ميجان ٢ شويه حجات اكتشفتها مع الوقت
السلام عليكم ورحمه الله وبركاته
من شهر تقريبا جبت ميجان ٢٠٠٥ ومفروض ان حالتها كويسه
بعد ٢٠٠٠ كيلو تقريبا لقيت حجات عايز رايكم فيها
المرايه استيراد فهل ده دليل انها مخبوطه خبطه محترمه مثلا ؟ علما باني كشفت ف التوكيل وقاللي مفيهاش حاجه
في صوت هوا جاي عالسرعات العاليه مش عارف من الباب ولا فتحه السقف علما بان جلده الباب سليمه ومش مقطوعه
الفانوس فيه كسر بس شغال لكن الموتور بتاعه مش شغال مش عارف ليه وهل لازم اغير الفانوس مله عشان اشغل الموتور ولا
عليز اغير لها تيل فرامل امامي الريمسا ايه نظامه ؟
ازاي اختبر سنسور المطر لان شاكك انه مش شغال بس التوكيل قال شغال ... ولو مش شغال ايه الحل بتاعه
اخيرا بقى لقيت لمبه السيرفيس بتنور مع الايرباج بس مش دايما. .... احيانا تنور واحيانا لا هل كده شريط الايرباج اتقطع ولا بيلنس ولا تهييسه كنترول ولا ايه ؟
الجدير بالذكر ان الغربيه ماشاء الله جميله وثابته ولو رجع بيا الزمن هجيب ميجان تاني
شكرا ومنتظر مساعدتكم
