المشاركة الأصلية كتبت بواسطة ahmed shedeed
يجماعه ان كنت في مشوار وانا راجع قولت اخش علي الحرفيين اسئل علي شويه حجات من باب الفضول مش اكتر حابب اعرف اسعار قطع غيار العربيه الي انا راكبها من باب العلم بالشئ وهنا كانت المفجائه - اسعــــــــــــــــــــــ ـــــــــــــــــــــــــ ــــار وهميــــــــــــــــه او تقدر تقول من وحي الخيال او زي ماتسموها.
--------------------------------------
اليكم بعض الاسعار الي سألت عليها لغايه مانفسي اتسدت :-
1- الاسبراتير استيراد 1500جنيه (ولو الموبينه ومشط الكهرباء بس 500) .
2- مساعدين امامي او خلفي الواحد من 150 الي 250 جنيه .
3- مساعدين امامي kyb نمره واحد 550 للواحد والخلفي 650 للواحد (جديد) .
4- فوجات شبوره استيراد بالزرار 500جنيه ومفيش شبوره بحجم الطبه الكبيره بتاعت 99 و 2000 .
5- زراير الازاز الكهربا الزرار 120جنيه وزرار المجموعه 350جنيه
6- اكصدام ميراج امامي 1000 جنيه .
7- جراب النظاره ومش موجود 250جنيه .
8- فتيس اوتو ماتيك 3500 الي 4000 جنيه .
9- علبه دريكسيون 2500 جنيه .
10- حساس تكييف ( سينوليزر ) 250 الي 300 جنيه .
11- طقم جنط 13 2500 الي 3000 جنيه .
12- طقم كرتير امامي وخلفي 300 الي 400 جنيه .
13- كبالن استيراد اصلي 800 جنيه للواحد .
14- طقم جلب مقصات خلفي 250 جنيه .
15- ازازه مرايه (مش المرايه كله الازازه بس ) 50جنيه اصلي .
16- طقم الجرايد الي علي سقف العربيه استيراد بالكلبسات ( مفيش جديد ) 600 الي 700 جنيه .
------------------------------------------
ولغايه كده نفسي اتسدت جدااا وقررت اني احمد ربنا علي العربيه بتاعتي وقولت بيني وبين نفسي ...(( لا يعم الواحد يمشي علي مهله كده وميهلكش ويحافظ علي قد مايقدر وفي الاول وفي الاخر دي كلها حجات بتاعت ربنا والي كتبه ربنا هيكون حتي لو ايه )) ... يجماعه اسعار قطع الغيار زااااااادت جدااا والصنيعي من دول يبقا بيكلمك وهو قرفان قوي كده زي مايكون هيبعلك قطع غيار صاروخ فضائي وديه كانت خالصه 3 سعات في الحرفيين ويارتني ماروحت واي خدمه يارجاله الاسعار متفوته من محل للاخر .
ملحــــــــوظه :-
كنت كل لما اسئل واحد هي ليه الحاجه غاليه قوي كده كان يقولي يابيه العربيه ديه كترت قوي في الشارع وعشان كده قطع الغيار قلت اوييي فابتالي الاسعار زادت والدولار واليورو . يباشا عربيه من سنه 96
بصراحه انا اقتنعت ومن كتر الاقتناع الدمعه كانت هتفر من عيني لدرجه اني كنت عايز اترمي في حضنه واعيييييييط ههههههههههههههههههههههه
اسف علي الاطاله و أسال الله ان يحفظكم جميعا