مشاكل في السحب والانجكشن بعد ما غيرت جوان وش الشلندر... فيات أونو ٢٠٠٠

السلام عليكم

عربيتي أونو ٢٠٠٠ انجكشن
غيرت جوان وش السلندر لما ضرب وجبت للميكانيكي كل الجوانات اللي عاوزها وخدت وش الموتور للخرط عشان يكشطه ويزود الناقص ... ولما الميكانيكي خلص العربية مادارتش فقاللي خد الكاربيراتير ده واكشف عليه... وهي أصلا انجكشن
المهم خدت العربية لبتاع الكاربيراتير قاللي الانجكشن سليم وجابلي ميكانيكي قعد ٣ ساعات عشان يدورها وقاللي إن الميكانيكي الأولاني كان مقسم سير الكاتينة غلط و... و.... المشكلة إن دلوقتي العربية صوتها عالي جدا وسحبها سيئ جدا... ولازم أضغط بنزين جامد عشان أعرف أطلع غير كده بتبطل... وكمان بدورها بصعوبة.... المفروض أروح لمين؟؟؟...

التاكيهات عايزه تتظبط..(لو العربيه مش زي الألماني تاكيهات زيت)
و راجع على تقسيمة الكاتينه تاني..

معلش ايه التاكيهات دي؟؟؟ أصلي جديد في المواضيع دي..

دة اكيد بتاع كوفته مش ميكانيكى

هوة حط جوان واحد ولا اتنين جوان
للعلم فقط

3 جوانات: جوان وش السلندر وجوان فرن والتالت مش فاكر اسمه... بس حجمه وسط بين الاتنين...

طب حد يعرف ميكانيكي كويس يعرف يشتغل في الحاجات دي... ياريت لو في مدينة نصر... وهل في حد انجكشن بس ولا هو بيفتي؟

التاكيهات دي المسؤوله عن فتح صباب الشحنه و صباب العادم.
و المفترض بيكون بينها وبين الصباب خلوص..
لو متحمل عليها والخلوص ده فاتح أوي أو مقفول قوي.
بتحصل حاجه من الإتنين..
الحريق بيحصل و أحد الصبابين عادم كان أو شحنه فبيؤدي لتسريب الضغط.و بالتالي سحب العربيه يقل جدا..