كيا سيراتو2014 جنط 17 ولا فلوانس ال e3

**shifoo68** · 17-03-2014 12:55 AM

مقارنة شايفة صعبة شوية كيا سيراتو ال sx ولا فلوانش الفئة التالتة المقارنة فى كل حاجة للافادة منها وخصوصا والاهم هل بعد انتشار الفلوانس ماسكة سعر عند البيع ولا السعر بيقع جامد ويا ترى قطع الغيار برة التوكيل متوفرة زى السيراتو ولا دوخة ,,, وشكرا

**lenasam** · 17-03-2014 01:21 AM

لو حضرتك مصمم على العربيتين دول بس
اعتقد ال كيا هتكون ابسط فى الصيانة و اسهل فى قطع الغيار
لذلك اعتقد انى كيا افضل

**memo823000** · 17-03-2014 10:24 AM

سيراتو ولكن هغير الجنوط ل 16 والكوتش لبردجستون يابانى مقاس 205 /55/16

**raedegypt** · 17-03-2014 10:28 AM

المشاركة الأصلية كتبت بواسطة shifoo68

مقارنة شايفة صعبة شوية كيا سيراتو ال sx ولا فلوانش الفئة التالتة المقارنة فى كل حاجة للافادة منها وخصوصا والاهم هل بعد انتشار الفلوانس ماسكة سعر عند البيع ولا السعر بيقع جامد ويا ترى قطع الغيار برة التوكيل متوفرة زى السيراتو ولا دوخة ,,, وشكرا

الاثنين كورى ... بس الافضل الكيا او الهيونداى

**تامر.محمد** · 17-03-2014 11:13 AM

المشاركة الأصلية كتبت بواسطة lenasam

لو حضرتك مصمم على العربيتين دول بس
اعتقد ال كيا هتكون ابسط فى الصيانة و اسهل فى قطع الغيار
لذلك اعتقد انى كيا افضل

مين قال ان السيراتو الحالية ابسط في الصيانة او اسهل في قطع الغيار ؟
قطع غيارها الاصلى اغلى من الفلوينس
السيراتو الحالية لسه مالهاش استيراد و الفلوينس بقى ليها دلوقت لأنها اقدم في السوق

المشاركة الأصلية كتبت بواسطة raedegypt

الاثنين كورى ... بس الافضل الكيا او الهيونداى

يا ريت بلاش نضلل الناس بكلام مالوش اساس من الصحة
الفلوينس في مصر فرنساوي تجميع تركي

**miceg** · 17-03-2014 12:10 PM

العربيتين تحفة
وسيراتو عملت شغل جميل فعربيتها الجديده
لكن
قطع الغيار في صالح الفلوانس
وإسال على أسعار قطع الغيار قبل ماتشتري
التوكيلين محترمين ولو ان توكيل رينو أقوى من وجهه نظري
الفخامة في صالح الفلوانس نظرا لطول السيارة والتنفيخات في اجزاء الاكصدامات والرفارف
الفلوانس اعتمادية الياباني لوجود فتيس وموتور وتكييف من نيسان
الفتيس الاستيبرترونيك نازل فالجوك التيربو والنيسان سنترا
والموتور هو بتاع القاشقاي والتيدا الجديدة
عاوز عربية اعتمادية الياباني وأوبشنز وفخامه التقفيل ألاوروبي يبقا هات الفلوانس وهتحبها ومش هتخليك عاوز حاجة تاني نظرا لزيادة ألاوبشنز الرهيبة

**miceg** · 17-03-2014 01:32 PM

الفئة e1
فيتيس مانيوال

الفئة e2
أول فئة فى الأوتوماتيك بسعر 155000

فرامل ديسكات أمامى وخلفى - نظام فرامل (abs - abd - ba)- جنوط حديد 15" - 2 إير باج - إيموبلايزر - راديو سى دى 4 سماعات + aux - تكييف مانيوال - مساند رأس أمامية وخلفية - زجاج كهرباء أمامى وخلفى - فتح وغلق الأبواب عن بعد - مفتاح بريموت قابل للطى - كمبيوتر رحلات - تحكم فى وضع عجلة القيادة - عجلة قيادة مالتى فانكشن - مثبت سرعة - حامل أكواب أمامى - مسند يد أمامى للسائق مزود بمكان للتخزين - درج تخزين أمامى بالإضاءة - فوانيس ضباب أمامية - مرايات جانبية كهربائية الضبط - تحكم بالمصابيح الأمامية - إضاءة بالشنطة الخلفية

الفئة e3
ثانى فئة فى الأوتوماتيك بسعر 169500

مثل الفئة السابقة وتزيد جنوط رياضية 16" - راديو سى دى + aux+usb+bluetooth - 8 سماعات - تكييف هواء أوتوماتيك - مخارج خلفية للتكييف - سمارت كى - مسند يد خلفى مزود بحامل أكواب - درج تخزين أمامى بالإضاءة والتبريد - مخرج كهرباء - طى المرايات الجانبية كهربائيا - ستائر بالأبواب الخلفية والزجاج الخلفى - إشارات بالمرايات الجانبية - مصابيح أمامية حساسة للإضاءة - مصابيح ليد أمامية - مساحات أمامية حساسة للمطر - كشافات أمامية حساسة للإضاءة - تشغيل الأضواء عن بعد - نظام تأخير غلق الإضاءة follow me home

الفئة e3 s
ثالث فئة فى الأوتوماتيك بسعر 178000

مثل الفئة السابقة وتزيد نظام باركينج سينسورز خلفي - فتحة سقف بتحكم كهربائى - حامل نظارة أعلى مرآة الصالون

الفئة e3 sl
رابع فئة فى الأوتوماتيك بسعر 188000 - (special order)

مثل الفئة السابقة وتزيد فرش جلد - مصابيح زينون بتحكم آلى - 6 إير باج

الفئة e4
خامس فئة فى الأوتوماتيك بسعر 200000 - (special order)
تزيد جنوط مقاس 17"
- هاند بريك الكتروني
- فرش جلد كامل بيج
- حساسات ضغط كاوتش
- حساسات اماميه
- مرايات تعتيم
- فيميه علي الزجاج فبريكه

**raedegypt** · 17-03-2014 01:48 PM

المشاركة الأصلية كتبت بواسطة تامر.محمد

مين قال ان السيراتو الحالية ابسط في الصيانة او اسهل في قطع الغيار ؟
قطع غيارها الاصلى اغلى من الفلوينس
السيراتو الحالية لسه مالهاش استيراد و الفلوينس بقى ليها دلوقت لأنها اقدم في السوق

يا ريت بلاش نضلل الناس بكلام مالوش اساس من الصحة وعيب تقول مضلل
الفلوينس في مصر فرنساوي تجميع تركي

اولآ لما تكتب كلام اما تكون عارفه او تصمت ..
الفلوانس عربيه كورى ( سامسونج ) تجميع تركى وعليها علامه رينو .. الفكرة تسويق منتجات فى متناول الشرق الاوسط لآن الاروبى 100% بتكون عربيات غاليه لاتستطيع المنافسه مع الاخرين
الموضوع لايعيب الكورى وانما فقط نوضح انها ليست اروبيه كما يروج فى المنتدى من الاخوة
الكورى ممتاز ومن افضل السيارات فى العالم النهاردة مثله مثل اليابانى

**تامر.محمد** · 17-03-2014 02:07 PM

المشاركة الأصلية كتبت بواسطة raedegypt

اولآ لما تكتب كلام اما تكون عارفه او تصمت ..
الفلوانس عربيه كورى ( سامسونج ) تجميع تركى وعليها علامه رينو .. الفكرة تسويق منتجات فى متناول الشرق الاوسط لآن الاروبى 100% بتكون عربيات غاليه لاتستطيع المنافسه مع الاخرين
الموضوع لايعيب الكورى وانما فقط نوضح انها ليست اروبيه كما يروج فى المنتدى من الاخوة
الكورى ممتاز ومن افضل السيارات فى العالم النهاردة مثله مثل اليابانى

لا معلش الكلام ده حضرتك توجهه لنفسك اولا مع احترامي ليك
انا عارف كويس اوي ان العربية بتنزل كمان بإسم سامسونج sm3
لكن كون العربية بتنزل بإسم سامسونج مش معناه انها عربية كوري برده !!
العربية بتتجمع في تركيا و في كوريا وفي الارجنتين
العربية مبنية على هيكل رينو-نيسان , مش سامسونج !
العربية هي هي بالملي الميجان3 , اللي ما بتنزلش اصلا بإسم سامسونج لكن بتتجمع في تركيا تحت اسم رينو هي كمان, دي كمان سامسونج و رينو بتاخدها منها ؟

و للعلم , الرينو كابتشر بتنزل بإسم سامسونج qm3 و الرينو كوليوس بتنزل بإسم سامسونج qm5 و الرينو لاتيتيود بتنزل بإسم سامسونج sm5