تقييم لانسر الماني 2005 1880cc

السلام عليكم

دي اول مشاركه ليا في المنتدي
انا بصراحه كنت عايز اخد رايكم في عربيه ميتسوبيشي لانسر 2005 تقفيل الماني 1880 cc .. دي اول عربيه ليا وماليش اي خبره في العربيات ..

هي العربيه 1880 cc ستيبترونيك ازاز كهربا تكييف عادي فرش جلد فوجات فتحه سقف .. امكانيه التحكم في ارتفاع السياره 3 درجات للمساعدين .. العربيه تقفيل الماني (اول مره اسمع ان في منها الماني) .. رحت رفعتها مرتين كلوا بيقول عليها نضيفه جدا عامله 120 الف كيلو

السعر المطلوب فيها 90 الف ..

ايه رايكو بالنسبه للسعر وعيوبها واي ملاحظات عليها واستهلاكها للبنزين

؟؟

انت متأكد من تقفيل الماني دي !!!!!!!!!!!!!!!!!!!!!!! انا اول مره في حياتي اسمع عن لانسر تقفيل الماني ولا قصد حضرتك وارد المانيا اعتقد مفيش لانسر بتتقفل في المانيا

يبقي غالبا كدا وارد المانيا .. بس ايه تقييمك .. والسعر كدا كتير ؟؟؟؟

العربيه امريكي وارد المانيا

اقتباس:

---

المشاركة الأصلية كتبت بواسطة gogo510

السلام عليكم

دي اول مشاركه ليا في المنتدي
انا بصراحه كنت عايز اخد رايكم في عربيه ميتسوبيشي لانسر 2005 تقفيل الماني 1880 cc .. دي اول عربيه ليا وماليش اي خبره في العربيات ..

هي العربيه 1880 cc ستيبترونيك ازاز كهربا تكييف عادي فرش جلد فوجات فتحه سقف .. امكانيه التحكم في ارتفاع السياره 3 درجات للمساعدين .. العربيه تقفيل الماني (اول مره اسمع ان في منها الماني) .. رحت رفعتها مرتين كلوا بيقول عليها نضيفه جدا عامله 120 الف كيلو

السعر المطلوب فيها 90 الف ..

ايه رايكو بالنسبه للسعر وعيوبها واي ملاحظات عليها واستهلاكها للبنزين

؟؟

---

السلام عليكم
العربية من كلام حضرتك المتميز فيها حاجتين
الاول ان الموتور1880 سي سي وثانيا الفتيس استربتونيك
اما موضوع المساعد والكلام ده مش هيفرق كتير في شوارعنا لان هتفضل معليها باستمرار علشان تحمي العربية من تحت
بالنسبة للاستهلاك البنزين معروف عن الانسر انها بتستهلك بنزين اعلي شوية وبالتالي سعة أكبر للموتور أكيد استهلاك أكبر بس مش بفارق كبير
طيب نيجي للجد بقي
العربية وارد الخارج يبقي حالتين ياما حد جايبها معاها ودفع جمرك او معاقين وفكت حظر وحضرتك لازم تعرف وتتأكد من الورق
بالنسبة للسعر هو حراق شوية بس لو حالة شاذه يبقي فل لكن لو مش شاذه يبقي كتير جدا
وبالتوفيق

شكرا علي ردك يا اخ muhmado_furp

هي العربيه فعلا كانت معاقين وفكت حظر وفعلا السعر كتير شويه بس الناس بتقولي ان العربيه اساسيتها نضيفه + انها حاله شاذه .. هو الخوف الاكتر في حاله البيع .. انا سمعت واحد بيقولي اشتري ليك وللسوق .. فهل دي لو جيت ابعها هتتباع بسرعه ولا كدا هيبقي صعب اتصرف فيها ؟؟

اقتباس:

---

المشاركة الأصلية كتبت بواسطة gogo510

شكرا علي ردك يا اخ muhmado_furp

هي العربيه فعلا كانت معاقين وفكت حظر وفعلا السعر كتير شويه بس الناس بتقولي ان العربيه اساسيتها نضيفه + انها حاله شاذه .. هو الخوف الاكتر في حاله البيع .. انا سمعت واحد بيقولي اشتري ليك وللسوق .. فهل دي لو جيت ابعها هتتباع بسرعه ولا كدا هيبقي صعب اتصرف فيها ؟؟

---

لا يا معالي الباشا
بيعها هيكون سهل جدا متخفش
في ناس بتحب الحاجات الشاذه دي وليها زبونها