-
نصيحة يا خبراء السيارات
بعد السلام عليكم ورحمة الله وبركاتة انا اول مرة اكتب فى هذا القسم وليا الشرف طبعا
انا كان معايا النترا 2009 اوتوماتيك خليجى المهم انا قررت ابيعها عالشان عندى ظروف ومحتاج فلوس وكنت عايز من حضرتكم ترشحولي عربية فى الحدود من 40000 الى 50000 جم
( لو هتزيد سعرها شوية مافيش مشكلة عالشان تكون عربية حالتها جيدة )
بالنسبة لمواصفات العربية ياريت فى حدود الامكان الاقى هذا :-
1- قطع غيار رخيصة ومنتشرة او (غالية بس تكون بتتحمل) لاننى انا بمشي بمنطق ان اشترى قطع غيار ماركة محترمة(غالية فى السعر ) افضل عندى من اشترى الرخيص ويبوظ بسرعة
2- تكون عربية اعتمادية جدااا وتكون اقتصادية فى البنزين عالشان الظروف دلوقتى ربنا وحده اعلم بيها
3- لو تكون عالية عن يبقى افضل بس ده مش شرط اساسي
4- اوتوماتيك او مانوال مش فارقة
5- تكون عربية راسية على الارض فى حدود الامكان ( لانى فى بعض الاحيان بحب السحب والجري وانتم عارفين طيش الشباب
انا عارف طبعا يمكن حد يقول فى باله اننى بهزر عالشان عايز عربية بكل الامكانيات دية بهذا السعر لكن انا طالب من حضراتكم تكون فى حدود الامكان واكيد انتوا فاهمينى
(على فكرة انا شاب اعذب يعنى مش ضرورى تكون عربية عائلية)
ياريت من فضلكم تدلونى على عربية فيها تلك المتطلبات عالشان انا ماليش فيهم قوى ومحتاج نصيحتكم (اهم شيء من فضلكم تكون نصيحة عن تجربة )
والف شكررررررررررر على كل من يعطينى نصيحة وجزاه الله كل خيرررررررررررررر
-
اعمل موضوع فى منتدى السيارات علشان الناس كلها تشوف الموضوع .. هناك الناس هتفيدك اكتر
-
لو رخيصة و منتشرة يبقى فكر فى دايو لانوس ، لو غالى بس بيعيش فكر جدياً فى أوبل كورسا ممتازة فعلاً و ثبات رائع لل160 و ممكن أكتر لو الحالة ممتازة ، و فى اختيارات يابانى فى حدود الميزانية دى بس هتبقى موديلات أقدم شويتين (سيفيك 95 ، لانسر كريستالة ، كورولا 98 ) بس دول هيبقوا ماشيين كتير و الحالة الحلوة منهم نادرة جداً
-
-
ربنا يوفقك انا معدنيش غير الدعاء ليك انما ارشحلك عربية متهيالي صعبة دي
Content Relevant URLs by
vBSEO 3.6.0 PL2