الموضوع: حل لمشكلة الكلاب مع سقف العربية

السلام عليكم ورحمة الله وبركاته

أولا :احب اشكر كل اعضاء الجروب على المجهود المبذول وروح المشاركة الجميلة اللي الواحد استفاد منها كتير جدا
ثانيا :كانت عندي مشكلة مغلباني وهي اني الكلاب كانت مبهدلة سقف العربية بتطلع عليه فده يخليه يطبق وكل يوم لازم اعدله من الداخل وده مع التكرار ساب اثر على السقف
كان قدامي حلين اول حل اني احاول اركب شبكة خارجية او اي حاجة يعني فوق المنطقة اللي السقف ضعيف فيها بس للاسف ده كان هيبوظ شكل العربية
الحل التاني كان تقوية السقف من الداخل بدعامات اضافية وده اللي نفذته بالفعل والنتيجة رائعة
الخطوات:
1-فك السقف عند سروجي نضيف وخلي بالك تحت السقف في طبقة نسيج عازل ملزوقة خليه يفكها بالراحة وميبوظهاش (تكلفة الفك والتركيب 50 جنيه ).
2-شراء الاشياء اللازمة (انبوبة سيلكون عضم 28 جنيه-خوصة حديد عرض 3سم وسمك 6مم وطول 6متر بسعر 45 جنيه )احنا مش هنحتاج غير 3.5 متر بس مكانش بيتباع غير عود على بعض.
3-الذهاب لسمكري كويس يعمل 3 دعامات بطول تقريبا 1متر ويلفها بنفس انحناء السقف وهتلاقي في سوكة عاملة زي مسند في الجانبين بتوع القوايم العلوية هتسند عليهم الخوص بدون لحامات
4-هتلاقي في خوصة واحدة في النص صاج عريضة بتاعت الفبريكة انت هتحط قبلها اتنين وبعدها واحدة وبعد ماتخلص تدي ده كله سيلكون حتى خوص الفبريكة قويتها برضه بسيلكون وكدة خلاص يامعلم سيب السيلكون يشد(مصنعية السمكري 60 جنيه )
5-ارجع قفل السقف عند السروجي وخلي فيل بقى يطلع فوق العربية ولا يهمك
كدة التكلفة النهائية 185 جنيه والنتيجة تمام الحمد لله
اسيبكم مع الصور بقى

حل ممتاز