هما تقريبا كام سنتى علشان لما اشوفهم :majd(4):
عرض للطباعة
تقريبا حوالي 15 او 17 سم طول
و القطر بتاعهم حوالي 3.5 او 4 سم
و قطر المعدن نفسة حوالي نص ملي
يا جماعة حصل معايا موقف نسيت احكلكم علية انا زي مقلتلكم راجع من مرسي مطروح في 5 ساعات بالرست المهم الموتور فايق وتمام كنت رايح مساكن الشيراتون من طريق المطار في ش المشير احمد اسماعيل دخلتة وقبل اول مطب سمعت صوت عربية مركبة ديفيل جاي من ورايا بصيت لقيتها هيواندي كوبية سودة ومفيمة المهم كان ورايا بحوالي 3 متر قلت العب شوية وانا عارف اني هتقطع رحت قارص علي التاني وشديت وبصتلة في المرايا راح شادد ورايا جبت التالت والرابع وقرصت وهو ورايا اسمعوا بقا فضلت قارص علي الرابع وهو وصل لنص العربية ومش عارف يعدي وبيقرص وسامع صوت الموتور بتاعة ومش قادر يعدي لغاية قبل المطب الي في اخر الشارع كان في موتسكيل كان صعب اعدي من جمبة رحت مهدي وكلكستلة ان انا الي هديت هوة مهداش كان هيشيلة راح مفرمل وكسر شمال قدامي وعدي انا مش مصدق انتوا اية رايكم هو كان مشغل التكييف انا لا مستني ردكم
اخوانى الاعضاء
انا لسة جايب شوية قطع غيار طازة وقلت لازم اشارك باى حاجة ردا لجميل المنتدى عليا
انا جبت انهاردة كبوت واكصدام امامى واسبيلر و فوانيس امامية بالاشارات والشبكة الامامية والصامولة بتاعة الاستبن اللى فى الشنطة والكنسولة بس اللى تحت الطفاية اللى هيا فبر
ودة علشان انا عربينى ارنبة وعاوز اقلبها كريستالة وخصوصا ان الكبوت بتاعى مش قد كدة
المهم دى الاسعار
الكبوت تيوانى جديد اسود بتاع الكريستالة 440
الفوانيس للكريستالة جديدة ماركة ديبو240
الاشارات 60 جديدة
الاكصدام الامامى جديد اسود 130تيوانى
الاسبيلر استيراد ولسة هرشة لان لونة ابيض ولون عربيتى نبيتى 200
الصامولة بتاعة الاستبن استيراد 30
الكنسولة اللى تحت الطفاية 50 استيراد
الشبكة الامامية للكريستالة تيوانى 45 وللعلم هيا عليها علامة لانسر لونها احمر
ودة كلة من المنصورة
ولسة بصراحة هركبهم غدا ان شاء الله
بس السمكرى قالى ان بلاش ارش الاكصدام الامامى وخلية اسود وهات واحد خلفى اسود جديد لان المرايات عندى هيا ومقابض الباب اسود فاية رايكم
وهل الاسعار دى كويسة ولا اتغلبت فيها
يا رب اكون فدت المنتدى لانى بصراحة بحبة جدا واتمنى اكون عضو فعال فية
واسف للاطالةش
وبالمناسبة يا جماعة انا كنت اشتريت حاجت قبل كدة بس فى رمضان وبردة هقولكم على الاسعار
4 فرش باب كهربا بالزراير 500 جنية طبعا استيراد
2 مراية كهرباء بالزار استيراد لكن مش ضم 300
الكنسول اللى بين الكرسيين قدام 100
كربراتير بتاع بطة بس حالتة حلوة جاد 550
زجاج باب امامى يمين استيراد 80
سماعات امامية سونى مع جهاز تنقية الصوت لقيتهم بالصدفة فى باب استيراد سونى بردة 150 جنية
مع العلم ان فرش الباب فية 2 تيوتر سونى مصممين فى فرش الابواب وصوتهم نقى جدا
مروحة التكييف اللى تحت الطابلوة ب 100 جنية بس مجبتهاش
تيل فرامل امامى جبتهم مرة ب 35 وطلعو تعبانين غيرتهم بجوز يابانى ب 80 جنية
مساعدين ورا فى حدود 260 استيراد
2 مساعدين قدام 400 استيراد
مسمار ميزان قدام يمين جديد 20 جنية تيوانى
شدادة ب 65 جنية جديدة
2 تيش ب 230 جنية جداد
وركبت سنتر فى الشنطة ( يعنى تفتح بالريموت ب حوالى 70 جنية بالمصنعية )
واشتريت كمان ار بى ام حالتة كويسة جدا ب 150 استيراد طبعا
وركبت قنطرة ثمنها جديدة 190 جنية وكوتش لها ب 150 جنية وطبعا ومصنعية حوالى 70 جنية تركيب
وطقم ستائر ب 50 جنية 3 قطع زجاج خلفى وبابين خلفى فقط
وكنت سالت على الدلكسيون بتاع 99 قالى 200 وفية مكان للايرباج بس طبعا فاضى
والمقص الامامى الواحد ب 125 استيراد بس ماخدوش
بيتهيئلى كدة كانى عملت عربية من الاول
دا اللى انا فاكرة بصراحة ويارب الكل يستفيد علشان نقدر نقارن بين الاسعار
وللعلم الحاجات دى فى اخر رمضان يعنى من حوالى شهر ونصف بس
وشكرا للمنتدى المحترم وعاوز بقى الزق استيكر المنتدى لانى شكلى قربت افتح محل قطع غيار كريستالة ههههههههههه
واى اسعار يا جماعة ممكن افيدكم لانى بنزل الحسنية هنا فى المنصورة كتير
ويا رب اقدر افيدكم
وكمان قبل ما انسى سالت انهاردة على قواعد الموتور وهما 3 ب 185 جنية جديدة
والدراع بتاع المساحات بس شمال 150 وطبعا لازم تتعدل
والكابوت استيراد 1000 جنية
ولمبة العداد ب 2 جنية الامانى والصينى ب 1 على ما افتكر بس مالهومش اى لزمة
ووحدة الرفع للبابين الامامى ب حوالى 40 ودى تكفى للبابين اللى قدام
والمراية يمين او شمال جديدة ب 100 جنية المراية تيوانى واستيراد نفس السعر تقريبا
دى كل الاسعار اللى اشتريت بيها واللى عرفتها الى الان
وان شاء الله اى حاجة جديدة هقولكم عليها اول باول
وشكرا للجميع
انا بناء على وصفك لى للراجل بتاع السوست فى السوق كنت هتجنن لانى مشيت على وصفتك بالظبط ياعنى من اول بتوع الملابس ومرورا ببتاعة الشبسى المكسر وانتهاء عند بتوع الموبيلات ... مالقتش اى سوستة من اللى انت جايبها
المهم طبعا ماطلعتش من السوق بايدى فايضة جبت شوية كراكيب فى ايدى وبالنسبة للسوستة انا اكتشفت ان فى ناس متخصصة فى جميع انواع السوست وفى واحد فى حلوان لسة هروحلة بيبيع جميع انواع السوست والمسامير ولو لقيتها ان شاء الله هبلغكم...