" حصري لنايل موتورز " تغطية للسيارات الصينية في معرض أتوماك فورميلا

**hugan** · 18-03-2014 10:35 PM

المشاركة الأصلية كتبت بواسطة refaei

بعد اذن صاحب الموضوع
دي شوية صور انا بحاول ارفعها عن العربية اللي حجزتها

[img]http://nileup.com/up/uploads/nilemotors_13951744773.jpg[/url]

[img]http://nileup.com/up/uploads/nilemotors_13951744772.jpg[/url]

[img]http://nileup.com/up/uploads/nilemotors_13951744774.jpg[/url]

[img]http://nileup.com/up/uploads/nilemotors_13951744775.jpg[/url]

[img]http://nileup.com/up/uploads/nilemotors_13951744776.jpg[/url]

[img]http://nileup.com/up/uploads/nilemotors_13951744777.jpg[/url]

ياريت تساعدوني في الخطوة دي بارائكم سواء انفذها ولا لا ؟ وخاصة الاستاذ باسم

1000مبروك عربيتك اوتو ولا مانيوال
وسعرها كام

**morabet8** · 18-03-2014 11:24 PM

الف شكر يا باسم باشا على المجهود الرائع دائما متالق

**bassem.naguib** · 19-03-2014 08:18 AM

المشاركة الأصلية كتبت بواسطة akmm

فعلا مجهود رائع ... وكاننا في المعرض بالضبط .....

المشاركة الأصلية كتبت بواسطة epnmasr

مشكووووووووووور وتسلم إيدك على المجهود المتميز

ربنا يخليكم وشاكر لتشريفكم الموضوع وبتعليقاتكم الجميلة .

المشاركة الأصلية كتبت بواسطة refaei

معلش ياباشا انا نزلت الصور تاني هي اتو ب 130 الف وقالي بعض المعرض 140 والخصم علشان المعرض

تستلم على خير إن شاء الله .. بس الاستلام بعد أد أيه والضمان ووو إلخ .. شوية تفاصيل يعني وأنت أكيد فصصت العربية وسألت كويس .. ومتنساناش بالتقارير عنها بعد الاستلام باستمرار إن شاء الله .

المشاركة الأصلية كتبت بواسطة morabet8

الف شكر يا باسم باشا على المجهود الرائع دائما متالق

ربنا يخليك يا عبد الرحمن ومنحرمش منك .

**S O P H O S** · 19-03-2014 01:27 PM

تغطية رائعـة بصراحة
تسلم ايدك

**refaei** · 19-03-2014 03:25 PM

تستلم على خير إن شاء الله .. بس الاستلام بعد أد أيه والضمان ووو إلخ .. شوية تفاصيل يعني وأنت أكيد فصصت العربية وسألت كويس .. ومتنساناش بالتقارير عنها بعد الاستلام باستمرار إن شاء الله .

بص يا سيدي هو قالي هيسلمني في خلال اسبوعين، واللي شجعني ان شركة فاو هي اول واكبر مصنع سيارات في الصين وهو اللي بيقفل عربيات فولكس واودي وتويوتا وجنرال موتورز الامريكي وده كلام اكيد وهو المصنع اللي بيغذي الجيش الحربي في الصين ، ومؤخرا تم توقيع عقود ثلاثية بين شركة فاو الام ووامكو ايجيبت والشركة الهندسية للسيارات ( فاكرينها ) اللى عملت النصر والشاهين انهم هيصنعوا العربية الفاو في مصر بس الاول هايبدأوا بالتقفيل تحت اشرافهم وبعدين تطوير التصنيع بحيث انه يبقى اول مصنع يصنع عربية 100% والكلام ده موجود في كل الجرايد ، وصاحب شركة وامكوا كان وكيل كيا في مصر واخد جوايز كتير بسبب المبيعات ومراكز الصيانة ، وبيعمل دلوقتي معرض ابو رواش على مساحة 3000 متر بتكلفة 15 مليون جنيه.

وبعد ده كله انا لسة مش عارف اجيب العربية ولا اترمي في حضن غبور نيو اكسنت
حد يقولي اعمل ايه

**refaei** · 19-03-2014 03:30 PM

اه نسيت الضمان 5 سنين او 100 الف كيلو وسالت على قطع الغيار والاكسسوار كان ردهم ان مصنع فاو اجبرهم في العقد انهم يستوردوا قطع الغيار والاكسسوار بنسبة تناسب عدد السيارات وقالي ان ممكن تكون اغلى حاجة الكشاف ب 700 تقريبا وانا كدة كدة هاروع التوكيل واستفسر عن كل حاجة ان شاء الله وقالي ان في 9 حجز ع العربية من خلال معرض فورميلا ..واخدت وعد اني اعمل test drive وان شاء الله هابلغكم بكل حاجة
بس ساعدوني ف القرار الله يخليكم وانا عايز عربية مش هابيعها قبل 6 او 7 سنين

**bassem.naguib** · 19-03-2014 06:52 PM

والله هو القرار صعب .. وخاصة أن العربية مش منتشرة .. ومش معنى كلامي أني بقولك لا أو أه في الشراء .

وفاو من المعروف في الصين أنها من كبرى شركات تصنيع السيارات .

تعالى نفكر مع بعض بصوت عالي .. ليه مثلاً مفكرتش في الشانجان ايدو لأني شايفها أفضل من الفاو (من وجهة نظري ودي اذواق) ؟!! أو في أي ماركة تانية صينية منتشرة في السوق المصري واثبتت نفسها .

في النهاية وقبل أي شيء أنا لا انصح أحد باتخاذ قرار بشراء أو عدم شراء سيارة بعينها لأن دي مسئولية كبيرة لا اتحملها حتى لو كانت العربية خارجة من كبريات الشركات في العالم مش في الصين فقط .

ونصيحتي ليك الوحيدة هي عمل استخارة .. فبناء عليها ربنا حيوجهك للي فيه الخير بالنسبة ليك أنت .. وبالتوفيق إن شاء الله .