رابطة مالكي الكريستالة..لانسر 1996 - 2000

**ahmed_mashtoly** · 28-09-2015 02:19 PM

المشاركة الأصلية كتبت بواسطة amrelmahdii

عايز اجيب عفشة كاملة لكرستالة ٩٩ لو حد يعرف منين و تتكلف كام بس تكون اصلية .. شكراً

لو عاوزها اصلية عليك وعلى التوكيل المصرية او الرواس ليهم فرع فى الكتكات
وفى محل تانى اسمو الهدى فى صقر قريش المعادى بيبيع حاجتها الاصلى
بس الاسعار هتبقى عاليه اوى
انا اعرف مسمارين الميزان ب 150 جنية
مفيش حاجه اسمها عفشه كامله فك العفشه وشوف انت مشكلتك ايه واشترية
على فكرة لو عاوز مقصات او طنابير او فرامل او اسكتا هاتها استيراد بتكون حالتها نضيفة

**محمد صلاح حسين** · 29-09-2015 10:39 PM

السلام عليكم
عند تسقيط موتور 1500 توين كام....كنت بستفسر هو القواعد بتتغير معاه ولا بسيب قواعد الموتور الأصلي لو حالتها كويسه.
ولو بتتغير اجيبها استيراد ولا اوريجنال احسن و منين والاسعار لوسمحت.
شكرا

**ahmed_mashtoly** · 28-10-2015 11:21 AM

المشاركة الأصلية كتبت بواسطة محمد صلاح حسين

السلام عليكم
عند تسقيط موتور 1500 توين كام....كنت بستفسر هو القواعد بتتغير معاه ولا بسيب قواعد الموتور الأصلي لو حالتها كويسه.
ولو بتتغير اجيبها استيراد ولا اوريجنال احسن و منين والاسعار لوسمحت.
شكرا

هى هى نفس القواعد

**aloves82** · 03-11-2015 11:36 AM

السلام عليكم

انا لسه جديد على لانسر الكريستاله وشاري واحده جديدة
بس كنت عايز اعرف ايه السيرفس اللى اعملها والزيوت اللى تتغير واجيب منين حاجات السيرفس من فيصل او الهرم ويكون حد مضمون .. وجزاكم الله كل خير

**زيزو سحس** · 04-11-2015 01:59 PM

سلام عليكم
كنت عايز أعرف معروض عليا كريستاله 99 اتوماتيك g l x f سعرها 55000 كده كويس ولا إيه
وكمان بيقولى كامله وفيها فتحة سقف
هل موديل 99 فيه فتحة سقف ولا هو معدلها
وشكرا

**ياسرحسن** · 13-12-2015 04:30 PM

انا عندي مراوح الردياتير شغالة بمجرد فتح تكة الباور من الكونتاكت ومش بتطفي خالص شغالة باستمرار وطبعا امبير الحرارة مش بيرفع خالص في البرد ده والعربية مش بتسحب غير لما الامبير يرفع بعد نص ساعة مثلا جربت وفصلت المراوح الامبير رفع طبيعي والعربية سحبت تمام وصلت المراوح تاني لكن مش عايزة تفصل ياتري ترموستات الحرارة بتاعة المراوح مكانها فين
وهل طبيعي ان العربية لما ادورها واحاول ازود بنزين الاقيها عايزة تبطل لغاية ما تسخن ازود عادي مفيش مشاكل

**mohammed adel** · 25-01-2016 07:40 PM

انا كان معايا النترا 2009 وبعتها لظروف معينة وحاليا وفرت حواللى 40000 و عايز اشترى عربية بس اهم شيء الاعتمادية وقطع الغيار انا مشاويرى كلها جوة البلد وقليل جدا لما بسافر و قليل جداا لما باخد اى حد من الاسرة معايا
جزاكم الله خيراااااااااااااااااااااا ا

**kariem magdi** · 03-02-2016 03:40 AM

يا رجالة
انا استقريت عالكريستالة انشاء الله بعد حيرة
عندى كام سؤال
1. احسن موديل فيها 2000 فعلا ؟
2. ايه الفرق بين الانجكشن و الكاربرتير
3. مصري و خليجي و اوروبى .. ايه الفرق
4. لو عايز اول ما اجبها اسقطلها مايفك 1600 و هي اوتوماتيك .. هتكلف كام
طولت عليكو معلش ... ياريت مساعدة

**M.MAMDOUH** · 10-02-2016 12:55 PM

المشاركة الأصلية كتبت بواسطة kariem magdi

يا رجالة
انا استقريت عالكريستالة إن شاء الله بعد حيرة
عندى كام سؤال
1. احسن موديل فيها 2000 فعلا ؟
2. ايه الفرق بين الانجكشن و الكاربرتير
3. مصري و خليجي و اوروبى .. ايه الفرق
4. لو عايز اول ما اجبها اسقطلها مايفك 1600 و هي اوتوماتيك .. هتكلف كام
طولت عليكم معلش ... ياريت مساعدة

1- احسن موديل مفيش الكلام ده في لانسر التلت مودلات اللي نزلو ازي بعض ممكن تكون ال2000 متغير فيها شكل تبلوه فانوس الحاجات ده بس ميكانيكا و عقشة زيها زي 97 و98 و99
2- مقدرش افتي فيها بس الانجكشن احسن بكتييير
3- الاوروبي اكيد احسسسسسسسسسسسسسسسسسسسن بكتييييييييييييييييير و الفرق بيبقي في الخامات و جودة التقفيل برده كبييييييييييييييييييييييي يير .
4- هتروح الحرافيين عند واحد اسمه محمد زوزا انا جايب من عنده ماتور 1500 2 كام بسعر محترم بس ده كان من سنة و نص .
الاتوماتيك بيريح بس لقدر الله لوحصل حاجة في الفيتاس هتكلفك جامد بس اعتقد انه هيكلفك في حدود 6 اللف او 6اللف و نص .

ارجو اني اكون افاتك في شئ
اخر حاجة
ده نصيحة مني ليك اهتم بالعربية كويس و متهملش فيها هتديك قيادة ممتعة جدا و لو تحب ركبلها عافشة رياضية هتفرق اوي معاك و جنط 15 مش اكتر و اتفرج علي عربية محترمة بمعني الكلمة علي الطريق

m.m

**master peice** · 10-03-2016 09:48 AM

معلش يا جماعة أفيدونا: (عارف ان السؤال ده اكيد اتسال قبل كده ) بس معلش الله يكرمكم
عربيتي 1300 مانيوال عفشة 13، عاوز أسقط مكنة : الناس نصحتني ب 1800 واحد كامة او 1500 اتنين كامة وقالوا بلاش 1600 2 كامة.
السؤال إيه رأيكم وثانيا حد عنده فكره عن التكاليف واخيرا الحرفيين ولا بورسعيد وشكرا