اخى الفاضل mitsukero
اروح للكربائى علشان اعرف المراوح كويسه ؟؟ ولا اروح لمين بالضبط
و شكرا على اهتمام حضرتك بلاضافه لتسليك الردياتير او تغييره
عرض للطباعة
انا عندي امبير الحرارة الي في العداد بيهيس خالص
بيقعد يلعب طول ما العربية دايرة ويثبت شويه علي الطبيعي وبعد كده ينزل تحت خالص و ممكن مش يشتغل خالص
هو اعتقد في فيشة عند الموتور خاصة بالموضوع ده او فيوز بايظ ؟
القصه بأختصار اني كنت بحس ان عربيتي (الارنبة) في المدقات كنت بحي ان العفشه الاماميه مفككه .رحت عند همام اللي في المعادي قالي المشكله في طقم البارات والتيش .روحت اشتريت نوع اسمه 555 ياباني وبالصدفه وهو بيفك اكتشفت ان المساعدين الامامي ضارب زيت وعايز يتغير وبالتالي قلت خربانه خربانه وروحت اشتريت جوز مساعدين امامي KYb وبالمره غير قاعدة الفتيس(اصلية) عشان كان عندي نتشه صغيره كده لما اطلع بالعربيه .المهم هو قالي ان العربيه هتبقي تمام بعد شوية الشغل اللي دفعت فيهم دم قلبي .
وبعدين وهو شغال سئلته في موضوع تعلية العربيه بأي طريقه عشان بصراحه وطو العربيه عملي مشكله.اقترح عليه اننا نعمل علايات حوالي 1.5 سم .فكينا الكاوتش اللي ورا والمفاجئه ان المساعدي اللي ورا خفيف وعايز يتغير .بصراحه كنت بقيت علي الجنت فأجلت موضوع تغيير المساعدين الخلفيه شويه .
المهم بعد ما خلصنا روحت اظبت الزوايا وكانت النتيجه النهائيه كالاتي .
1- الدربكه اللي كانت في العربيه من قدام قلت بنسبة 80 % واصبحت فعلا احسن بكتيير من الاول وما بتظهرش الا في المدقات الجامده اوي . بس بصراحه انا مبحبش امشي بالعربيه الا ما تكون 10/10 فمش عارف اعمل ايه تاني ولا اروح لمين عشان .
2-الحاجه التانية ان العربيه حاسس انها بقت ناشفه في المدقات ومش عارف اذا كان ده ليه علاقه بالتعليه ولا لأ بس للعلم العربيه مبعومش .الا في مطبات الهوا .
والطلب هنا ياريت أولا لو حد يدلني علي حد امين اجيب من قطع الغيار وياريت يكوم قريب من مدينه نصر او مصر الجديدة .
والطلب التاني نفسي اعرف عفشجي ما بيفتيش ويقدر يوصل لمكان المشكله من غير فتي .
واخر طلب كنت محتاج الفرش الداخلي للشنطه (الاجناب فقط) وبصراحه معرفش حد في الحرفيين فياريت لو حد يساعدني ولكم الاجر والثواب .