مواتير النافورة أو مواتير تفريغ حمام سباحة، حد عنده خبرة عشان هاستخدمها في حاجة تانية

أحد المعارف اشتكى لي من موضوع و هو عنده بدروم كل ما الدنيا تمطر يتملي مياه و يقعد ينزح فيه بالجردل واحدة واحدة عشان يفضيه.

الحل إنه ممكن يركب مضخة صرف عشان ترفع المياه من البدروم للدور الأرضي و منه على الصرف لكن شايف إنها مكلفة و غير مجدية لأنه مش هيشغلها إلا مرتين تلاتة في السنة

أنا فكرت في حل تاني لأني جربت موتور بتاع نافورة زينة زمان و هو على قده 3.3 وات كان كبيره يرفع المياه مسافة 40سم

http://img187.imageshack.us/img187/8...1008009fw6.jpg

الموتور ده نوعه submersible pump بيشتغل عن طريق إنه يغطس في المياه و يرفع المياه لمسافة معينة كل موتور و قدرته. حد يعرف مين في مصر يبيع المواتير دي بقدرة تناسب الاستخدام اللي أنا حددته؟ منين و بكام؟

ده متهيألي هيبقى عملي و غير مكلف لأنه استخدامه سهل، مجرد تغطسه في المياه و توصل الفيشة مع توصيل مخرج الموتور بخرطوم مياه يوصل للدور الأرضي مباشرة عند الحاجة

ممكن تستخدم قلب طرمبه بنزين كهرباء عمره طويل ومتوفر في كل حته وسعره مش عالي بيبداء من 75 جنيه بس مشكلته انك عاوز power supply مناسب ليه عشان هو بيسحب امبير جامد

انا اعرف طرمبة المكيف الصحراوي في منها عادي وفي غاطس وبتتباع عند تجار الادوات الكهربائية وقطع الغيار بحوالى 100 جنيه بتشتغل 24 ساعة عادي خالص في ظروف الحرارة العالية وبترفع مياه لعلو 70 سنتيمتر تقريبا (ارتفاع المكيف نفسه)

وممكن جدا تلاقيها في شارع كلوت بك او الجمهورية ونجيب الريحاني

ده شكلها للنوع الغاطس

http://lh6.ggpht.com/_g2op962fNdY/Sl...0090627124.jpg

طرمبة البنزين هتبقى ضعيفة و ممكن تتسد بسهولة. لاحظ إن المياه اللي هانزحها مش نضيفة.

طرمبة المكيف الصحراوي هي النوع الغلطس submersible اللي بادور عليه. بس عايز طرمبة بقدرة إنها ترفع المياه ارتفاع ٣ متر على الأقل و بمعدل سريع. حد يعرف مكانهاىو سعرها تقريبا؟

بص يا باشا انا عندى بدروم ودوخنى السبع دوخات فى المية انا اشتريت طرمبة ايطالى غاطسة ووصلت عليها خرطوم و سحبت مية مية وقدرتها كانت صغيرة يعنى تقريبا تلت حصان وممتازة بس ابعد عن الصينى ولا ببلاش وماعلش صاحبك بيعانى من المياة باستمرار وهل البدروم معزول وهل متمحر لانى ممكن افيدك بطريقة ممتازة لعزلة و غير مكلفة

انا شفت طرمبه
بخرطوم طويل بتتوصل بالكهرباء وتتحط فى حمام السباحه و كانت بتطلع الميه بسرعه
فضت حمام سباحه متوسط فى يوم كامل و كان قطر الخرطوم كبير
زى خرطوم المطافى كده

بس مش عارف بكام

اقتباس:

---

المشاركة الأصلية كتبت بواسطة dedi

بص يا باشا انا عندى بدروم ودوخنى السبع دوخات فى المية انا اشتريت طرمبة ايطالى غاطسة ووصلت عليها خرطوم و سحبت مية مية وقدرتها كانت صغيرة يعنى تقريبا تلت حصان وممتازة بس ابعد عن الصينى ولا ببلاش وماعلش صاحبك بيعانى من المياة باستمرار وهل البدروم معزول وهل متمحر لانى ممكن افيدك بطريقة ممتازة لعزلة و غير مكلفة

---

اقتباس:

---

المشاركة الأصلية كتبت بواسطة trondo

انا شفت طرمبه
بخرطوم طويل بتتوصل بالكهرباء وتتحط فى حمام السباحه و كانت بتطلع الميه بسرعه
فضت حمام سباحه متوسط فى يوم كامل و كان قطر الخرطوم كبير
زى خرطوم المطافى كده

بس مش عارف بكام

---

تمام كده، فاضل نعرف السعر

ماعلش موش فاكر سعرها كام بس ممكن شارع الجمهورية اعتقد انة موش هاتذيد عن 500 جنية بس هى معمرة جدا بس لو جبتها يبقى ضع لها سلك شبك من اسفل اى المكان التى بتسحب منة و ذلك لتجنب دخول اى حاجة للمروحة وبالتوفيق

طبعا طلمبه الاعماق الغاطسه افضل لكنها غالية
ممكن طلمبه الغساله الاتوماتيك
ممكن فلتر تنقيه مياه احواض السمك

أنا مش بحب أطنش المواضيع و بناء عليه.... update

نزلت النهاردة شارع الجمهورية و نجيب الريحاني لاحظت التالي:

الصيني متوفر بغزارة و الطلب عليه كتير

الصيني فيه منه أنواع كتير، بداية من طلمبات بدون أي تغليف أو كرتونة حتى تصل إلى طلمبات ذات شكل و جودة مقبولة و تغليف ممتاز

كتير من الطلمبات اللي تباع على إنها "إيطالي" أعتقد إنها "صيني" برضه بالنظر إلى الخامات (فيه استانلس ستيل و بلاستيك و زهر) و الفينيش و السعر

الإيطالي المضمون قليل و عند ناس معينة خاصة المحلات القديمة اللي أصحابها عواجيز من الآخر.

الصيني 0.5 حصان سعرها 650-700 جنيه
الإيطالي المضروب 0.5 حصان سعرها برضه في حدود 700-800 جنيه
اشتريت إيطالي نوعها "إيبارا Ebara Optima" قدرتها 0.33 حصان سعرها 1150 جنيه

الصغيرة في اللينك ده
EPD, Optima | EBARA Fluid Handling -Submersible Water and Wastewater Pumps

الصور و التجربة لاحقاً

اقتباس:

---

المشاركة الأصلية كتبت بواسطة abo_hosni

أنا مش بحب أطنش المواضيع و بناء عليه.... update

نزلت النهاردة شارع الجمهورية و نجيب الريحاني لاحظت التالي:

الصيني متوفر بغزارة و الطلب عليه كتير

الصيني فيه منه أنواع كتير، بداية من طلمبات بدون أي تغليف أو كرتونة حتى تصل إلى طلمبات ذات شكل و جودة مقبولة و تغليف ممتاز

كتير من الطلمبات اللي تباع على إنها "إيطالي" أعتقد إنها "صيني" برضه بالنظر إلى الخامات (فيه استانلس ستيل و بلاستيك و زهر) و الفينيش و السعر

الإيطالي المضمون قليل و عند ناس معينة خاصة المحلات القديمة اللي أصحابها عواجيز من الآخر.

الصيني 0.5 حصان سعرها 650-700 جنيه
الإيطالي المضروب 0.5 حصان سعرها برضه في حدود 700-800 جنيه
اشتريت إيطالي نوعها "إيبارا Ebara Optima" قدرتها 0.33 حصان سعرها 1150 جنيه

الصغيرة في اللينك ده
EPD, Optima | EBARA Fluid Handling -Submersible Water and Wastewater Pumps

الصور و التجربة لاحقاً

---

A Very Good Brand