شراء سيارة نيسان صني اسود 2007 مانيوال
اولا باشكر كل القائمين على انجاح هذا المنتدى والموقع بشكل عام
ديه اول مشاركة ليا رغم اني اتابع المنتدى ايام الكونتاكت كار وبعد مااتغير الى نيل موتورز واول سيارة اشتريها في حياتي كانت في صباح هذا اليوم وهي سيارة نيسان صني مانيوال 2007 اللون الاسود ولكني سادفع ثمنها يوم الاحد واستلمها فوري لاني ماكنتش متوقع اني اشتري في نفس اليوم اللي حددت فيه اني ازور واختار مابين 3 توكيلات عشان كنت محتار مابين
لانسر مصري 1300 تويوتا ياريس نيسان صني مانيوال على اعتبار كلهم قريبين في السعر واول توكيل ازوره كان من نصيب نيسان وحجزتها على طول بعد ان اعجبت بالسيارة جدا ودفعت 1000 جنيه عشان يكتب لي استمارة طلب شراء ويديني رقم الشاسيه وايصال بالمبلغ لحين دفع كامل المبلغ واستلام فوري للسيارة يوم الاحد
هل كنت متسرع اني ماروحتش التوكيلات التانية واخترت على طول ؟
ايه الحاجات اللي باستلمها مع السيارة من اوراق ؟
ايه المطلوب مني اني اخد بالي منه وانا باستلم العربية واسال عن ايه ( يعني ايه الحاجات المادية التانية اللي بتيجي مع العربية) ؟
التوكيل اللي اشتريت منه هيطلع معايا واحد يخلص اجراءات ترخيص السيارة والنمر ب 100 جنيه
طلبت منهم عدم غسل السيارة الا امامي لما اروحلهم فاطلب منهم غسل ايه وترك ايه ومثلا مايجبوش ميه على الماتور هل ده صح؟
انا باعتذر جدا على الاطالة والاسهاب بس زي ماعودنا المنتدى وجهابذته المحترمين انهم لايبخلوا علينا بالاجابة الوافية والكافية واتطلع ان يدلي الباشمهندس الكبير سبعاوي بدلوه لان كلامه عن النيسان صني كان احد الحوافز القوية لاستقراري عليها
ودمتم
صيدلي / احمد