تحية طيبة وسلام من الله عليكم ورحمته وبركاته ... الموضوع فيه جزئين علشان الورق والحبر والكلام ده :
بأختصار العربية كانت هتتسرق بس مش عارف أيه اللي حصل الموقف كالأتي .. روحت الشغل وركنت العربية طبعاً متلمعة ومتفيمة وواقفة عروسة المهم المنطقة هناك أغلبها فلل فركنت جنب فيلا ونزلت ولما رجعت لقيت الشباك اللي جنب سور الفيلا مكسور والزجاج نازل حتة واحدة علشان ملزوق في الفيميه طبعاً الحرامي كسر الزجاج الخلفي يمين علشان يبقى مش باين لأنه من جوه ناحية السور ومتداري المهم جيت لقيت العربية زي ما هي مفيش فيها أي حاجة ناقصة ومكنش في حاجة غالية فيها زي لاب أو موبايل علشان أقول أنه حرامي موبايلات مثلاً فعاوز أسمع تحليلكم للموقف ... طبعاً العربية ألنترا md 2012 فيها الأبجريد اللي عمله غبور على الأنذار اللي هو فصل طرمبة البنزين وحساس الحركة .
الجزء التاني من الموضوع يتعلق بعيب مش هيعرفه غير ملاك الألنترا الجديدة وهو الخرابيش اللي بتظهر على الفانوس ومعظمنا كان مفكرها من تجريح التراب والسفر على طرق سريعة والكلام ده ... المفاجأة بقى أن ده عيب صناعة في الفوانيس نفسها وشركة هيونداي بتغير الفوانيس دي بفوانيس جديدة بالكامل من غير دفع ولا مليم بشرط تسليم الفوانيس بحالتها من غير كسر او تعديل ..... أنا منفعش علشان انا كان عندي فانوس متكسر ومركب فوانيس جديدة ليد أنا بقولكم علشان تستفادوا وتتوجهوا لأقرب فرع لغبور وتغيروا الفوانيس من حقكم ... على فكرة الكلام اللي بقوله ده من بوق مهندس ورشة الهياكل في التوكيل قالي لو الفوانيس كانت سليمة عندك كنت غيرتهالك ببلاش .... أنطلقوووووا وربنا يقدرنا على فعل الخير .
المفضلات