الموضوع: هل حيازه ارض زراعيه فى الجمعيه الزراعيه كافيه لاثبات الملكيه وهل يمكن التلاعب فيها

بص يا جميل

نقل ملكية الارض لا يكون الا بموجب عقد بيع موثق في الشهر العقاري
هتاخد العقد وتسجله
وهتطلع بعد كده عالجمعية الزراعية
الجمعية فيها دفاتر لاثبات القيود ،، يعني مين حائز الارض ( مالك او مستأجر )
تغيير القيد ده في الدفتر باثبات انك المالك الجديد هيكون عن طريق عقد البيع المسجل اللي معاك
لان قرار وزير الزراعة الصادر في هذا الشأن حدد حالات معينة علي سبيل الحصر لتعديل القيد ده وتغييره من شخص لاخر ، منها اتيان المالك الجديد بعقد بيع مسجل

وممكن زيادة امان من ناحية عقد البيع بعد ما تسجله تخلي محامي يرفعلك دعوي صحة ونفاذ او دعوي صحة توقيع لكن الصحة والنفاذ اقوي

وربنا يوفقك

ولاليها اي تلاتين لازمة..الفلاحين بس هما اللي مقتنعين ان ليها فايدة غير كدا ملهاش قيمة.

ياعقد مسجل يصحة ونفاذ ياعقد ابتدائي وطبعا مش املة لكن ارحم من مفيش خالص...

من الاخر الحيازة دي اكبر اشتغالة في موضوع الاراضي الزراعية.

حالات نقل القيود في سجلات الجمعية الزراعية هي 4 حالات
اتفاق كتابي - حكم نهائي - عقد بيع مسجل
والحالة الرابعة حالة وفاة الحائز زي حالة حضرتك
وهي تنقسم الي :

(أ.) في حالة وفاة المالك الحائز:
تنقل الحيازة إلى أسماء جميع ورثة المالك مشاعاً فيما بينهم بموجب إعلام وراثة شرعي – ولا تنقل حيازة المساحة الموروثة كلها أو أي قدر مفرز ومحدد منها إلى اسم وارث معين إلا بموافقة باقي الورثة على اختصاصه بهذه المساحة – على أن يكون مصدقاً على توقيعاتهم في الحالتين على الوجه المتقدم.
(ب.) في حالة وفاة المستأجر:
تنقل الحيازة إلى ورثته جميعاً إذا كان منهم من يتخذ الزراعة حرفة أساسية له ولا يجوز نقل الحيازة إلى اسم أحدهم ولو كان هو الذي يعمل بالزراعة إلى بموافقة باقي الورثة على الوجه المتقدم ويحظر تجزئة الحيازة على ورثة المستأجر ولو اتفقوا جميعاً على ذلك

يارب اكون افدتك واي استفسار .. من عنيا