الحقونا يا ناس النوبيرا بتقف لوحدها ومش عارف العيب فين

السلام عليكم
العيب بدء ان العربية مخنوقة ومبتجمعش كويس المهم غيرت بوجيهات والعربية اتحسنة وفجأة العربية بقت تدرردر جااامد وتقف وتحلف ما هى ماشى بعد فتره تدور تانى تمشى شوية وتقف تانى رحت لميكانيكى غيرنا كويل والمبينا و طرمبة البنزين و العوامة علشان نتأكد من ضخ الماتور و حساسات وحساس الكرنك مع انى معرفش ليه :untitled: المهم جه فى الاخر قال السيد الميكانيكى العيب مش ميكانيكى العيب كهربائي :khd: المهم رحنا للكهربائي حطها على جهاز الكشف ومعرفتش حاجة لاني مكنتش حاضر بس التوصف انه نام تحتها وعملحاجة فى الضفيرة العربية اشتغلت وبقة تمام مشيت حوالى 80 كم ودردرت تانى ووقفت وانا مش عارف العيب فين :F_eyeb1[1]: افيدونا افادكم الله

الاورنج اللى فى البوز بتاع موتور طرمبة البنزين مهرب والبنزين مش بيوصل للرشاشات
اول ماتفتح الكونتاكت الطرومبة بتشتغل بعدد لفات سريعة
وكانت بتوصل جزء من البنزين للمسطرة بتاع الرشاشات
واول ما ادور عدد لفاتها بيقل هنا كان البنزين مش بيوصل فدة اللى خلى الموتور يدور ويبطل

اقتباس:

---

المشاركة الأصلية كتبت بواسطة amr elshamy

الاورنج اللى فى البوز بتاع موتور طرمبة البنزين مهرب والبنزين مش بيوصل للرشاشات
اول ماتفتح الكونتاكت الطرومبة بتشتغل بعدد لفات سريعة
وكانت بتوصل جزء من البنزين للمسطرة بتاع الرشاشات
واول ما ادور عدد لفاتها بيقل هنا كان البنزين مش بيوصل فدة اللى خلى الموتور يدور ويبطل

---

هروح اجرب النهاردة ان شاءلله وربنا يكرم

طرمبة البنزين والاورنج كله تمام نضفت المسطرة ورشاشات والبوابة مشيت بيها شوية العربية راحت مهيسة. كائني مطلعها علي الرابع. الار بي ام بيستهبل ويجي نازل مره واحده ومبطله فصلت البطارية علشان اعمل ريست للكارتة العربية اشتغلت عادي بس لمبة تشك انج نورت انا مش عارف اعمل ومش لاقي حد فاهم والميكانيكي والكهربائي بيخترعوا فيها افيدونا

يفضل كخطوه أولى نحو العلاج
1- نظافة بلف الأيدل
2- نظافة البوابه
3- عمل أيدل ليرننج
طبعا مع الأطمئنان على كفاءة دورة الأشعال يعنى قوة الشراره تبقى قويه وواحده عند كل البوجيهات ( وان تكون حالة البوجيهات تمام )
ومن زاويه تانيه الأطمئنان على عدم وجود رائحة بنزين فى وقت الدواره
وأن يكون أستهلاك البنزين معتدل ( لأستبعاد الرشاشا ت من العيب )
بالأضافه الى التأكد من كفاءة فلترى الهواء والبنزين
ياريت برضه تكون مطمن لمقاس الزيت
يعنى الزيت مبينقصش .....ولو كان بينقص
حيبان معاك شكل البوجيهات ( لو عليها تعريق زيت ) يبقى كاوتش الصباب تعبان
وبالذات لو كانت بتطفى على السلانسيه الساخن
لأنك موضحتش برضه جزئية السلانسيه بصوره واضحه
سلانسيه بارد أم ساخن ............ودى مهمه برضه النقطه دى
برضه يفضل الأطمئنان على كفاءة الدينامو والبطاريه

العربية دي عايزة يتعملها اسكان عند حد بيفهم ودا عيب كهرباء ولا استبعد فيشة حساس الكرنك

عملت اسكان وطلع حساس الماب بيقفل الهواء. كان بيهيس

مبروك علي الاصلاح