هو بيعمل نظافه ممتازه وبينزل الماء كالرمل بس ده صح ولا غلط وهل ممكن يضر اشياء اخري
عرض للطباعة
هو بيعمل نظافه ممتازه وبينزل الماء كالرمل بس ده صح ولا غلط وهل ممكن يضر اشياء اخري
متابع
اعتقد ان الخل والليمون احماض ...طبعا هي بتنظف جامد عشان بتاكل في المعدن ..معرفش ضرره ايه....لكن لو عايز تنظف صح..اغسل الدورة وحط ميه خضراء موبيل...المفروض تكون الميه خاليه من الاحماض والاملاح...يعني ميه التكييف او الميه المقطرة تنفع برضه
ممكن حضرتك تحط الخل فقط حجم 10 جم مثل غطاء الخل ثلاث مرات . داخل دورة التبربد من خلال الريداتير على شرط ان لا تتركه داخل المحرك اكثر من 6 ساعات كحد اقصى والسياره على وضع التشغبل ( دايره يعنى) . وبعد ذلك قم بافراغ مياه الريداتير كاملة مع التاكد من افراغ المياه داخل الغرف و ذلك عن طريق فك الخرطوم العلوى من الريداتير و فصل القربه من الريداتير . و تشغيل السياره مع تزويد المياه . حتى تقوم بتبديل مياه الغرف كاملة.
وده صحى جدا للريداتير لغسيل و تنظيف دورة المياه كاملة . وممكن بعد كده تحط مياه خضراء . زى بتاعة موبيل مثلا سعرها 80 جم . وجميله جدا. بس نصيحه حطها بعد ماتعمل اللى قولتهولك. وماتكررش ده غير قبل كل صيف مره واحده هاتشيل الصداء كله .
وكمان اوعى تبيت الخل فى الريداتير وانت مبطل العربيه علشان مايكلش فى المواسير ولا فى الجوانات ولا فى الغرف .
يعنى ممكن تروح مشوار وتبدل المياه على طول فى بنزينة موبيل فاهمنى .
يبقي اغمل كده وبعدها بساعه اروح اعمل غسيل للدوره واغير الميه عند المختص بس ابقي نظفت الدوره تماماقتباس:
المشاركة الأصلية كتبت بواسطة moe gawad
انشاء الله. وفى المسافه ديه حاول تخلى العربيه دايره اطول وقت حتى تتاكد من نظافة الغرف.
ممكن تحط ربع كبايه صغيره
تمام يا بشمهندس --سوال بقي معلش انا بعد تغيير الشورت بلوك صوت المتور عالي قالولي ان الكستبانات --طيب الحل ايهاقتباس:
المشاركة الأصلية كتبت بواسطة moe gawad
ايوه صوته عالى على طول . ولا مع الدواره الصبح فقط. وبما بتسخن بتكون تمام
وقولى ايه هى نوعية زيت الموتور اللى استخدمته بعد تسقيط الماكينه . وايه نوعية الزيت اللى موجود دلوقتى
هو مبدائيا حصل حاجه غريبه بعد وضع الخل بدقيقه صوت الماكينه بقي هادي جدا - روحت عملت دوره الميه وحطيت ميه خضرا الراجل قالي المكنه بتسخن لان في خرطوم تحس بيتنفخ لما تسخن - طلعت علي الميكانيكي قالي اخبار السخونه ايه قلتله تمام مفيش بس لاحظ ان السرعه التانيه مش بتشتغل فشال كابل المراوح اشتغلت باقصي سرعه قالي متخفش لان السرعه التانيه مش هتشتغل الا في حاله سخونه غير طبيعيه وسالني المكنه صوتها هدي عن الاول قلتله مصدقش موضوع الخل بس عاوزك تجاوبني عن السخونه والصوت الي هدي فجئهاقتباس:
المشاركة الأصلية كتبت بواسطة moe gawad
مره غسلت راديتير واحد صحبى لانوس بملح ليمون وكربوناتو وشويه بيريل .نزلت بلاوى ولما راح للميكانيكى وبتاع رادتير قالوا اول مره اسمع الكلام دا
على فكره الكربوناتو لماى بتلمس الميه بتفور
سبتهم ربع ساعه وغلست بميه نطيفه
الكربوناتو وملح الليمون بيستحدمهم فى تنظيف البوتاجاز
متابع
طريقة تنظيف كنت دائما باستخدمها فى تنظيف ريداتير اللانوس
ربع زجاجة خل صغيره - أو ما يوازى فنجان شاى صغير
العربيه بتبقى بارده تماما
ازود من القربه
اقفل الغطا وأدور لمدة 30 دقيقه
كل شويه افتح غطا القربه بحرص شديد جدااااااااا علشان افرغ دورة الميه من اى هوا زيادة
أبطل العربيه لمدة 30 دقيقه وانا فاتح الكابوت علشان العربيه تبرد
افك الخرطوم اللى خارج من الردياتير ورايح للقربه - ادور العربيه
احط خرطوم مياه من الحنفيه بضغط بسيط جدا فى القربه - وخرطوم خارج الريداتير فى اى جركن كبير
اسيب العربيه كده لمدة 10 دقايق وفى الفتره ديه تتفرج على اجمل رواسب خارجه من العربيه
أحط ميه خضرا - طبعا لأ
أحط ميه عاديه
تانى يوم اخد العربيه فى مشوار لا يقل عن ساعتين تلاته واغسل الدوره تانى بدون خل بنفس الطريقه اللى فاتت
فى الاخر اجيب جركنين ميه خضرا - كنت باستخدم ماركه اسمها (ايديا)
احط الجركن الاول بالكامل كل ده وخارج الريداتير بيترمى بره العربيه (الجركن 4 لتر)
احط تقريبا 3 لتر من الجركن التانى واسيب اللتر المتبقى علشان ازود بيه
افضى الهوا من دورة التبريد كذا مره والعربيه سخنه
استمتع بأجمل تكييف وأجمل أداء خلال الصيف
نصيحه اخويه
لو عندك اى مشكله فى الريادتير - طرمبة الميه - الكوعه - ترموستات الكوعه كل المشاكل ديه هاتظهر لو استخدمت مزيل صدأ أو خل أو اى حاجه من الحاجات
دورة التبريد المفروض انها تتنظف كل 60.000 وفيه ناس بتنظفها كل 100.000 كيلو
بلاش تستخدم ميه تركيزها عالى لو عربيتك قديمه لأنها هاتيجى عليك بالسلب مش بالايجاب
لو دورة الميه عندك فيها مشاكل وبتضطر تزود مية حنفيه يبقى لازم تنظف دورة المياه عندك مره فى السنه على الاقل
أسألكم الدعاء لوالدى بالرحمه - ولأمى بالشفاء
ارجو رد من البشمهندس محمد عبد الجواداقتباس:
المشاركة الأصلية كتبت بواسطة alpoka779