عايز اعرف اجمالي مصاريف ترخيص ماروتي لاول مرة

**محمد عمر 2014** · 14-03-2014 02:57 PM

السلام عليكم ورحمة الله وبركاته

بإذن الله ناوي اجيب ماروتي زيرو كاش .. والحمد لله استقريت على المعرض اللي هاجيبها منه بس بعد ما لفيت لقيت اللي موجود موديل 2013 والكل يقولي 2014 لسه مانزلتش ... مش عارف مصداقية الكلام ده

المهم كنت عايز اعرف الاجراءات اللي هاعملها في المرور اللي انا تبعه والورق اللي اجهزه وطبعا اجمالي المصاريف اللي هادفعها كام : الضرائب والرسوم والدمغات والاوراق والنمر وطبعا حق الشاي والدخان ... بالتفصيل الممل جدا ... علما بان العربية 800 سي سي وانا عايز رخصه 3 سنين

مندوب المعرض اللي ناويت ان شاء الله اجيب منه العربية قالي انه ممكن يجي معايا المرور ويخلصلي كل حاجة بس عاوز 1500 جنيه .... هل المبلغ ده معقول ولا مبالغ فيه
يعني لو كان معقول ممكن الواحد ياخده معاه ويخلص من القصة دي من غير دوخة ووجع قلب .

وكل الشكر لمن يرد او حتى يشاهد الموضوع ...............

**tifa2015** · 15-03-2014 12:39 AM

المبلغ ده مبالغ فيه جدا انت حضرتك روح بدرى على 8 ونص كده مش هتاخد ساعة زمن وتقريبا كده كله على بعضه حوالى 500 وشويه مش فاكر بالظبط لسه مرخصها من سنه للمدام بالمبلغ ده رخصة 3 سنين والف مبروك مقدما

**lidosasa** · 15-03-2014 02:07 PM

هو فعلاً مفيش موديل 2014 وكل اللى موجود فى المعارض 2013

**محمد عمر 2014** · 17-03-2014 09:02 PM

المشاركة الأصلية كتبت بواسطة tifa2015

المبلغ ده مبالغ فيه جدا انت حضرتك روح بدرى على 8 ونص كده مش هتاخد ساعة زمن وتقريبا كده كله على بعضه حوالى 500 وشويه مش فاكر بالظبط لسه مرخصها من سنه للمدام بالمبلغ ده رخصة 3 سنين والف مبروك مقدما

المشاركة الأصلية كتبت بواسطة lidosasa

هو فعلاً مفيش موديل 2014 وكل اللى موجود فى المعارض 2013

المشاركة الأصلية كتبت بواسطة ah.farid

بالنسبة للرسوم كاﻻتى:
25 ملف من المرور
245 تامين إجباري 3 سنين
550 ضريبة 3 سنين
140 طفاية حريق
وشوية مصاريف و اكراميات قول من 60الى 100 جم
يعنى اجمالى حوالى 1000 جنية ولو ترخيص سنة واحدة يقل حوالى 350

والله العظيم انا مش عارف اشكركم ازاي وبأي صيغة

ربنا يكرمكم ويجازيكم كل الخير ويكفيكم كل الشر ويعطيكم افضل مما تتمنوه .... اللهم آمين

طيب معلش لو فيها طمع بقى ... لو عايز اعمل تأمين على العربية طبعا انتو شايفين حال البلد الواحد خايف تتسرق او يحصل اي حاجة لا قدر الله
عايز اعرف نظام التأمين ايه ومصاريفه وبيغطي ايه بالضبظ وايه احسن شركة تأمين في الموضوع ده

معلش انا اسف تقلت عليكم ... بس انا لسه جديد ومش عارف حاجة خالص

**tifa2015** · 22-03-2014 08:37 PM

بص حضرتك فى قسم فى المنتدى هنا للتامين ممكن يفيدك اكتر والف مبروك مقدما

**emy sallam** · 23-03-2014 02:46 PM

فعلا انا لسه مرخصاها من شهر ب 650والمعرض بعت معايا راجل يخلصلى الاجراءات واخد 200 ج

**محمد عمر 2014** · 18-04-2014 09:10 PM

المشاركة الأصلية كتبت بواسطة emy sallam

فعلا انا لسه مرخصاها من شهر ب 650والمعرض بعت معايا راجل يخلصلى الاجراءات واخد 200 ج

انا اسف ... لسه شايف الرسالة دلوقتي

طيب حضرتك رخصتيها بالمبلغ ده لمدة عام ام اكثر ؟؟
والمبلغ ده شامل مصاريف ايه بالتفصيل ؟؟

لان في مشاركة سابقة قالت ان اجمالي المبلغ اكتر من كده .. ومن غير اكرامية الراجل بتاع المعرض يعني هتعدي 1200 جنيه

ومعلش سؤال كمان ... هل اللوحة اللي بتتركب ليها تأمين او ضريبة يعني ليها مصاريف تتدفع في الخزنة زي مصاريف العربية ولا لأ ؟؟؟؟؟؟

ولك جزيل الشكر ...