الإيرباج

**Dream286** · 02-10-2008 06:26 PM

السلام عليكم
كنت عايز اسأل عن الايرباج وميكانيكية عملها في حاله حدوث الحوادث لا قدر الله
وهل فعلا ليها فايدة واضحة ومهمة فعلا ( معلش اصل معملتش حادثة قبل كدة :d )
لان انا كنت ناوي اجيب عربية هاف اوبشن بس قلت وماله اجيب فول اوبشن وادفع خمسة الاف زيادة مخصوص عشان الايرباج مش الازاز الكهرباء ولا السنتر قلت اشتري الامان يعني
هل فعلا الموضوع يستاهل ؟

**Ahmed Hassan** · 02-10-2008 09:17 PM

بعد اراده ربنا... طبعا الاير باجز مهمه و تستاهل اللي يدفع فيها. و طالما يهمك مستوى الأمان في السياره اتأكد كمان ان فيها abs

**MoDyBeNz2008** · 02-10-2008 09:18 PM

فعلا الاير باج يستاهل

الاير باج بالضبط زي البالونة يعني بدل ماحتتخبط في الدريكسيون و احتمالات تاثر المخ و حدوث اصابات قد تؤدي الى الوفاه لا قدر الله فالاير باج بتبقى مليانة هواء فبتخفف من الخبطة بتاعة الدماغ او اي جزء من الجسم في الدركسيون او جسم السيارة و بذلك الحادثة ممكن تؤدي الى كسر او خدوش بدل من الشلل او الوفاه

الشرح دة مبسط و لو عايز شرح تفصيلي انا في الخدمة

**romeeoo** · 02-10-2008 11:57 PM

واحد صاحبى عمل حادثة بعربية بورا العربية طالعة من الحادثة ماتعرفلهاش لا لون ولا ماركة وماكنش رابط الحزام والى طلعه سليمبعد رحمة ربنا سبحانه هى الإير باج

**amir** · 03-10-2008 12:50 AM

المشاركة الأصلية كتبت بواسطة romeeoo

واحد صاحبى عمل حادثة بعربية بورا العربية طالعة من الحادثة ماتعرفلهاش لا لون ولا ماركة وماكنش رابط الحزام والى طلعه سليمبعد رحمة ربنا سبحانه هى الإير باج

ازاي يعني؟
الايرباج ما هو الا نظام تثبيت اضافي srs supplemental restraint system
و ده نظام بيساعد حزام الامان في حمايه الراكب عند الاصطدام
يبقي ازاي فتح من غير حزام امان مربوط!!!
ده لو فتح لوحده من غير ما يكون الحزام مربوط تبقي كارثه قاتله
و بعدين الايرباج مفيهوش هوا
ده بيبقي في مواد كيميائيه بتتفاعل عند اجزاء من الالف من الثانيه و بينتج عن التفاعل ده كميه كبيره من الغازات

**MoDyBeNz2008** · 03-10-2008 01:19 AM

اسف اني قلتلك انوا بيبقى مليان هوا

الاير باج بتبقى مليانة هواء

الصح انها مواد بتتفاعل مع بعض

و بعدين الايرباج مفيهوش هوا
ده بيبقي في مواد كيميائيه بتتفاعل عند اجزاء من الالف من الثانيه و بينتج عن التفاعل ده كميه كبيره من الغازات

**waled369** · 03-10-2008 01:29 AM

الاير باج مهم جدا في حالة حدوث حادثة لا قدر الله يعني فلوسها فيها

**tebeeb** · 03-10-2008 02:54 AM

الإيرباج مهم جدا وعن تجربة شخصية، وحتى لو هو غالي، حياتك أغلى.
أنا كنت رابط الحزام وحصلت لي حادثة وطلعت بدون أي خدش، والسبب بعد تقدير الله سبحانه وتعالى ولطفه هو الحزام والإيرباج.

**Ramy_Tantawi** · 03-10-2008 05:23 AM

الموضوع يستاهل والله مش هاقول لحضرتك 5000 بس اكتر بكتير والله .........الوسائد الهوائيه من أهم وسائل الحمايه وعن تجربه والله كانت بعد تقدير المولى - عز وجل - سبب في انقاذ حياتي في حادث صعب شويه لكن الحمد لله طلعت بخدوش بسيطه وكان معي اسرتي .

توكل على الله وكلمة حق احاسب عليها والله .....زجاج كهرباء وكاسيت سي دي والكلام ده كله صفر على الشمال قدام عوامل الامان في السيارات صحيح الكماليات السابقه فيها من الراحه والرفاهيه نصيب كبير لكن اقصد لو بنفاضل بينهم اكيد نختار عوامل الامان والله خير حافظ ان شاء الله.

-

الموضوع: الإيرباج

LinkBack

أدوات الموضوع

عرض

الإيرباج - انشر الموضوع فى :

-

-

-

-

المواضيع المتشابهه

استفسار عن شريط الإيرباج

الإيرباج مع الحزام ولا لأ؟؟

Bmw e39 لمبه الإيرباج

لمبة الإيرباج بتعلق

لمبة الإيرباج!

الكلمات الدلالية لهذا الموضوع

المفضلات

المفضلات

ضوابط المشاركة