الموضوع: مساعده في شقه في اسكندريه

المشاركة الأصلية كتبت بواسطة omar101970

هو فى منطقه جامعه فاروس يعتبر الى حد ما غالى
بس حضرتك عاوز مكان تطلع منه بسهوله للعجمى.
عن نفسى انا مش احب اسكن فى سموحه.
انا باحب اوى المكان من اول مصطفى كامل لحد لوران والحمد لله انا اخدت شقتى فى سان استيفانو
لو تفكر تانى وتشوف هل يناسبك المنطقه دى بجد انا شايف انها منطقه راقيه تمام اوى وانتا ممكن تروح شغلك من الكورنيش لقناه السويس للدولى للعجمى.

طيب و نظام سان ستيفانو ايه يا باشا هي برضه منطقه حلوه ممكن حضرتك تقولي تفاصيل او تبعتهالي علي الخاص

شوف حضرتك بوجه عام المنطقه من اول رشدى لحد لوران فيها عمارات كتيره تحت الأنشاء.
الأسعار بوجه عام من 4000 لحد 7500 للمتروبتعتمد على الموقع اغلى حاجه اللى بين الكورنيش والترام
بعد كدا اللى بين الترام وابوقير.
وبتقل بعد كدا لو نزلت قبلى ابو قير.
اغلب انظمه الدفع النص مقدم والباقى على سنه او سنيتن بالكتير.
لازم تنزل تدور بنفسك وتتفرج وحتلاقى فى معظم العمارات دى مندوب مبيعات احيانا بيكون تبع الشركه المالكه للعماره او احيانا اخرى بيكون تبع شركه تسويق للمالك سواء كانت شركه او مقاول.
لو كان المندوب دا تبع الشركه المالكه بيبقى طبعا احسن كتير
لكن لو كان تبع شركه تسويق طبعا بيبقى مش تمام اوى لأنه فى النهايه سمسار وعاوز ياخد عمولته كشركه تسويق وخلاص وكل هدفه انك تدفع المقدم وشركته تاخد عمولته وبعد كدا مش يعرفك.
لو عاوز فى رينج 500 الف يبقى يا سيدى تركز على جليم او جناكليس حتلاقى فيها بالسعر دا
وممكن فى زيزينيا قبلى ابو قير عند مترو كدا
وبالتوفيق يا باشا

حضرتك ممكن تدخل على سايت عقار ماب aqarmap وحتلاقى عليه بردو شقق كتير ويديك فكره عن الأسعار