موضوع رائع وتغطيه رااائعه
لشخصيه رااائعه
تقبل تحياتى لشخصكم الكريم
موضوع رائع وتغطيه رااائعه
لشخصيه رااائعه
تقبل تحياتى لشخصكم الكريم
ربنا يخليكم ومنحرمش من ذوقكم .. وشاكر لتشريفكم وتعليقكم الجميل على الموضوع .
مفيش شكر ولا حاجة .. أحنا هنا علشان نساعد بعض ونتبادل الخبرات والأفكار والتجارب .. وبنتعامل من منطلق الأخوة والمصلحة العامة بموضوعية وبدون تحيز .
بس معلش اختلف معاك في جزئية الخامات الداخلية .. وفعلاً السعر لم يحدد بعد في الشانجان
ومتنساش الاستخارة وبالتوفيق إن شاء الله لما فيه الخير ليك
على فكرة فيه معلومة مهمة قوى بالنسبة للعربية الشانجان اتكعبلت فيها فى المعرض و للاسف مش و انا واقف فى قسم شانجان و انما فى قسم سوزوكى و هى ان وكيل سوزكى اللى هو شركة سعودى هو هو وكيل شركة شانجان و ده لسبب مهم جدا ان شركة شانجان مش شركة صينية خالصة و انما هى شراكة 50 بالمية بين شركة صينية و سوزوكى و علشان كده اللى لاحظ عربيات الشانجان انها ذات جودة مختلفة تماما تماما عن اى عربية صينى خالصة فده مش تطور من الصين و الا صدفة انما لدخول سوزوكى فى الموضوع زائد ان العربيات اللى بتحمل علامة سوزوكى نفسها و بتتباع فى السوق الصينى بتتصنع فى مصنع شانجان فى الصين
و بالنسبة للموديلات قاللى انهم لما نزلوا من الشانجان نزلوا الايدو السيدان من سنة و كانوا بيجربوا فيها على كل الطرق و اتعمل بيها اكتر من 100 الف كيلو خلال السنة و كانت نتيجة التجربة ممتازة اما الايدو الجميلة الهاتشباك و الباقى نزل المعرض السنة دى لاستطلاع راى الناس و علشان الموديلات دى هتتجرب هى كمان فاعتقد ممكن نشوف العربيات دى كلها بدعاية كبيرة و للبيع بعد المعرض السنة الجاية باذن اللله و ربنا يدينا و يديكوا طولة العمر
كان فى عربيات فى المعرض إسمها BRABUS
وكنت عايز أعرف العربيات دى صينى ولا أيه نظامها لأن كان عندها زحمة وملحقتش أسأل .. بس عربيات شبة المرسيدس ال S CLASS و C CLASS و E CLASS .. أو تكاد تكون مطابقة للمرسيدس مش شبها وبس ..
http://nileup.com/up/uploads/nilemotors_13953018961.jpg
لا طبعاً مش صيني
الراجل ده بيقول كلام 100 - 100
انا كنت واقف مع مدير توكيل برابس ( Bra bus ) المهندس كريم لاني مدير شركتي معاه مرسيدس وكان عايز يعمل تعديل ع الموتور ويحوله من 160 حصان الى 210 وقعدنا ساعة نتكلم عن القصة دي وهي شركة المانية وبتشارك مرسيدس في صناعة اجزاء من السيارة والعربيات اللي كانت معروضة اصلا بتاع ناس وموديلات قديمة كمان بس متعدلة