المشاركة الأصلية كتبت بواسطة تامر.محمد
استاذ احمد
كلامك ده كله متفق معاك فيه
لكن في نفس الوقت
اللي بيحصل حاليا هو التطور الطبيعي للوضع اللي بتوصفه
كان الوسط الفني زي ما بتقول
دلوقت هو داخل في مرحلة ان الاراذل دول يبقى اسمهم احسن ناس
و ده بطبيعة الحال بيقود لأن الشوية اللي لسه بيصلوا هايبقوا اقل , و الشوية اللي بيروحوا يصلوا الجمعة عالاقامة مش هايروحوا خالص
و كده يبقى المجتمع بالكامل انحط من سيء لأسوأ
قبل كده كانت الرقاصة سيدة مجتمع وسط الرقاصين اللي زيها
احنا كده بنتكلم ان الرقاصة سيدة مجتمع وسط الكل
اللي بطبيعة الحال كمجتمع هاينحط عشان يتناسب مع الدرجة دي
هو حضرتك فاكر ان كل السيناريوهات المنحطة اللي بتتعرض عالشاشات دي بتعمل ايه ؟
سواء ده مقصود او مش مقصود
اللي بتعمله انها بتشيل الحاجز النفسي بين الناس و بين الرزائل دي
و واحدة واحدة هتلاقي الحاجات دي بتحصل
زي بالظبط ما نظرة الشاب للبنت بقت ان من الشطارة و الروشنة و الفتاكة لمسها و انتهاك جسمها
زي ما شاف عادل امام و تامر حسني بيعملوا
هو كده نجم و برنس
كل رزيلة موجودة في البلد دي على قليل و بالمتداري بالطريقة دي بتزيد و بتبان و بتشيع
و ده مش بند سيب الناس تتبسط
ده بند سيب الناس تتحرق
فعلا و الله , ده انبساط اشبه بانبساط واحد سكران او مبرشم
و كل واحد هايبقى قدامه اما انه ينضم للقطيع و يستمتع بالفاحشة و يعيش و (يتبسط)
او يعاني و يبقى قابض على اخلاقياته و دينه و كأنه قابض على الجمر و زي ما وصلنا لمرحلة ان المنتقبة متطرفة هاتليها مرحلة ان المحجبة متطرفة , و بعدها مرحلة ان اللي مالهاش بوي فريند متشددة , و بعدها مرحلة اللي عدت العشرين و لسه virgin مريضة نفسيا
ده مش كلامي , ده الخط اللي مشيت عليه البلاد اللي سبقتنا في السكة دي , و ده مجرد مثال
و ان كانت البلاد دي مشيت في الخط ده على نضافة , فاحنا ماشيينه حاليا , عذرا في اللفظ , على (وساخة)