-
المقارنة الصعبة
كنت في المعرض
وبعد ركوب ونزول وتقليب في العربيات والمواصفات
لغيت الافيو خالص من اللستة .. وللاسف السنديرو الشكل الجديد نازلة كلها مانيوال
ومش لاقي الاتوماتيك الشكل القديم
وانحسرت الاختيارت في 3 عربيات
1- بيجو 301 اعلى فئة (فرنسي تجميع اسباني)
http://www.almrsal.com/wp-content/up...eugeot-301.jpg
2- كيا ريو الفئة المتوسطة (للاسف بدون اير باج ولا APS)
http://upload.wikimedia.org/wikipedi...12-22-2011.jpg
3- التويوتا ياريس هاتش باك (تجميع فرنسي) والعربية حلوة بصراحة
http://www.fastcarhelp.com/img/2012_Toyota_Yaris.jpg
ال3 عربيات في نفس الفئة اسعرية 135 - 140
الحجم قريب
التقفيل مش مختلف قوي
ايه رأي الرجالة في التوكيلات وسعر ما بعد البيع
واسعار قطع الغيار والصيانة والاعطال
-
ريو بس ليه هاتش باك مش سيدان ؟؟
-
انا فى نفس حيرتك
بس ربنا هدانى واستقريت على 301
ويارب يكون اختيار صح
ربنا معاك
-
سعر البيع هاتبقى الريو
بس كعربية في رأيي 301
-
بالنسبه لي .. أنا أفضل الياريس لو سيدان.
-
-
في رأي البيجو لأنها كاملة وانتشرت جامد وقطع غيارها هتبقي متوفرة جامد
-
-
بص يا باشا
الريو طلعها برة خالص , ليه ؟ عشان حضرتك مش دافع قليل و من حقك يبقي عندك وسائل امان بصراحة بقت اساسية . يعني ايه اشتري عربية ب 140 الف من غير ABS ولا Airbags ليه يعني هما بقوا اوبشنز ولا ايه؟
الياريس هاتش باك افضلهم وارخصهم ب 132 الف و اعلاهم امان و اوبشنز !!
كفاية ان من اول فئة مانيوال فيها 4 ايرباج (طبعا مش موجودين في البيجو) غير طبعا اساسي ABS EBD BAS و كله من اول فئة مانيوال
واول فئة اوتوماتك ب 132 الف فيها كل حاجة في البيجو 301 هاي لاين و بتزيد كمان :
توفير رهييييب في البنزين.
الفتيس ال CVT اللي بيديك عدد لا نهائي من النقلات.
ممكن تنقل من الدركسيون.
Hill assist.
كاسيت تاتش مع بلوتوث و تليفون مالتي فانكشن.
تقفيل فرنساوي كامل و كل اجزاءها من اليابان و فرنسا.
والغريب في العربية دى انها واسعة جدا جدا من جوة بعكس مالناس متخيلة و لكن عيبها الوحيد ا الشنطة صغيرة جدا.
-
بص حضرتك أنا كنت بقارن بين الريو و اليارس الهاتشباك و فعلا فصصت العربيتن قبل ما أخد قرارى و ربنا هدانى لليارس ... الريو فاضية من جوه بالنسبة لليارس سواء من عوامل الأمان أو للكماليات ... حتى الفتيس اليارس أفضل ..بالنسب لحجم الشنطة الأتنين واحد تقريبا و بالنسبة للو سع الداخلى اليارس أوسع ... العفشة اليارس ناعمة جدا أنا مش بحس بالمطب خالص الحمد لله ( أنا كان معايا بيكانتو و عفشتها كانت ناشفة ) و ربنا يهديك للأحسن أنشاء الله
Content Relevant URLs by
vBSEO 3.6.0 PL2