الموضوع: المناطق السكنية الجديد

ازيكم يا جماعة يا رب تكونو بخير يا رب العالمين
اخوكم مسافر وطالع عينه ايوه طالع عينه وهيتفرض عليه ضرايب
المهم دلؤقتي انا بشوف علي القنوات اعلانات عن مناطق سكنية جديده ففكرت كدا وقولت احجز واحده مش عشان انا محتاج سكن لا بس عشان انا مسرف اي والله مسرف بقالي حوالي 8 شهور وكل شهر طالع بحاجه شكل دا وخصوصا المخالفات "متكيف منها الصراحه"
فيا ريت لو حد منك راح وشاف مناطق سكنية جديده تكون كويسه وسعر اعادة البيع فيها يكون كويس انا مش بدور علي مكسب انا بدور علي ازاي اجمد الفلوس والتزم بحاجه ادفعها شهريا عشان اتلم شوية فيا ريت تفيدونا في شركه محترمه ولكم جزيل الشكر

المشاركة الأصلية كتبت بواسطة tareksakr

ده علي حسب انت عايز تشتري فين وامكانياتك المادية ايه احسن اماكن للشراء منها سكن راقي واستثمار في نفس الوقت التجمع الخامس ,الشيخ زايد , الشروق
متوسط السعر التجمع الخامس سعر المتر من 4000 ل 80000 جنيه حسب المنطقة وداخل كمبوند او خارج كمبوند
الشيخ زايد من 3000 ل 5000 جنيه للمتر
الشروق بتبتدي من 2000 جنيه للمتر
مع ملاحظة لو هتشتري من مقاول او شركة مقاولات هيديك تسهيلات في الدفع بالكتير من سنة لسنتين وهياخد 50% مقدم
لو هتشتري من مطورين عقاريين زي صبور أو سوديك أو بالم هيلز أو مونتين فيو سعر المتر اغلي في رنج من 5000 ل 8000 جنيه للمتر بس بيديك تسهيلات علي 5 أو 6 سنين

موضوع القسط مفيش منه مشكله يعني لو القسط مثلا 5000 مفيش مشكله بس الي عايز اعرفه سعر اعادة البيع هجيب الي دفعته ولي هتتطلع بخساره

المشاركة الأصلية كتبت بواسطة ramymechanics

هليوبوليس الجديدة انا رحت شفتها لسة جديدة بس فكرتها انها معمولة على هيئة كزمباوند كبير على غرار الرحاب يعيبها بس بعدها شوية هى لازقة فالشروق ... الميزة ان المتر هناك بأقل من 3000 جنيه وبالتقسيط على 3 او 5 سنين

لو على الشركات فى شركة اسمها "بريدج للتنمية العقارية" بتبنى هناك مينى كومباوند وعمارات .. اللى خلانى بفكر فالشركة دى ان ليها سابقة اعمال حوالى 150 عمارة فالشروق وموجودين ومتسلمين فالشركة أمان وبالنسبة لك ليها فرع فالسعودية كمان ... انا غالبا قريب ان شاء الله هاخد حاجة هناك للأولاد

هدور ورا الشركه دي ولو وصلت لمقر ليهم هنا في جده هروح واقعد معاهم وافيدكم بالتفاصيل ان شاء الله