منهم لله سواقين الميكروباصات !!!

**Trondo** · 17-03-2014 06:24 PM

الحمدالله على كل حال

النهارده و انا فى امان الله ماشى على البحر بسرعه متوسطه
عربيه ملاكى واقفت FULL STOP فى نص الطريق

و حظى انى كنت وراه ... الحمدالله الفرامل لمت كويس لان المسافه مكنتش كبيره
و انا كنت على سرعه 60 مثلا .... انا توقعت انى هادخل فيه ... بس الحمدالله

انقذت وش العربيه ... بس للاسف اخدت الضربه من ظهرى :))

سواق ميكروباص حمار بيجرى بغباء و لقيته جنبى و خبطلى الرفرف اللى وراه

ركنت و نزلت و لاقيت الملاكى اساس المشكله طلع يجرى و سواق المشروع راكن

لسه هامسك فيه ... لاقيته بيقولى والله غصب عنى انت ربطت فرامل مره واحده

و انا فاديتك من ظهرك لانى كنت هاخش في الشنطه عندك !!!

قالى اللى انت عاوزه انا معاك فيه ...

حسبتها و قولت الحمدالله انها جات على كده لانه لو كان رشق فيا كان غرمنى كتير

شنطه و اكصدام و هيصه كبيره لانه فعلا كان على سرعه عاليه

و حسبتها انى لو كنت دخلت انا فى العربيه اللى قدامى كنت دامرتها برضه و دمرت عربيتى

و كان هيبقى فيها اير باج و اكصدام و فوانيس و ريداتير و هيصه كبيره

فقولت له الحمدالله انها جت على كده اتكل على الله

و كويسه انها جت فى حته صغيره فى الصاج

ياريت لو حد يعرف سمكرى يكون كويس يقدر يظبطها و يكون شغله نظيف

ياريت فى اسكندريه لو أمكن

و هل هتتعمل على البارد ولا لازم هيسخن عليها

نوع العربيه كيا سبورتاج

ياريت مقترحاتكم ... الحمدالله على كل حال

**3ateef** · 17-03-2014 06:39 PM

بسيطة يا باشا, الحمد لله على سلامتك.

**jojojojo** · 17-03-2014 06:56 PM

الحمد لله اولا وبسيطه وتترد علي البارد بس عايزه سمكري فنان وان شاء الله ترجع زي الاول

**J A G U A R** · 17-03-2014 07:47 PM

بسيطه الحمد لله هاتترد على البارد وخلاص

**EngAhmedSayed** · 17-03-2014 09:32 PM

لا تحزن يا صديقى
على اللى حصل دى حاجة بسيطة
الحمد لله على كل شىء
و فعلا انتا كلامك صح قضى اخف من قضى
انا نفس الموضوع ده حصل معايا كنت ماشى فى الشمال واوحد راكب جيب شيروكى رمى عليا مرة واحده و كنت ماشى على 40 كيلو يعنى مفيش جرى علشان شارع الهرم زحمة بطبيعته و وقفت و هب اسمع طخخخخخخخ نزلت ببص لقيت سواق تاكسى شاهين خبطنى و الشبكة بتاعته اتكسرة لقيته نازل بيتخانق و بيزعق و جى يمسك فيا طبعا بتاع الشيروكى شاف الموضوع كده جرى و خد اول يو ترن و جرى فص ملح و داب و انا الحمد لله عربيتى محصلش حاجة قولتالو نعم هو انتا جى تخبط و جى بتتخانق هو انتا مش شايف الحمار رمى عليا مرة واحده و كنا مابنجريش انا مش هسيبك قولتالو بقلك اية عاوز تاخد حقكك تعالى قسم الهرم موجود اهوووووووو مفيش 700 متر تعالى انا مبدفعش فلوس لانى مش غلطان سكت وركب عربيته و مشى

لانى فى سواقين بينتهزو فرصة علشان يقلبك فى فلوس

ربنا يهدى

**Mahmoud/Nabil** · 17-03-2014 11:35 PM

باشا في واحد تحت كبري العوايد اه هو بعيد شويه بي مشاء الله ايده تتلف في حرير .... و حنين في السعر و في واحد تاني في سموحه بس غالي

**miceg** · 18-03-2014 12:03 AM

قدر الله وماشاء فعل
بسيطة جدااااااااااا
لو كنت وريتلك ترييحة مقطورة أثناء طريقي الى اسكندرية في بداية العامرية وفي زحمه الصباح وشكل الرفرف الخلفي ساعتها
كان صعب عليك حال العربية
لكن اتردت عالبارد في ورشة نايل موتورز فالحرفيين وكان شغل عالي اوووي
الموضوع بسيط إن شاء الله وبعد ما يترد مش هتشوف غير خرابيش بسيطة

-

-

الموضوع: منهم لله سواقين الميكروباصات !!!

LinkBack

أدوات الموضوع

عرض

-

-

المواضيع المتشابهه

سواقين مش عارفين قيمة العربيات إلى معاهم (سواقين الميكروباص فى الفلاحين)

نفسي سواقين الميكروباصات يبقوا رجالة

هو الواحد يلاقيها من سواقين التاكسي ولا الميكروباصات ولا المكن الصيني ولا التوك توك؟؟

وأخرتها مع سواقين النقل .. الله ينتقم منهم

خد وهات ايه رايك؟ ايه هيه اكتر محافظة فيها اسوء سواقين واحسن سواقين

الكلمات الدلالية لهذا الموضوع

المفضلات

المفضلات

ضوابط المشاركة