أرجوكم حد يساعدنى
لو جيت أشترى عربيه من التصنيع ده أشترى ماركة ايه وايه مزاياها وايه عيوبها
أرجوكم حد يساعدنى
لو جيت أشترى عربيه من التصنيع ده أشترى ماركة ايه وايه مزاياها وايه عيوبها
احسنلك الكورى عشان هو من رأى الشخصى اللى كويس يعنى من جيد جدا الى ممتاز عشان الامريكانى مولع وبلاعة بنزين الالمانى سعره نار واليابانى فيه بعض المشاكل
الكورى فى متناول الايدى دلوقتى وصيانته اسهل على سبيل المثال الكيا مثلا هى العربية الوحيدة الكورى اللى توكيلها محترم فى مصر ومحدش اشتكى منه والكل بيشكر فيها
اخوك يوسف
الياباني فيه عيوب :shocked4:
ده على المدى البعيد ولا القريب
انصحك تشوف عربيه ياباني وعربية كوري بعد 10 سنين شوف حالة كل واحده وانت تعرف
وشوف مين فيهم اللي البرومة هتمسك فيه
انا رايي لبلدنا مصر
الياباني افضلهم لأنه بيعادل بين الجودة والسعر والعمر الأفتراضي وسعر اعادة البيع
العربيات الياباني الوحيده اللي هتلاقيه موازنة كل هذه الأمور بنوع من التعادل او الوسطية يعني
معاك في راي الكوري ده بس في راي تاني ان لو هتركب عربية تريحك و تستمتع بيها
يبقي الامريكي افضل حاجة و مش كل الامريكي بلاعة بنزين
الياباني افضلهم لأنه بيعادل بين الجودة والسعر والعمر الأفتراضي وسعر اعادة البيع
انا مع ابو عبد الله فالرأى تماااااااااااما
يابانييييييييييييييي
انا فى رايى السيارات الاميركية تتميز بالفخامة و الرفاهية و قوة الانطلاق , اما السيارات اليابانية فالنعومة و الهدوء و السعر و الجودة......
اول حاجة بس خلينا نصحح بعض المعتقدات الموروثه
التى اصبحت لا تصلح لعصرنا هذا
اول حاجة الامريكانى بلاعه بنزين ( طبعا الكلام ده عارى من اى صحه) دلوقتى اغلبيه العربيات اللى فى فئة 1600 سي سي وما اقل استهلاكها تقريبا متقارب جدا من بعضه
يمكن المقولة ده صح ايام الستينات والسبعينات
لكن دلوقتى لا
تانى حاجة اليابانى عربيات ورق (المقولة ده طلعت اوائل التمنينات فى العصر الذهبي لعائلات الفيات والبيجو) وطبعا غير صالحه لحد دلوقتى
بعد ما صححنا بعد المفاهيم ، كده نقدر نتكلم
لو انت من النوع اللى بيحافظ على العربيه وبتعمل الصيانة الدوريه فى ميعادها يبقى ارشحلك الفرنساوى والمانى والامريكى
لان العربيات ده معمولة علشان لازم يتعمل الصيانة بشكل منتظم ده لو انت حابب تحافظ عليها
لو انت من النوع اللى مش بيحب يزور التوكيل علشان يعمل الصيانه او مكانك الجغرافى لا يتوفر فيه امكانيه عمل الصيانه فى التوكيل ، هنا بقا ارشحلك اليابانى بقوة
انما اكورى انا لا احبذا شرائها ، الا لو فعلا الميزانيه لا تسمح باقتناء اليابانى
مجملا
العربيه اليابانى يعنى راحة بال وسعر اعادة بيع كويس ومصاريف تشغيل بسيطه مقارنتا بباقى الماركات