الموضوع: من الصفر الي 300,000

المشاركة الأصلية كتبت بواسطة khaled_rafea

اعمل ملعب كوره او كافيه او مطعم

السيد العضو الفاضل khaled_rafea : أشكر مروك الكريم , ورأيك الذي أخذته في الحُسبان

شكراً جزيلاً

المشاركة الأصلية كتبت بواسطة Somsom

مفيش اي أمل لللاستثمار في مصر

السيد العضو الفاضل :Somsom : أشكر مرورك الكريم , ولكن أسمح لي أن اختلف معك حيث أنني دفنت اليأس منذ سنوات و الأمل في الله بلا حدود وثقتي في بلدي العظيم مصر إن شاء الله ينصلح حالها وحال شعبها جميعاً.

المشاركة الأصلية كتبت بواسطة exelence

مجال تجارى ولا صناعى ؟
عموما" خليك فى مجال تجارى لان الصناعى اصبح واقف تماما" و بالتوفيق ان شاء الله

السيد الفاضل exelence : أشكر مرورك الكريم , واضع رأيك في عين الاعتبار لأن النشاط الصناعي الناجح يحتاج باع من الخبرة المهنية والحرفية ومجال واسع للتسويق مع عوامل السوق المتزلزلة

شكراً جزيلاً

المشاركة الأصلية كتبت بواسطة body7733

ربنا يوفقك

السيد الفاضل body7733 : أشكر مرورك الكريم ودعائك الطيب.

شكراً جزيلاً

المشاركة الأصلية كتبت بواسطة amrrashed

اهم حاجة ابعد عن الفوركس والتسويق الشبكي مع الاحترام لمشتركيهم وبتوع توظيف الاموال

السيد الفاضل amrrashed: شكراً لمرورك الكريم , وبالفعل أنا بعيد كل البعد عن الغش الإلكتروني
حيث لم تصل ثقافة التجارة الإلكترونية إلى مجتمعنا العربي بشكل كامل وسليم .

شكراً جزيلاً

المشاركة الأصلية كتبت بواسطة ahmed_2014

اولا ربنا يبارك لك فى مالك ويرزقك اكتر ان شاء الله
ثانيا : اهم نصيحة انك تكون متابع الشغل بنفسك اللى هتبتدى فيه يعنى لومحل تبقى قاعد فيه بنفسك وتتابعه بنفسك وهكذا ولا تعتمد على اي شخص اى كان مدى ثقتك فيه
ثالثا : شوف من الشغل اللى انت اشتغلته قبل كده ايه المجال اللى عندك فيه خلفية ولو بسيطة عشان ما تتخمش فى اى شغلانة وانت معندكش علم
يعنى مثلا: لو شغل مقاولات شوف هتتبتدى فيه ازاى و هتعمل ايه بالضبط ولو ما عندكش خبرة حاول تشتغل مع حد او تعرف من حد ليه خبرة فى المجال ده يفيدك ( لان بصراحة اصحاب كل شغلانه هما ادرى بشعابها من اى حد تانى)

رابعا : اختيار ايه المجال اللى هتعمل فيه مشروع بتعتمد عليك اكتر من اى حد تانى مثلا فيه واحد اشتغل مقاول وعرف ازاى يعمل فلوس مش معنى كده ان كل الناس هتعرف تشتغل نفس الحاجة او مثلا واحد اشترى مكروباص او اتوبيس وشغله وجاب منه فلوس مش معنى كده انك تروح تعمل زيه ولكن دور على اللى يناسبك بالنسبة لرأس المال اللى معاك والمجال اللى تقدر تشتغل فيه
خامسا : مهم جدا تبتعد فى البداية على ان يكون ليك شريك لان الموضوع ده فشل مع اكتر الناس اللى اعرفها

سادسا : فعلا بالناسبة للسوق فى مصر زى ما قال الاخوة الدنيا نايمة واللى معاه قرش بصراحة ما بيغامرش بيه دلوقتى ولكن اللى شغال فى مصر هو بيع الاراضى او المحلات الاستهلاكية زى الاكل والشرب وتجارة الكمبيوتر وهكذا ولكن قبل ما تبدأ فى اى حاجة منهم شوف هتعممل ايه بالضبط قبل ما تصرف مليم يعنى شوف المكان اللى هتوفره للمحل مثلا ايجار ولا تمليك ويفضل التمليك طبعا لان البيع والشرى عمليه مش ليها دخل ثابت شهريا عشان ممكن ايجار المحل يكلفك على الفاضى او تكون المبيعات اقل من الايجار

سابعا : لو عاوز تصنع حاجات ممكن تعمل صناعة ( كارتون او حقن بلاستيك وعمل شنط بلاستك وفيه شنط بتتعمل من الزبالة مثلا وممكن تعمل علب بلاستك

لو قررت تعمل مشروع صناعى شوف هتشترى المكن بكام والعمالة هتتكلف كام وكذلك المكان اللى هتشتغل فيه

ثامنا: اى مشروع شوف الاول هتشترى الحاجات اللى هتشتريها بكام و كمان هتسوق المنتج بتاعك فين و ازاى

وفيه افكار مشاريع و دراسة جدى على اللينك ده بتاع الصندوق الاجتماعى ولو مش معاك يكمل ممكن تاخد قرض منهم وتشتغل فى المشروع اللى يناسبك

دراسات جدوى استرشادية - الصندوق الإجتماعى للتنمية

فى النهاية الرزق بتاع ربنا و ربنا يوفقك يا رب

السيد العضو الكريم ahmed_2014 : شكراً جزيلا كل الشكر على مرورك وعلى نصائحك الرائعة والصحيحة , وتأكد أنني وضعت كل كلمة في الحُسبان وقرأتها جيداً واستفدت وعززت الكثير
من كلامك ومن الرابط الخاص بـ دراسات الجدوى الاسترشادية , اكرر شكري مع تمنياتي بالتوفيق لنا جميعاً

المشاركة الأصلية كتبت بواسطة hugan

النصيحه الوحيده اللي اقدر قدمها
اشتغل في الشيء اللي بتفهم فيه وتكون معلم فيه
غير كده هاتكون مغامره والبلد دي مفيش فيها حد عنده ضمير نهائي

السيد العضو الفاضل hugan : شكرا لمرورك الكريم , وبالفعل ما أسعى ألية من مشروع يعتمد بكل تأكيد على الخبرة والفهم وإلا فهي مغامرة غير مربحة .

شكراً جزيلاً

المشاركة الأصلية كتبت بواسطة moody_687

متابع بأهتمام

السيد الفاضل moody_687 : شكراً لمرورك الكريم , وشكراً لمتابعتك

شكراً جزيلاً