تحذيييييير .... اوعك تغسل موتور عربيتك ....!! موضوع يستحق التأمل والنقاش ...!!!!
السلام عليكم ورحمه الله وبركاته .... اذيكم كلكم يارجاله عصابه الاوبل ... انا قولت نفتح الموضوع ده كده عشان ندردشوا شويه حلوين كده مع بعض .... طبعا كلنا عارفين ان كل الناس اللى فاهمه جداً واللى مش فاهمه جداً برضه بتحذرنا تحذير شديد اللهجه من غسيل الموتور بالماء .... وطبعا كلنا عارفين الأضرار اللى بتحصل بعد الغسيل مباشره قد تحصل احيانا الى تغيير بعض الحساسات والأجزاء الكهرباءيه زى الدينمو والموبينه.... الخ .... وبرضه كلنا بنصمم اننا نغسل الموتور عشان يفوق كده ويفرفش وينعم وشكله يحلو والحجات دى .... طاب يبقى العمل ايه فى القصه دى ..... نغسل ولا مانغسلش ؟؟؟؟ .... انا بقى هقول تجربتى وكل واحد مننا يحكى ويفضفض كده ونحاول نجمع وجهه نظر مشتركه طبعا بعد آراءكم ومعرفتكم كلكم .... انا بقى بعمل ايه .... طبعا بسمى الله العلى القدير وبنفتح الكبوت واجيب مسدس الجاز وابخ الموتور كله وانزل الزيت والشحم والقصص دى كلها بخه محنرمه ومش لازم نغرز المسدس كده واحنا بنرش يعنى من مسافه معقوله .... وتقفل الكبوت ونبدأ غسيل العربيه من بره بالصابون العادى وواحنا بنغسل من بره كده نفتح الكبوت وبنفس الفوطه اللى بنغسل بيها بالصابون بره نبلها صابون كده وندعك الموتور بيها بعيد عن القطع الكهرباءيه زى ( سلوك البوجيهات والموبينه والدينمو والأماكن اللى فيها أى سلوك ) وبرضه لازم ندعك برفق جدا ..... بعد كده بقى بنجيب مسدس الميه ونقف بعيد جدا يعنى بحوالى ٢ متر ونبدأ نرش الموتر براحه جداً واحنا بعيد يعنى يدوب هبو الميه ينزل الصابون كده ..... وعالطول نجيب خرطوم الهواء وننفض الموتور كويس جدا وبرضه وخرطوم الهواء بعيد بمسافه معقوله .... تمام كده الحمد لله خلصنا .... هيجيى بقى واحد يقولى طاب ماهو الجاز بياكل الكاوتش .... اقوله باذن الله الحل بسيط بعد مابنخلص بندور العربيه قيمه ١٠ دقايق طبعا بتلاقى بخار طالع بالكوم وبعد ماعربيتك تنشف تبطل الموتور وتشترى زجاجه فرم غسيل موتور من أى بنزينه محترمه تقريبا ب 25 جنيه وترش بيه موتورك تانى وترش على الخراطيم الكاوتش كلها بشكل كويس بحيث انها تشيل شويه من اثار الجاز باذن الله .... وتدور عربيتك تانى وبأذن الله تدعولى ..... هذا وبالله التوفيق