بسم الله الرحمن الرحيم
بمشيئة الله انا رايح التوكيل غدا لعمل الصيانه ..
اى حد عايز استفسار او اسئلة من هناك او حد عايز تقرير عن حاجة معينة من التوكيل
ان شاء الله رايح التوكيل فرع التجمع ..
اى استفسار او اى خدمات من هناك انا تحت امر الجميع
بسم الله الرحمن الرحيم
بمشيئة الله انا رايح التوكيل غدا لعمل الصيانه ..
اى حد عايز استفسار او اسئلة من هناك او حد عايز تقرير عن حاجة معينة من التوكيل
ان شاء الله رايح التوكيل فرع التجمع ..
اى استفسار او اى خدمات من هناك انا تحت امر الجميع
بالتوفيق يا باشا
لو سمحت ابقى اسأل على الشاشة الاصلية 2014 وصلت وﻻ لسه وتمنها كام
هل يمكن تغيير بأي نوع زيت غير موبيل .. ورخم عليهم في السؤال ده طالما بنفس المواصفات .. أو أعمل الصيانات بدون غيار الزيت من غير تأثير على الضمان
هل ممكن أجيب اللمبات من خارج التوكيل وأركبهم عندهم وكذلك الكلاكس .. يا أما تركبهولي أنت او هاني .
مفيش أي نوع تاني من الانذار ناويين يجيبوه بدل النوعين اللي عندهم
بالتوفيق إن شاء الله وعقبال صيانة المليون وتبقى مبسوط منها دائماً .
هل تم تعديل ارتفاع السيارة فعلا و لو تم كيفيه ذلك دون المساس بثبات السيارة
الكاميرا والتسجيل التاتش ( ابو شاشه ) لسة منزلش التوكيل واخر كلام سمعته من داخل التوكيل ان سعره هيبقى فى حدود 5000 جنيه وان شاء الله بكره يتم تحديث المعلومه لحضرتكاقتباس:
بالتوفيق يا باشا
لو سمحت ابقى اسأل على الشاشة الاصلية 2014 وصلت وﻻ لسه وتمنها كام
اقتباس:
هل يمكن تغيير بأي نوع زيت غير موبيل .. ورخم عليهم في السؤال ده طالما بنفس المواصفات .. أو أعمل الصيانات بدون غيار الزيت من غير تأثير على الضمان
هل ممكن أجيب اللمبات من خارج التوكيل وأركبهم عندهم وكذلك الكلاكس .. يا أما تركبهولي أنت او هاني .
مفيش أي نوع تاني من الانذار ناويين يجيبوه بدل النوعين اللي عندهم
بالتوفيق إن شاء الله وعقبال صيانة المليون وتبقى مبسوط منها دائماً .
هو انت دايما كدة يا باسم اسئلتك كتيره اوى كدة (( بس يله مش مشكله علشان بحبك ))
بالنسبة لموضوع الزيت .. ممنوع مطلقا وانا حاولت قبل كدة كتير ان اغير او اجيب انا زيت من بره وبالحاح ووسايط قالوا احنا مش مسئولين عن اى زيت غير موبيل دة كان فى موديل سابق للكورولا
وفية حد هنا يا باسم راح وقالهم نفس الكلام منعوا اى زيت غير منهم .. حتى لو كنت انت هتجيب زيت موبيل بردة بس من بره بيمنعوا تغيروا حتى لو كان نفس النوع الى هما بيستخدمها ((( غلاسة يعنى ولا اية مش فاهم )))
موضوع اللمبات دى انا اتكلمت شخصيا مع الاستاذ شادى محمد فى العباسية قالى مش هينفع تجيب لمبات من بره حتى لو كانت مش اى مكان او شركه اوسرام نفسها ونركبه لحضرتك .. لا يجوز تركيب اى كماليات خارج التوكيل .. علشان كدة انا فكيت الكلاكس وفكيت الزينون علشان محدش يفتح بوقى معايا
بالنسبة للكلاكس انا معنديش مشكله انى اركبهولك دة انا يزيدنى شرفا دة اولا
ثانيا انا اخليك تعمله بنفسك لو عايز الطريقة اكتبها ليك واعملك تقرير حته حته لما ارجع من التوكيل وارجع اركبه تانى وانت ان شاءا لله تركبه بنفسك مش محتاج اى مساعدات خارجيه لانها حاجة تافه جدا جدا
الانذار دى بقى الى اسئل ليك بكره ان شاء الله لانها معلومات فية زى معلومتى عن كوكب المريخ كدة
صيانه الملييييون .. يدنى ويدلك طول العمر والذرية الصالحه بقى هى الى تقوم بالواجب وتقول الله يرحمنا
كفاية بقى اسئله انا ايدى وجعتنى من الكتابه يا عم باسم واحدة واحدة على الرز علشان ميتحرقش (( لو مكنتش بعزك بس يله زى اخويا برضة ))
بالتوفيق أخونا الفاضل
موضوع الزيت ده خانق الكل بما فيه رينوووووو
فين ايام توكيلات نيسان
كان المهندس يتمزج وانا بديله زيت الليكوي مولي ويقولي عفارم عليك .
دوام الحال من المحال
السياره تم تعديلها فى الدفعات الجديدة يا فندماقتباس:
هل تم تعديل ارتفاع السيارة فعلا و لو تم كيفيه ذلك دون المساس بثبات السيارة
والناس بتستلم دلوقتى متعدله
ومفيش اى مساس بثبات العربية لان العربية نازله بالارتفاع دة فى روسيا والخليج كمان
فاكيد مفيش مساس بثبات العربية
ولو عايز مقارنه فية ناس فى المنتدى اتكلموا فى النقطة دى ممن كانوا معاهم العربية قبل التعديل وبقى معاهم دلوقتى عربية متعدله وقالوا مفيش اى تاثير يذكر فى الثبات
وانا معايا العربية قبل التعديل وثباتها ماشاء الله وسنحت ليا الفرصة انى اسوق عربية من الى نازله متعدله وكان الثبات مفيش اختلاف فية مع انى مجرتش بيها كتير بس كان لا تغيير يذكر
اقتباس:
بالتوفيق أخونا الفاضل
موضوع الزيت ده خانق الكل بما فيه رينوووووو
فين ايام توكيلات نيسان
كان المهندس يتمزج وانا بديله زيت الليكوي مولي ويقولي عفارم عليك .
دوام الحال من المحال
والله هو متفهمش بالضبط دة اية
فية بينزنس مشترك مثلا
ماضيين مع بعض تعاقد (( ودة مش معناه ان موبيل وان مش كويس ))
بس هى دى طبيعة التوكيلات بتبقى ماسكه فى عربيتها والخواجه حاطط موبيل وان يبقى كله يحط موبيل وان علشان الماتور والكلام الدباجه الى بيتقال دة
وعلى رايك دوام الحال من المحال وادينى ماشى الحال
اعترض بقى !!! أنا عاوزك تعترض وشوف أيه اللي حيحصل :khd:
وبما أن اسئلتي كتير .. خد ده كمان .. هل لازم أعمل شكوى علشان التعديل ولا كله حيعمل التعديل ؟! والشكوى بتكون في التليفون ولا لازم اروح التوكيل ؟!
وربنا يديك الصحة وطولة العمر يا باشا .. وطبعاً (وأنت مجبر) زي أخوك الكبير سناً .
أنت بتقول فيها !! طبعاً بيزنس مشترك ومتاكد من كدة .. وده في كل التوكيلات مش تويوتا بس .. وبيبقى فيه تعاقد فعلاً وكميات سحب شهرية من التوكيل ..
واعتراضي معاك أن موبيل وان أو أي موبيل سيء مش وحش وبس .