الموضوع: هوا الحب مش اعجاب وبس ولا انا غلطان

المشاركة الأصلية كتبت بواسطة amoor89

فى وجهة نظرى كون انك تحس انك بتحب واحدة من اول مرة تشوفها فده مش طبيعى لان ده اسمه اعجاب فقط لكن الحب كلمه مفهومها أعم وأشمل من الاعجاب
الحب بيتوجد مع المعامله المتكررة مع الشخص اللى قدامك وبتختلف الفترة من شخص للتانى وده بالنسبه للسؤال الأول
اما بالنسبة للسؤال التانى
خلينا متفقين اننا صنف الرجالة أغلبنا ان ماكنش كلنا ولا بلاش التعميم عشان محدش يزعل المهم بنعتبر الستات زى أنواع الفاكهة بأشكالها وألوانها المختلفة بتبقى نفسك تدوقها كلها (محدش يفهمنى غلط بالحلال طبعا) وعشان كده الشرع محلل للراجل 4 زوجات وده مش كل الناس تقدر تعمله لاعتبارات كتير مادية وذهنية ....الخ
المهم ان فى العادى انك بتفضل تدور كويس وتختار نوع فاكهة واحد بتلبسه طول حياتك وعشان كده لازم متتسرعش فى القرار ده

وفى الأخر ده رأى شخصى يحتمل الصواب والخطأ
تحياتى

حضرتك شكلك متجوز :d

انت بس مستعجل و شاغل نفسك بالموضوع ده علشان كده كل ما تشوف واحده فيها المواصفات اللى بتدور عليها يتهيالك انك معجب بيها و بتحبها
الموضوع مش انك تشوفها تعجب بيها الحب انك متشفش غيرها حتى لو لو شفت اجمل منها و احسن منها هتفضل شايفها هى بس
كل حاجه نصيب و انوى على الزواج و كون جاد فده و هتلاقى ربنا اكرمك باللى بتتمناه و اكتر

انوى على الزواج و كون جاد فده و هتلاقى ربنا اكرمك باللى بتتمناه و اكتر
صح

اول حاجه انك تعجب بواحده حتا لو من اول مره تشوفها
وبعدين ذي ما استاذ عمرو قال بتفرق بعد ما تتعامل معاها ده حب ولا اعجاب
يعني ممكن الواحد يشوف واحده يعجب بيها بس مجرد اعجاب و تحس انها مش هي ديه اللي تتجوزها برضوا

كل واحد بيبقي عنده تخيل معين في اللي هيتجوزها مش لازم تلاقي كل الصفات بس علي الاقل تلاقي معظم اللي انت محتاجه في الشخص علشان فعلا تحبها و تتجوزها

وعلي فكره انت ممكن تشوف واحده من اول مره ولا تيجي في دماغك و انك ممكن
تتقدملها بس لما تكلم معاها مره و اتنين بتلاقي حاجات فيها انت كنت عايزها

حتا هتلاقي في جواز الصلونات ممكن تحسم امرك من اول مره انها ماتصلحش ليك و ممكن تبقي عايز تقعد تاني و انت برضوا مش حاسم الامر علشان تتعرف اكثر و تشوف شخصيتها اكثر و ده بالنسبه للست و للراجل طبعا

المشاركة الأصلية كتبت بواسطة yuong313

عايز تختبر نفسك بتحب شخص ولا لا اذا افتقدته فترة عن بعدك عنه ولاتستطيع نسيانه

ما هيا دي المشكلة ان فيه بنات كتير في حياتي مقدرش انساهم و مش عايز ابعد عنهم :d