المشاركة الأصلية كتبت بواسطة memo200545
للاسف ياجماعة انا حصلت معايا حادث اليم والعربية نزلت فى الزرع ودا بسبب الطرق الحلوة لمصر انا وماشى على سرعة 70 كيلو فى دخلت الطريق الصحراوى الشرقى لاسيوط وبعد مدخلت فى الزراعى فوجئت بجمل فى الاسفلت بسبب النقل بارتفاع نص متر رزع فى العربية من تحت فطارت العربية وراحت شمال ويمين ونزلت فى الزرع وكان معايا العيله فى العربية لكن الحمد لله كلهم تمام التلفيات بقى السقف فى الناحية اليمين ورا والباب اطبقوا والرفرف عندى اتطبق بردواالمهم احب كمان اشكر جدا اهل اسيوط جدا جدا لان فعلا مصر بخير كمية ناس وقفت معايا الحمد لله واتضحلى جلياً اللى بيحصل بين الناس من خلاف طائفى سببه مين ومين المستفيد منه اللى دلوقتى بيلعب بيه واخيراً الناس وقفوا معايا واللى عاوز يدينى فلوس واللى جاب عربيته التريلا وسحبلى العربية واللى ركب عيلتى فى عربيته ووداهم مستشفى للاطمئنان عليهم واتصلوا بيا كذا مرة للاطمئنان كذا واحد مسلمين ومسيحيين المهم انا وديت العربية للسمكرى بتاعى هو فى اسيوط قالى نغير السقف والباب والرفرف ونشد العربية للحديد ونظبط بالمرة قلتله ماشى روحت بقى اجيب الحاجات دى للاسف اتلقيتها عند شخص سيئ محبش اشترى منه بس اعمل ايه علشان ملقيتش عند غيرة السقف والمفاجأة السقف بـ 1200 جنيه يا نهار ابيض والرفرف بــ 300 جنيه والباب بالزجاج بس بــ 250 جنيه والحمد لله على كل شئ