الموقع بيفتح عادي بس الفيديوهات مش بتشتغل
الفلاش بلاير اخر تحديث والنت 2 ميجا لوحدي وبرضه مش شغال اصلا
حتى على الموبايل
ياريت اللي عنده نفس المشكلة يفيدنا لتحديد مصدر المشكلة
عرض للطباعة
الموقع بيفتح عادي بس الفيديوهات مش بتشتغل
الفلاش بلاير اخر تحديث والنت 2 ميجا لوحدي وبرضه مش شغال اصلا
حتى على الموبايل
ياريت اللي عنده نفس المشكلة يفيدنا لتحديد مصدر المشكلة
شغال عندي عادي جدًا على الموبايل والكمبيوتر والـChromecast كمان.
ايوه عندي نفس المشكله
بيشتغل مره اه و 10 لأ
ولو فتح فيديو بيكون بطئ جدا
حصلت عندى امبارح الموقع مش بيفتح اصلا ومن يومين الموقع شغال بس الفيديوهات لا بس شغال كويس دلوقت
شغال تمام عندى
انا كمان نفس المشكلة، نت لوحدي الموقع نفسه بيفتح لكن مفيش ولا فيديو بيشتغل، هي تي اي داتا قافلة الاستريمنج من اليوتيوب ولا ايه الموضوع؟ ياريت الي بيشتكي والي مبيشتكيش يذكر هو مشترك مع مين
TE Data
شغال عادي, بس النت عموماً بطيء شوية..
انا TEdata على فكرة ومافيش مشاكل لحد دلوقتي.
شغال عادي ومفيش مشكلة
جربت تغير المتصفح وتشيل الفلاش خالص
وتنزله من جديد
اتصلت بخدمة عملاء تي اي داتا 19777 وجربنا كل الاحتمالات رسترنا الراوتر حوالي خمس مرات وغيرنا المتصفح وحذفنا الكوكيز وحطني عالويتنج كذا مرة لمراجعة البيانات وخلاني اجرب ادخل من مواقع بروكسي زي webproxy و proxythesite وغيرنا كواليتي الفيديو وبعد اسئلة عن نوع الراوتر وعدد المستخدمين والاسئلة النمطية المعروفة المشكلة متحلتش .. فتح شكوى واعطاني رقمها وقالي متقفلش الرواتر هنتصل بيك خلال ساعتين واديني مستني!!
Try use google DNS? Maybe?
https://developers.google.com/speed/...dns/docs/using
طيب انا لسه مكلم تي اي داتا
بس قاللي احنا ماعندناش دعم فني للستريمنج هههه
اه والله كده :)
طالما التصفح والداون لود شغالين يبقى كلله 100%
والله يا استاذ عبد الخالق انا قرفت من الشركة دي بعد ما كنت مبسوط منها في البداية والظاهر ان خدمة العملاء بتتسلى على الناس، انا بصراحة مش فاهم ايه سبب المشكلة وبتوع خدمة العملاء مصرين انها من عندي طب ازاي بعد سلسلة التجارب والمحاولات وكمان جربت الخط على جهاز كمبيوتر ولابتوب وموبايل اندرويد ونفس المشكلة الفيديوهات مش شغالة ؟؟؟؟
امبارح عملت تحديث للشكوي وعملت reset للراوتر وانهاردة اتصلت تاني بـ 19777 الموظف بيقولي ملناش دعوة قولتله امال مين اللي دعوة هو انا جايب النت ده من الشارع؟؟ كان هاين عليا اشتمه بصراحة، المهم في نص الكلام قفل السكة اه والله قفل السكة في وشي ودمي محروق من ساعتها ومش عارف اعمل ايه
مش عارف بصراحه
ممكن تشويش برضه وكده, استعدادا لحلقة باسم يوسف ؟
المشكلة لا زالت مستمرة وبتوع الدعم الفني مش شايفين ان في مشكلة طالما كل مواقع النت شغالة وتحاول تفهم فيه ومفيش فايدة بالمرة
جربت ارقام dns كتيرة لعل وعسى لكن للاسف مفيش حاجة اتحلت طيب وبعدين ايه الحل يا اخوانا اليوتويب كدة يعتبر عطلان تماما ساعات الفيديو يشتغل للنص تقريبا ويرجع يقطع تماما
طيب، :d حد جرب يراسل اليوتيوب عن المشكله برضو؟