سؤال عن التوكيلات

**م/محمد** · 12-07-2007 04:40 PM

لاحظت في كثير من المواضيع جمله (التوكيل وحش ) او (هتبقي تحت رحمه الوكيل)
وبما ان معي 128 فمش حاسس بالموضوع ده ونفسي اعرف حاجتين
ازاي التوكيل ممكن يبقي وحش بغض النظر عن اسعار قطع الغيار؟
وايه هو احسن توكيل في مصر لاني بفكر اغير؟

**م/محمد** · 13-07-2007 12:31 PM

ايه يا جماعه ده انا عضو جديد وشايف في ايجابيه عاليه في المنتدي وياريت حد يعبرني

**Ahmed Hassan** · 13-07-2007 03:02 PM

كلمه التوكيل وحش ليها معاني كتير (بغض النظر عن سعر قطع الغيار), ومنها ما يلي:
1- عدم توافر قطع الغيار من الاساس.
2- عدم وجود عماله مدربه او التجهيزات اللازمه من اجهزه كشف و قياس.
3- و ده الأسوأ... التعامل بمبدأ اهبش و اجري.. و ده المبدأ اللي 99% من الصنايعيه بيتعاملوا بيه.. و نتوقع الا نجده في التوكيل.. و لكن للأسف موجود في بعض التوكيلات.

بالنسبه للتوكيلات المحترمه فأعتقد ان من اكثر التوكيلات احتراما الآن توكيل "دايهاتسو" (عبد اللطيف جميل"

**م/محمد** · 13-07-2007 07:00 PM

الف شكر ياباشا

**محمدايهاب** · 14-07-2007 11:06 PM

التوكيل الجيد ده معناه :
1 - قطع غيار متوفرة بسعر مناسب للسوق
2 - مراكز صيانة منتشرة في أنحاء المعمورة (مثلا قولكس فاجن ينقصها الشرط ده و ما عندهمش غير مركز واحد ولو أنهم بيوعدوا بفتح مركز آخر بس حتى الآن هو مركز واحد )
3 - الوكيل الجيد له سياسة واضحة مثلا لا ينزل عربية و بعد فشل هذه العربية يقوم بسحبها من السوق مع عدم توفير قطع غيار لهذه العربية و الناس إلي اشترتها تخبط رسها في الحيطة
4 - العامل الأهم هو العمالة المتدربة و توافر الهندسين و التخصص مثلا مهدس للميكانيكا و أخر للسمكرة و تالت للكهرباء و رابع لمتابعة التلاتة و عمال لتنظيف العربية و أخرين للتسليم و هكذا
5 - التزكيل الجديد هو الذي يقف في صف العميل دائما مثلا في توكيلات في مصر ممكن تغيرلك عربيتك لو فيها مشكلة و أنت لسة شاريها
و أنا رأي أن التوكيلات الجيدة هي أبو غالي و توكيل عبداللطيف جميل و توكيل تويوتا و توكيل فورد