الموضوع: شوفوا الشرطة عملت في عربيتي إيه أما سحبوها بالونش (صور)

لا حول ولا قوة الا بالله ربنا يعوض عليك

ربنا يكرمك

حسبنا الله و نعم الوكيل

ونعم بالله

ربنا يصبرك ويعوضك
بصراحة منظر بشع ، وحاسس بيك

اصبر واحتسب

ربنا يخليك وطبعا لو إحنا في بلد محترمة كنت بهدلتهم وكانت الدنيا قامت ومقعدتش وصلحولي العربية وفوقيها إعتذار كمان ,لكن هنا حناخد العربية ونكسرهالك وفوق كل ده ندفعك غرامة وتبوس إيدك وش وضهر إنها رجعتلك

بس للاسف لا كرامة للانسان نفسه في بلدنا ، فهل يكون للسيارة اي اعتبار?

كلمتك دي لخصت حاجات كتيير ومعاك حق فيها

إرفع قضية على الداخلية ومتسبش حقك علشان لو حد فيهم كان جراله اللى جرالك فى عربيتك اللى طالع فيها عينيك مكنش هيهدى الالما يجيب حقه

خايف أتبهدل أكتر وموصلش لحاجة وساعتها حكون خسرت كرامتي أكتر من كده

كنت عملت محضر اسبات حاله ورفعت عليهم قضيه
مهو سكوتنا ده الى مودينا فداهيه
وطبعا رصولك مخالفات كتير علشان ياخدوك فدوكه ويرجعوا يعملولك خصم فتقول الحمد لله وتاخد عربيتك وتمشى
حاجه تقرف بصراحه

أنا على فكرة لسه ماستلمتش العربية والصور دي من المرور والمفروض بكره حدفع المخالفة وآخدها وفعلا إللي حصل زي ماحضرتك قلت بالضبط إنهم وصلوني لمرحلة إني مبسوط إني حاخد العربية
بس الصراحة كلامك ده سخني وبفكر أأجل إستلامي مع إني عارف إن مفيش أمل في البلد دي

قضية ايه يا جماعه الداخلية دلوقتي محدش يقدر يكلمهم وببساطه اوي ممكن يتلفقله محضر

ماده إلي أنا خايف منه مش عايز ألعب مع ناس أنا مش قدهم خصوصا إن أنا مليش ضهر

وعلى فكرة إللي حصل في العربية ده متعمد لإنها مش أول مرة تتسحب على ونش , أنا بيتي القديم كان ساعات موكب حسني مبارك بيعدي منه وإتسحبت عربيتي بونش الجيش أكتر من 3 مرات وعمرها ماتخدشت حتى من السحب وكنت دايما بروح أستلمها من مرور الجيش إللي في نفس الشارع بتاعي ( إحسان عبدالقدوس)