كورولا2014 / هيونداي ix35 / كيا سبورتاج
السلام عليكم ورحمة الله وبركاتة
أول مشاركة لى فى المنتدي كانت فى 2007 لما كنت باحاول أشتري أول عربية زيرو لى وكنت بقارن بين الانوس والفيرنا ... المقارنة بين الانوس والفيرنا كانت حديث المدينة وقتها على المنتدي وإتعملها مواضيع كتير وكل إللى معاة لانوس أو ليه علاقة بيها كان بيشيد بيها رغم عيوبها والعكس بالعكس
لا أنكر إنني إستفدت كثيرا وقتها .. لكن لما نزلت الشارع ولفيت على المعارض وبخثت فى النت إشتريت (سبرانزا 516) وكنت حاسس وقتها إننى فزت بصفقة رابحة ومازلت .. الحمد لله
والأن أفكر فى التغيير والمقارنة اليوم بين هيونداي ix35 أو كيا سبورتاج نظرا لما يلى
1) شوارع مصر المحبوبة محتاجة عربية عالية وخاصة إن الواحد بقى يروح الشروق والعبور والتجمع كتير بحكم العملكنت شوية فكرت أختصر ماليا وأجيب (سبرانزا تيجو) وعارف إنها هاتكون إعتمادية لكن خلاص بقى .. عايز عربية ماركة
2) كيا وهيونداي اليوم هما فرسي الرهان فى السوق المصري وهم اكثر السيارات مبيعا و الإقوي فى إعادة البيع
المقارنة فى وجهة نظري حتى الأن محسومة لصالح هيونداي ix35 ... لما يلى
1- الوسع الداخلي للسيارة أكبر بصورة ملحوظة عن السبورتاج
2- المظهر العام الخارجي للسيارة يوحى بالقوة والثبات اكثر مما يوحى بالرفاهية والجمال
3- كماليات أكثر بسعر أقل .. الهاي لاين بـ 244 أستلام فوري من أسبوع لشهر فى حين الإسبورتاج 245 + أوفر من المعارض
لما روحت المعرض تأكدت فعلا أن ال هيونداي ix35 أفضل (من وجهة نظري الشخصية وحسب طولى وحجمي) من السبورتاج
_________ لــــــــــكــــــــــــن _____________
بعد شوية روحت إتفرجت على الكورولا 2014 هاي لاين بـ 215 ولعبت فى دماغي بطريقة صعبة
عامل زي ما تكون عمال تعمل هرم بقطع الدومينو وقبل ما تخلصة يجي حد يشوطة برجلة ويهدمة
الكورولا عملت كدة ...
الكاسيت بتاعها touch screen وفيه إمكانية تشغيل النفايجيشن (ودي تفرق معايا جدا) في حين إن دة مش موجود فى السبورتاج أو الأي إكس
السيارة .... فخامة وماركة وياباني وسعر وكماليات وإعتمادية ووووو (كل حاجة) ... ما عدا إنها مش SUV ومش عالية أوي عن الأرض :untitled:
أعمل إية؟
أفيدوني أفادكم الله