-
استفسار عن ترخيص سير
السلام عليكم ورحمه الله وبركاته
انا اول مرة اروح اشترى سيارة اليوم - نوبيرا 2005 - العربية مسجلة في مرور غير مرور المنصورة و البايع بيقوللي انه بيحول ورق العربية الي مرور المنصورة .. روحنا النهاردة عشان نشتري و نخلص لقيت البايع بيقولى هعملك ترخيص سير لان ورقها لسة مجاش من المرور التاني ..
و انا دلوقتي عاوز اعرف حاجتين ساعدوني بعد اذنكم .. لما البايع ماشي بتوكيل هوا التوكيل بيبقي معاه الرخصة و المرور بتسحبها منه و تديله التوكيل لوحده يمشي بيه ؟؟ و الرخصة القديمة فين ؟؟
الحاجة التانية إيه ترخيص السير دا عاوز افهمه كامل و ايه رأيكم أعمل ايه ؟؟؟
-
السلام عليكم ورحمة الله وبركاته
بص يا سيدى انا هفيدك على قد علمى والله اعلى واعلم
بص يا سيدى
فى حاجة اسمها الملف بتاع العربية لسة ماجاش المنصورة والراجل الى قبليك اشترى بردو ولسة الملف ماكنش جه
فا عقبال الملف ما يجى المنصورة مش بتاخد رخصة انتا بتاخد حاجة اسمها تصريح وبيكون بــــ3 شهور وبيفضل يتجدد بردو بـــ 3 شهور بردو لو الملف ماكنش لسة جه
فا بص بقا يا سيدى الموضوع ده الى انا هاقولك عليه ده هوا الى انا رايح اعمله فى عربيتى بكرة الصبح بردو
هتروح المرور مع البايع وتقوله قدم التصريح الى معاك وشوف الملف وصل ولا لا لو الملف وصل هتاخد رخصة
لو الملف ما وصلش هتفضل بالتصريح زى ما انتا يعنى بص من الاخر كدا موضوع التصريح ده ما تقلقش منه
ده بخصوص الموضوع بتاع التصريح الى هوا السير الى انتا تقصده وده ما تخافش منه
ثانيا وده الاهم
بص يا سيدى هنيجى بقا لموضوع النقل والتسجيل لو عاوز تسجل على طول بأسمك ومش عاوز تمشى بتوكيلات
هتروح الشهر العقارى ( بالرخصة ) وليس بالتصريح وتنقل عادى او تعمل توكيل رسمى عام للبيع للنفس وللغير ألـــخ
طيب فى حالة ان الملف زى ما قولنا ماجاش من المرور القديمة بتعته ومعانا تصريح
يبقا هنروح المرور بالتصريح ونطلع ( شهادات بيانات ) وهى الى عليها هيتم النقل والتسجيل او عمل التوكيل فى الشهر العقارى علشان الشهر العقارى مش بيسجل ولا بيعمل توكيل الا على حاجتين يا أما الرخصة نفسها يا أما شهادة بيانات للعربية .
بس يا سيدى ادى كل الموضوع ويا رب اكون قدرت اوصلك المعلومة ولو فيه حاجة مش فاهمها كويس ابعتلى رقمك فى رسالة خاصة وانا اكلمك واقولهالك فى التليفون افضل .
ونصيحتى ليك بقا انقل وسجل على طول وبلاش توكيلات .
-
شكرا يا زعيم - انا عملت توكيل رسمى عام - وماشى بتصريح سير لمدة 5 اشهر - بعد يومين من شرائها وجدت لمبة بتسرج مش بتطفى اسمها check وحسيت انى سمعت صوت بسيط قوى طالع من العربية بعدها
المفروض انى اعمل اية فى الوضع دة - واية احسن ميكانيكى فى المنصورة لو هيشوفها
-
-
مادام لمبة التشيك منور يبقا لاااااااااازم والافضل انها تدخل على الكمبيوتر علشان يشخصلك العطل على طول ويقلك العيب فى الحتة الفولانية
ويستحسن ان الكمبيوتر يكون فى اى مركز صيانة مش الكومبيوترات الى عند الميكانيكية
Content Relevant URLs by
vBSEO 3.6.0 PL2