الموضوع: الموضوع ده حرام ولا ايه !!

اللي طلعت منه من الموضوع دة ان فيه ناس ممكن تاكل مال النبي وتقول حلال كمان ربنا يرحمنا برحمته

المشاركة الأصلية كتبت بواسطة walidzakzok

اللي طلعت منه من الموضوع دة ان فيه ناس ممكن تاكل مال النبي وتقول حلال كمان ربنا يرحمنا برحمته

بقولك ايه يا زعيم

شكلك فااهم وعارف الزتونه

ما تقولنا انت فين مال النبى وفين مالنا احنا؟؟؟؟؟؟؟؟؟؟؟


وهوا ينوبك عننا ثواب بدل المشاركه المشفره دى اللى كل واحد يفهمها على مزاجه

انا اللي افهمه ان اللي يخاف من الشبهات ومن ربنا حتى لو هايركب مرسيدس اس كلاس ببلاش تغورررررررررر ويركب 128 احسن مادام متاكد انها مفيهاش شبهة

واللي عايز واحد من الوكالة فى الخليج ياخد قرشين ويضربله فاتورة ولو فيه احتمال واحد فى المية ان الموضوع يتهرش ويتعمله قضية فى بلد خليجي ويتحبس وياكل برياني فى السجن بالهنا والشفا على قلبه له مطلق الحرية لكن بقوله انت بتاكد للخلايجة فكرتهم ان المصريين شوية نصابيين وحرامية بصرف النظر عن الدوافع والاسباب وبتضر المصريين المحترمين اللي ماشيين بما يرضي الله

المشاركة الأصلية كتبت بواسطة walidzakzok

انا اللي افهمه ان اللي يخاف من الشبهات ومن ربنا حتى لو هايركب مرسيدس اس كلاس ببلاش تغورررررررررر ويركب 128 احسن مادام متاكد انها مفيهاش شبهة

واللي عايز واحد من الوكالة فى الخليج ياخد قرشين ويضربله فاتورة ولو فيه احتمال واحد فى المية ان الموضوع يتهرش ويتعمله قضية فى بلد خليجي ويتحبس وياكل برياني فى السجن بالهنا والشفا على قلبه له مطلق الحرية لكن بقوله انت بتاكد للخلايجة فكرتهم ان المصريين شوية نصابيين وحرامية بصرف النظر عن الدوافع والاسباب وبتضر المصريين المحترمين اللي ماشيين بما يرضي الله

يا باشا القضيه مش تركب 128 او تركب مرسيدس

القضيه ان الراجل بيسأل لو انه يعرف يتهرب من الجمارك او واحد تانى بيسأل انه ممكن بطريقه مثلا ميدفعش ضرايب ويدفع زكاه ماله بس

هل كده صح ولا لا

انت خدت حاله معينه بتفصيلاتها واسقطها هنا وفرضت فرضيات معينه ممكن متحصلش من اصله

بص الوجه على وجهه العموم ان انا شايف ان الجمارك على العربيات او الضرايب هيا اسماء مختلفه لمسى واحد بس هوا الاتاوه

اتاوه وبلطجه ومكوس وكل حاجه تقدر تقولها على الدوله الزباله دى

من الاخر اللى يعرف ميدفعش ميدفعش احسن

ده الخلاصه من وجهه نظرى
انت عاوز تدفع ادفع يا سيدى محدش حيقولك حاجه برضه

كل واحد ينام على الجنب اللى يريحه

المشاركة الأصلية كتبت بواسطة بومبو

انا شايف ان الموضوع ده فيه خناق وشد وجذب بدون لزوم
بعض الناس واخده الموضوع على اعصابها اكتر من اللازم على الرغم من ان بعضهم مش فاهم القصة بشكل كامل
عامة وفي جميع الاحوال انا عاوز اسال سؤال
هو القانون المصري ليه بيشترط انك لما تحب تخش بعربية ملكك ومن حر مالك لازم تبقى انت المالك الاول؟
هيفرق معاهم في ايه؟
وحاجة تانية الجمارك المباااااالغ فيها خصوصا لشعب وناس شقيانة وطالع عين ابوها بره قبل جوه يعني اللي مسافر يشتغل بره ده مش رايح ترفيه لا ده لانه مجبور لانه مش لاقي هنا حتى ولو ارتاحت العملية بعد كده بس قصادها غربة وقرف واستحمال ما لا يستحمله بشر نتيجة الغربة خاصة في بلاد الخليج العربي
واللي بيشتغل جوه مرتبه يدوب معيشه وتيجي تحط جمارك باسعار مبالغ فيها تخلي سعر العربيات أضعاف سعرها الحقيقي ده حلال ولا حرام؟
وحاجة تالتة لما حد من المغتربين بينزل اجازة وبيدخل معاه جهازين كده ولا كده من الجمرك بيقول ايه لنفسه لما بيعدي من غير ما يتجمرك لاي سبب؟
بيحس انه حرامي وسارق مال النبي برضه؟
ولا ايه؟ ؛)
تحياتي للجميع

احنا ممكن ننتقد قانون الجمارك للصبح ونسب ونلعن فيه ونطالب بالغاء الرسوم ولو لسياره واحده لكل واحد مقيم في دوله اخرى لأكتر من x سنه خصوصا انه بيطبق على الشقيانين والكبار بيدخلو عربياتهم باعفاءات استثنائيه لكن طول ما القانون موجود يبقى التزوير في الاوراق للتهرب من دفع الرسوم حرام لأنك مش افضل من اللي التزم ودفع.

المشاركة الأصلية كتبت بواسطة بومبو

انت قولتها اهو الكبار بياخدوا اعفاءات استثنائية وهو مش محتاجنها !!
وعلى فكرة انا مقولتش في كل بوستاتي كلمة تهرب دي خالص
انت بالفعل هتدفع جمارك ومبلغ وقدره برضة في العملية دي على فكرة!
بس كل الفكرة انه هيبقى اقل من جمارك الزيرو وهي فعلا العربية مش هتبقى زيرو هتبقى مستعملة وكل اللي حصل ان صاحبها اشتراها مستعملة لان اللي انا اعرفه ان العربيات سعرها بينزل جامد في كل الدول في العالم في اعادة البيع وده لانهم مبياخدوش جمارك مبالغ فيها زي حالتها وفي نفس الوقت الناس مرتاحة فبتقدر تجيب الزيرو اولا بأول!

معلشي ايه المنطق في كده؟ يعني انت مش بتعمل الحرام عشان محدش غيرك بيعمله ولا عشان ربنا أمرك بكده؟

هل معنى ان فيه مليون بيسرقو اني اسرق ويبقى حلال؟ لو الكون كله بيسرق هل ده يحلل السرقه؟ القانون بيقول لازم تكون المالك الاول يبقى لو زورت ورق يقول كده والحقيقه غير كده يبقى حرام.

اللي ممكن نتكلم فيه ازاي نقنع الحكومه عن طريق مجلس الشعب مثلا انها تقلل الجمارك أو تلغيها وتدور على مصدر تاني للدخل يعوض قيمه الدخل اللي بتجيبه الجمارك. تجميع السيارات محليا اللي اتعملت الجمارك العاليه عشان جمايته مش بيفيد حد قد ما بيفيد صاحب المصنع فقط لأن صناعه تجميع السيارات مش كثيفه العماله وصناعه المنسوجات والمفروشات والملابس أولى بالدعم الحكومي عنها لأنها بتشغل ناس كتيييييييييير وسهل تنفيذها بمكونات محليه.