتي الكيا أوبتيما هنا ف السعوديه .. أتمنى لك التوفيق .