قريبا بالاسواق :
مشاكل وحلول فتيس ال al4 ,فتيس ال 206 ، 306 ، 307 ، 406 و نظرائهم من الستروين
انتظرونا
عرض للطباعة
عربيتي406 كرستاله
مفيهاش فوجات فبريكه
وعايز اركب فوجات تنصحوني بايه الديبو كويس ؟
وكمان الفانوس الامامي للاسف ودنه مكسوره هل ممكن تتصب ؟
فرش الابواب متبهدل وقماش عايز اغيره بجلد حد غيره قبل كده ؟
فين وبكام وياتري ايه الالوان اللي تليق علي الرمادي ومش عايز لون يقفل ال صالون كنت بفكر في الجملي لانع عندي درج التابلوه رمادي والاجزا ء الفبر كذلك
حتي اني فكرت ارشهم بلون تاني بس عرفت انه الرش هيقشر
إنارة الفوجات ممتازة و بتغنى ساعات عن النور الواطى
الفانوس الواحد التايوانى ب 175 وممكن يكون سعره زاد
أنهى ودن؟ اللى فوق و لا اللى تحت و لا اللى فى الجنب ؟
عامة بمعجون إيبوكسى ممكن تلحم المكسور
و فى ناس بتصب فوانيس منهم واحد فى شارع سكة الوايلى قبل نادى مصر للبترول
السلام عليكم
سيارتي 406 2003
العربيه وهي علي ال N بتعلي وتوطي اوقات كتير تبطل وترعش الاول شويه مع تغير في حركة ال RBM الموتور يعلي ويوطي وبعد كدا تبطل وتطفي ..
عيب تاني
السحب اصبح ضعيف وخاصة بعد ال95 سرعه
واحس ان صوت الشكمان كمان مش طبيعي هو مافيهوش اي ثقب ورحت اتطمنت هل دي علبة بيئه زي مالراجل قالي انها بتودع وهل له علاقه بالعيب الاول
بالاضافه الي ان الالكمبيوتر والشاشه تديني Anti pollution system
ولا دا حساس الايدول ولاطرمبه بنزين
ممكن مساعدة والحل والعلاج ايه
التبطيل علاجها تنظيف البوابة و لو لقيته دائم يبقى تغيير ايدل
ال Antipollution علاجها تغيير البوجيهات
أو
علبة شكمان عندك مسدودة او مخبوطة او مطبقة (بيصاحبها غالبا سخونة للعربية)
لان دى رسالة عن ان العادم مكتوم داخل المسار بتاعه او نسبة الوقود عالية فى العادم نتيجة عدم كفاءة الاحتراق
شكرا استاذ احمد جزيت خيرا
انا فعلا غيرت البوجيهات الحمد لله حسيت بتحسن
طيب بالنسبه للصوت اللي قالولي عنه دا احتمال يكون من علبه البيئه..
صوت عالي لما بتجري بالعربيه يعني تحس انه من الشكمان بس مش. خرم اوثقب ..
اي علبه تقصد .علبة الشكمان الخلفيه ولاعلبه البيئه…
هل لها علاقه بسحب السياره.…
عبة الشكمان الوسطى و الخلفية اسمها silencer اى كاتم الصوت و هى دى وظيفتها فلو سمعت صوت عالى يبقى وظيفتها فيها مشكلة
الموضوع دا كان حصل معايا و كنت لقيت الحديد دايب داخل العلبة الخلفية و كمان جواها زلط و الرسالة دى طلعت لى
برضه العلبة الامامية بتحول الغازات السامة لغازات غير سامة و لما صلاحيتها بتنتهى بتسمع صوت خبط و بتحمر جدا بعد فترة من شغل العربية و بتكتم العادم و تضعف السحب و تسخن العربية و العربية تاكل بنزين
الفيصل الكشف عند حد بتاع شكمانات متخصص بس بصراحة مش عارف حد معين
طيب وكيف عالجت العيب في سيارتك مشكوراا